|
|
|
ل دهۆكێ هه‌ڕه‌شه و گه‌فێن كۆشتنێ ل چالاكڤانه‌كێ گۆڕان دهێنه كرن |
|
Monday, February 21, 2011 |
(سبه‌ی):
پشتی رویدانێن ڤێ داویێ رویداین ل باژێڕێ سلێمانیێ و ب گولله‌یان به‌رسڤا به‌ر هاڤێتنێ هاتیه دان ژ ئالیێ زێره‌ڤانێن لقا 4 یا پارتی دیموكراتی كوردستان ڤه ، و ئه‌و كارڤه‌دانێن په‌یدابوین ژ وێ بۆیه‌رێ ل هه‌ردو پارێزگه‌هێن دهۆك و هه‌ولێرێ ب هێرش كرنا ل سه‌ر مه‌كۆیێن ته‌ڤگه‌را گۆڕان، هه‌ڕه‌شێن كۆشتنێ ب رێیا ئامیرێ مۆبایلێ ل هه‌ڵسوراوه‌كێ ته‌ڤگه‌را گۆڕان ل باژێرێ دهۆكێ دهێنه كرن.
دڤی بیاڤی دا حاجی به‌رواری، چالاكڤانێ گه‌ف لێ كریێ بزاڤا گۆڕان ل دهۆكێ ب مالپه‌ڕێ (سبه‌ی) راگه‌هاند، كو ل شه‌ڤا 17-18 ی مه‌ها شوباتێ ل ده‌مه‌كێ مژویلی ڤه‌گۆهاستنا ده‌نگ و باسێن هێرشكرنا ل سه‌ر مه‌كۆ یا ته‌ڤگه‌را كۆڕان بو ل دهۆكێ، ب رێیا مۆبایلێ گه‌فێن كۆشتنێ لێ هاتینه كرن. هه‌روه‌سان گوت:" گوتیه من تۆ فه‌وزایێ دروست دكه‌ی و دێ ته كۆژم و دێ بمه ئیزارائیلێ ته"
حاجی به‌رواری ئاماژه كره وێ یه‌كێ ژی كو پتر ژ 300 كه‌سان هێرش كربو سه‌ر باره‌گایێ گۆڕان ل دهۆكێ و هه‌ر د وێ شه‌ڤێ دا ل ده‌م ژمێر 8:38 گه‌فێن كۆشتنێ لێ هاتینه كرن .
به‌رواری گوت:" ئه‌و ژمارا ته‌له‌فۆنێ ل ده‌ف منه و نوكه یا داخراوه‌یه و دێ سكاڵایه‌كا یاسایی ل سه‌ر تۆماركه‌م".
چالاكڤانێ هه‌ڕه‌شه لێ كریێ ته‌ڤگه‌را گۆڕان ده‌زگه‌هه‌كێ ئه‌وله‌كاریێ تومه‌تبار دكه‌ت كو هه‌ره‌شێن كۆشتنێ ڵا كرینه‌و خۆیا دكه‌ت كو به‌ڵگه ل به‌ر ده‌ستێ وی هه‌نه.
|
|
|
|