(سبه‌ی):
تا دێت ژماره‌ی قوربانیانی خپیشاندانه‌کانی میسر به‌ره‌و زیادبون ده‌چێت و به‌پێی ئاماره‌ ناڕه‌سمییه‌کان تائێستا 150 که‌س کوژراون.
به‌پێی سه‌رچاوه‌کانی هه‌واڵ، له‌رۆژی ده‌ستپێکردنی خۆپیشاندانه‌کانه‌وه‌ نزیکه‌ی 450 که‌س له‌لایه‌ن هێزه‌ ئه‌منییه‌کانه‌وه‌ ده‌ستگیرکراون.
به‌پێی ئاماره‌ ناڕه‌سمییه‌کانیش تائێستا، 150 که‌س له‌سه‌رتاسه‌ری میسر کوژراون و هاوکات ژماره‌ی برینداره‌کانیش گه‌یشتوه‌ته‌ زیاتر له‌ 4 هه‌زار که‌س.
له‌لایه‌کی دیکه‌وه‌ له‌ گرتوخانه‌یه‌کی قاهیره‌ ژماره‌یه‌ک به‌ندکراو هه‌ڵاتون و به‌پێی هه‌واڵێکی که‌ناڵی جه‌زیره‌ش، 34 که‌س له‌ئه‌ندامانی ئیخوان موسلمین له‌نێو هه‌ڵهاتوه‌کاندان.