(سبه‌ی):
جه‌ماوه‌رێ‌ قه‌زا سێمێلێ‌ و كۆمه‌لگه‌ها مسێریكێ‌ ده‌نگێ‌ خۆ دئێخنه‌ پال ده‌نگێ‌ ده‌ڤه‌رێن دنێن به‌هدینان و پشته‌ڤانیا خۆ بۆ خۆنیشاندانێن سه‌رای ئازادی ل باژێرێ‌ سلێمانیێ‌ دوپات دكه‌ن و خه‌مخوریا خۆ ژی‌ رادگه‌هینن بۆ داخوازیێن خۆنیشاندانان.
د به‌یاننامه‌كێ‌ كو ژ ئالیێ‌ پتر ژ 100 كه‌سان ڤه‌ ل قه‌زا سێمێلێ‌ هاتیه‌ ئیمزاكرن، جه‌ماوه‌رێ‌ سێمێلێ‌ زێده‌باری‌ خۆیاكرنا پشته‌ڤانیا خۆ بۆ خۆنیشانده‌ران، هه‌روه‌سا ئاشكه‌را دكه‌ن كو ژ به‌ر كاودانێن ده‌ڤه‌را به‌هدینان تێدا ده‌ربازدبیت نكارن ل مه‌یدانا ئازادیێ‌ ل باژێرێ‌ سلێمانیێ‌ به‌رهه‌ڤ ببن، لێ‌ ب دل و ب جان و ب هزرێن خۆ ل گه‌ل خۆنیشانده‌رێن سه‌رایا ئازادیێ‌ نه‌.
هه‌ر دوێ‌ به‌یاننامێ‌ دا هاتیه‌ كو، نه‌ورۆزا ئیسال ب گرنگترین نورۆز دهێته‌ هژمارتن، ژبه‌ركو دیوارێ‌ ترسێ‌ ژناڤچو و وجه‌ماوه‌ری‌ ده‌نگێ‌ نه‌رازیبونا خۆ ل دژی‌ گه‌نده‌لیێ‌ و نه‌ دادپه‌روه‌ریێ‌ بلند كر.

ئه‌ڤه‌ ژی‌ ده‌قێ‌ وێ‌ به‌یاننامێ‌ یه‌:
به‌یاننامه‌
ئه‌م خه‌لكێ‌ سێمێلێ ومسیریكێ پشته‌ڤانیا خۆ بۆ برایێن خۆ یێن بتر ژ مانگه‌كێ‌ ل (سه‌رای‌ ئازادی)ل باژێرێ هه‌ڵمه‌ت و قوربانی ل سلێمانی یا خۆڕاگر دووبات دكه‌ین و ب دل و جان ب هه‌می‌ ره‌نگه‌كی ئه‌م خه‌مخورێن خوراگریا هه‌وهه‌ین و ل گه‌ل داخازیێن  وه‌ینه‌ مه‌ بفه‌ر زانی ب كێمترین ئه‌رك ئه‌م پشته‌ڤانیا خو بۆ هه‌ وه‌ دیار دكه‌ین د هه‌مان ده‌م دا و ژبه‌ر بارودوخێن دهوك تێدا دژیت ئه‌م نه‌شێین وه‌كو ئاماده‌بون (ل سه‌را ئازادی) به‌رهه‌ڤ بین، به‌لێ تشتێ‌ گرنگ ئه‌وه‌ كو ب دل و هزر و گیان ل گه‌ل هه‌وه‌ دئاماده‌ینه‌..... ئه‌م ئه‌ڤ سال نه‌ ڤروزێ ژ ده‌رڤه‌ ناكه‌ین ژبه‌ركو برایێن مه‌ یێن هاتینه‌ شه‌هیدكرن لسه‌رانسه‌ری ده‌ڤه‌را سلێمانیێ‌ و ئه‌م ڤێ‌ نه‌ڤرۆزێ‌ ب گرنگترین و مه‌زنترین نه‌ڤرۆز ل قه‌له‌م دده‌ین چونكی لڤێ‌ نه‌ڤرۆزێ‌ دیوارێ ترسێ هاته‌ هه‌رفاندن وبهزاره‌ها خه‌لكێ‌ دلسوز رژیانه‌ سه‌ر شه‌قاما دژی گه‌نده‌لی‌ و نه‌دادپه‌روه‌ریێ‌ و دژی‌ ب هه‌ده‌ردانا سه‌روه‌ت و سامانێ‌ ڤی‌ وه‌ڵاتی‌. ئه‌م پتر ژ 100 كه‌سان ژ قه‌زا سێمێلێ‌ و كۆمه‌ڵگه‌ها میسێریكێ‌ ده‌نگێ‌ خۆ دئێخینه‌ پال ده‌نگێ‌ خۆنیشاندانێن هه‌رێما كوردستانێ‌ و سه‌رای ئازادی ل سلێمانیێ.

ناوی ئه‌و که‌سانه‌ی ئیمزایان له‌سه‌ر ئه‌م به‌یاننامه‌یه‌ کردوه،‌ لای (سبه‌ی) پارێزراوه‌..