|
|
|
چه‌ند سه‌عاتێک پێش خۆپیشاندانه جه‌ماوه‌رییه‌که، حکومه‌تی میسر تۆڕه‌کانی ئینته‌رنێت و ته‌له‌فۆنی په‌کخست |
|
Saturday, January 29, 2011 |
|
(سبه‌ی):
له‌گه‌ڵ ئه‌وه‌ی بڕیاره ئه‌مڕۆ (هه‌ینی) خۆپیشاندانێکی جه‌ماوه‌ری له میسر دژی ده‌سه‌ڵات ئه‌نجامبدرێت، حکومه‌تی میسر تۆڕه‌کانی ئینته‌رنێت و ته‌له‌فۆنی په‌کخست.
له‌وباره‌یه‌وه ئاژانسی هه‌واڵی (رۆیته‌رز) بڵاویکرده‌وه، له سه‌رله‌به‌یانی ئه‌مڕۆوه حکومه‌تی میسر سه‌رجه‌م تۆڕه‌کانی په‌یوه‌ندی و ئینته‌رنێت و ته‌له‌فۆنی له‌قاهیره‌ی پایته‌خت راگرتوه.
هاوکات له‌زاری هاوڵاتیانه‌وه ئاماژه‌ی بۆ ئه‌وه‌شکردوه، که له‌ترسی خۆپیشاندانه‌که‌ی ئه‌مڕۆ و بۆ بڕینی په‌یوه‌ندی نێوان چالاکوانان و رێکخه‌رانی ئه‌و خۆپیشاندانه، سایته‌کانی فه‌یسبوک و تویته‌ر سانسۆر کراون.
بڕیاره ئه‌مڕۆ پاش نوێژی هه‌ینی خۆپیشاندانێکی جه‌ماوه‌ری له‌قاهیره‌ی پایته‌خت ئه‌نجامبدرێت و محه‌مه‌د به‌رادعی، سه‌رۆكی (كۆمه‌ڵه‌ی نیشتمانی بۆ گۆڕان) پاش گه‌ڕانه‌وه‌ی بۆ میسر، به‌شداری له خۆپیشاندانه‌‌که‌دا ده‌کات.
|
|
|
|