(سبه‌ی):
بانگەوازی خۆپیشاندان بۆ ڕەوەندی کورد لە (بەلجیکا، هۆڵەندا، فەرانسا و ئەڵمانیا) لەبەردەم بارەگای کۆمیسیۆنی یەکێتی ئەوروپا  لە بروکسل
رەوەندی کورد ڕۆژی چوارشەممە ڕێکەوتی 2/3/2011 خۆپێشاندانێکی جەماوەری فراوان و هاوبەش بۆ کوردانی دانیشتوی وڵاتانی  (بەلجیکا، هۆڵەندا، فەرانسا و ئەڵمانیا) لەبەردەم کۆمیسیۆنی پارلمانی یەکێتی ئەوروپا (بروکسل-گۆڕەپانی شوومان)، بە مەبەستی شەرمەزارکردنی بەکارهێنانی زەبروزەنگ لەلایەن دەستەڵاتدارانی هەرێم بە گشتی و ملیشیاکانی پارتی دیموکراتی کوردستان بەتایبەتی دژ بە خۆپێشاندەرانی کوردستان سازدەکات.
داوا لە دانیشتوانی ئەو وڵاتانە دەکەین، بەگەرموگوڕیەکی زۆرەوە ئامادەی خۆپێشاندان بن، بە مەبەستی پشتیوانی کردن لە دەنگی ناڕازی شەقامی کوردی دژ بە گەندەڵی و پشتگیریکردنی داواکاریەکانیان.
هاوکات ئەو خۆپێشاندانە بریتیە لە گەیاندنی دەنگی ناڕازی گەلی کوردستان بە سەرانی یەکێتی ئەوروپا و ئاگادارکردنەوەیان لە ڕێگریەکانی دەستەڵاتی هەرێمی کوردستان و بەکارهێنانی چەک دژی خۆپێشاندەران. نوێنەری خۆپێشاندەران هەوڵ ئەدات دۆسیایەک لەسەر پێشێلکاریەکانی دەستەڵاتدارانی هەرێمی کوردستان و ملیشیاکانی پارتی دیموکراتی کوردستان، بخاتە بەردەم کۆمیسیۆن و پارلمانی ئەوروپا و داوایان لێبکات گوشار بخەنە سەر هەرێم بۆ بەکارنەهێنانی زەبروزەنگ دژ بە خۆپێشاندەران.
بەشداریکردنتان نیشانەی وەفاداریتانە بە خوێنی شەهیدان.

کات:
 رۆژی چوارشەممە 02/03/2011کاتژمێر ١٣بەکاتی ناوەندی ئەوروپا، لەبەردەم بارەگای کۆمیسیۆنی ئەوروپا لە بروکسل-شومان. خۆپێشاندانەکە تا ئێوارە درەنگ بەردەوامە. ئەو کەسانەی کار ئەکەن ئەتوانن دوای کارەکانیان بەشداری بکەن.
ناونیشان:
Wetstraat 200, 1000 Brussel,Belgium/België/Belgique,
گۆڕەپانی   Schuman
پەیوەندی:
لە بەلجیاکاوە:  0032486386821 یان 0032492520097
لە ‌هۆڵەنداوە: 0611117172
لە ئەڵمانیاوە: 01797825012 یان 015228776601
کەسانی بێ ئۆتۆمبێل ئەتوانن بە ترێن (شەمەندەفەر) خۆیان بگەیننە ئیستاسیۆنی سەنتڕاڵ لە بروکسل و لەوێشەوە بە دو مەترۆی جیاواز، ئەتوانن بگەنە شوێنی مەبەست کە وێستگەکە ناوی   (Schuman). هەروەها ئەو هاوڵاتیانەی لە بڕوکسل ئەژین ئەتوانن سود لەو نەخشەیەی خوارەوە وەرگرن و لە هەرسێ ئیستاسیۆنە سەرەکیەکانی بروکسل واتە (بروکسل-"زۆود-میدی" بروکسل-سەنترال و بروکسل نۆڕد) شوێنی ئاماژەبۆکراو بدۆزنەوە کە مەیدانی شومانە Shumanplein /Schuman بەردەم بارەگای سەرەکی کۆمیسیۆنی یەکێتی ئاوروپا.

 
ئەو شوێنانەی هێمای  بۆ کێشراوە بریتین لە ئیستاسیۆنە سەرەکیەکانی بروکسل و یەکێکیشیان شوێنی کۆبونەوەکەیە واتە گۆڕەپانی شوومان.