بێکه‌س به‌رواری
بخوێنڕشتن و سوتنا باره‌گایان راستی دیاربون و دیموکراتیه‌ت و چاره‌نوسێ هه‌رێـما كوردستانێ که‌فتنه دژێر پسیارێ دا؟
رویدانێن هه‌ر ێما کوردستانێ و بکارئینان چه‌کێ کوردستانیان بو خوین رێژتنا کوردستانیێن بێ چه‌ک (سڤیل) و سوتنا باراگا و بنگه‌هان به‌رهه‌مێ بحزبی کرنا (جڤاک) کومه‌ڵگه‌ها کوردستانی و به‌رفره‌بونا گه‌نده‌ڵ و بێ دادی و نه‌بو نا وه‌ک هه‌ڤیێ و لاوازبونا هه‌ستا نه‌ته‌وه‌ی و نیشتمانی و زاڵبونا عه‌قلیه‌تا تۆتالیتار و پاشکه‌فتی و نه‌بونا دیموکراسیه‌ته‌کا راسته‌قینه، په‌روه‌رد ه‌نه‌کرنا جڤاكێ یه‌ل سه‌ر بنه‌مایێن یاسای وکۆمڵگه‌ها سڤیل و پێشکه‌فتی، به‌رپا کرنا عه‌قلیه‌تا منۆپۆڵ کرن و پاوانکرنا ده‌ستهه‌ڵاتی و زه‌نگین بونا بێسنور و بازاڕێ به‌ره‌ڵا و لاوازیا یه‌کتر قه‌بولکرن و پێکڤه‌ژیانێ و کێم کاسیێن 20 ساڵێن ده‌ستهه‌ڵاتی کوردساتنی یه، که‌بویه‌ئه‌گه‌را لاوازکرنا هه‌ستا نیشتیمانیبونێ و کێم بایه‌خدان ببپاراستنا ئاسایشا نه‌ته‌وه‌ی و نێشتیمانی یه‌وچاره‌نڤیشێ هه‌رێمی یێ که‌فتی دژێر پسیاره‌ک مه‌زندا هه‌که‌ئه‌م کورته‌هه‌ڵسه‌نگادنه‌کا رویدانێن ژ سالا 1991 تاکۆ ئه‌ڤڕو و رویدانی جه‌رگ بڕ ێن سولێمانی بکه‌ین دێ گه‌له‌ک راستی بومه‌دیاربن.
وه‌ک ئه‌م هه‌می دزانین که‌ئه‌ڤه‌هه‌ر ژسالا 1991 وه‌ره‌باشورێ کوردستان گه‌له‌ک گوڕانکاری یێ بخوخه‌دیتین هه‌ر ژ سه‌رهلدانا (راپه‌رینا) بهارا 1991 دژی رژێما سه‌دامی و وی ده‌مێ گه‌لێ کوردستانی یێ وڵات پارێز و پارتێن کورسستنانی و پێشمه‌رگه‌ێن و رێکخستێن وان هێزێن کوردستانی و وان که‌سێن بناڤ (جاش که‌سه‌ر بڕژێما عێراقێ ڤه‌بون) که بونه پێشمه‌رگه‌ێن کوردستانێ و چه‌کێن خۆ درێژی رژێما سه‌دامی درێژکرن و لگه‌ل کوردستانیان پشکداریه‌کا به‌رچاڤ دسه‌رهه‌لدانێ دا کر و وی ده‌می هه‌می ملله‌ت بهه‌می چین و پێکهاته‌ێن وه‌ڵاتی ڤه‌ئێک گرت و دژی دامودزگه‌هێن زۆڵم و زۆریێ هه‌رفاندن و پاشی ره‌ڤا ملیونیژی نیشانا ئێک رێزیا مله‌تی بو، هه‌ڵبژارتێن 1992 ژی پشکداریا به‌رچاڤ یا کوردستنیان نێشتمان په‌روه‌ری و ئیك رێزیه‌کا مۆکم تێدا هه‌بو.
به‌لێ مخابن پشتی شه‌رێن براکۆژیێ دناڤبه‌را یه‌کێتی نیشتیمانی کوردستان و پارتی دیموکراتی کوردستان و هه‌ردو لا و پارتیا کرێکارێن کوردستانێ پ ک ک و هه‌ر وه‌سا پارتی و پارتیا سوسیالیتا کوردستانێ و یه‌کێتی نیشتیمانی کوردستان و بزاڤا ئیسلامیا کوردستانێ بو نه‌ئه‌گه‌را پارچه‌پارچه‌بونا کۆمه‌ڵگه‌ها کوردستانی، دناڤبه‌ر چه‌ند پارت و رێکخستنێن کوردستانی و پارتایه‌تی (حیزبایه‌تی) بو بنگه‌هه‌کێ سه‌ره‌کی و نیشتمان په‌وه‌ری هه‌ر به‌ره‌ڤ لاوازبون و نه‌مانێ ڤه‌چو مڵملانێ گه‌هشته‌ناڤبه‌را با ژێڕ و گوندێن کوردستانێ کاریگه‌ری دهه‌می بوارادا کر، دناڤ هه‌می پێکهاته‌ێن جڤا کا کوردستانێ دا ره‌نگڤه‌دا و گه‌له‌ک جاران کوشتن لسه‌ر بنگه‌هێ باژێرا، دهوک، سولێمانی، هه‌ولێر، که‌رکوک رویددا و لسه‌ر بنگه‌‌ی زاڤه‌ی ژی (سورانی – به‌هدینی) و کار گه‌شته‌رویدانا کوشتنا سیاسی دناڤ یه‌ک مالبات و خێزاندا و توند و تیژیه‌کا وه‌سا دژوار که‌ڤت بو دناڤ کومه‌ڵگه‌ها کوردستانی دا که‌گه‌له‌ک جارا دژوارتر بو ژیا رژێمێن داگیر که‌ر نمونه‌ێن کۆشتنا دیلا و کوشتن د ژێر ئه‌شکه‌نجه‌دانێ دا و کێلانا له‌شی مرۆڤێن کوشتی و چاڤ ده‌رئینان و گوه‌و ئه‌زمان بڕین و ده‌ست و پێ بڕینا گرتیان و ده‌هان جورێن دی ێن دژواریێ (توندوتیژیێ) و دوماهیێ کار گه‌هشته‌چه‌تایه‌تیا ئاشکرا یا دوژمنان و ئینانا هێزێن داگیرکه‌را بو ناڤ ئاخا کوردستنانێ ژبو ژناڤ برنا هه‌ڤڕکێن خو ێن سیاسی و داگیر کرنا باژێر و گو ندان بڕیا هێزێن داگیرکه‌ر.
ڤان هه‌می کارا دناڤبه‌را 1992 – 1998 کاریگه‌ریه‌کا یه‌کجار خراب ل کۆمه‌ڵگه‌ها کوردستانی کر و که‌سایه‌تیا مرۆڤێ کورد نه‌ک رزگارنه‌کر ژهزرێن دکتاتوری و توند و تیژیێ به‌لکۆ که‌سایه‌تیا مرۆڤ کورد زێده‌تر دڕنده‌کر و کارێن هۆڤانه‌هاتنه‌کرن و که‌سایه‌تیێن بێ هێز و بێ باوه‌ر گه‌له‌ک زوربوبن و ده‌رئه‌نجامێن گه‌له‌ک خراب ژێ چێ بون که‌کۆ مه‌ڵگه(جڤاک) کوردستانی هاته‌تێکدان و پاش ئێخستن و کورد ژ نه‌وه‌ی بون و نیشتیمانی بونێدا به‌ره‌ڤ حزبی بون و عه‌شیره‌تبونێ ڤه‌برن و توند و تیژی که‌ڤته‌دناڤ هه‌می بوارێن ژیانێ دا.
پاشی هه‌ر ژ 1998 تاکۆ ساڵا 2003 ره‌وشا نه‌شه‌ر و نه‌ئاشتیێ دیسان ره‌وشه‌کا ئالۆز په‌یداکر و گوڕانکاریێن بنه‌ره‌تی دناڤ جڤا كێ دا نه‌هاتنه‌کرن ژبو نه‌هێلانا کاری گه‌ریا رژێــێن دیکتاتوری و شه‌ری ناڤخۆیی و هه‌ر بڕه‌نگه‌کێ ڤه‌شارتی شه‌ریێ به‌رده‌وامبو به‌لێ نه‌بچه‌ک و خوین به‌لکی بحزبی کرنا کۆ مه‌ڵگه‌ها کوردستانی و گرێدانا هه‌می ره‌نگێن ژیانێ بمه‌رجێ حیزبی بونێڤه‌و به‌رته‌نگکرنا ده‌رفه‌تێن کار و ژیانێ دکۆمه‌ڵگه‌هێ دا (جڤا کێدا) وهه‌ر ده‌م دبوری و گوڕنکاریێن جڤاکی و ئابوری و سیاسی که‌له‌ک دکێمبون، هێز و داموده‌زگه‌ێن کوردستانی نه‌شیان دبواری نێشتیمان په‌روه‌ریێدا گوڕانکاریا بکه‌ن به‌لکۆ بپێچه‌وانه‌زیده‌تر خه‌لک کره‌حزبی و مشه‌خۆر و کویله‌و جێ‌ڤ ل ده‌ستێ حکومه‌تێ و دروستکرنا مله‌ته‌کێ مشه‌خور بێ به‌رهه‌م بو ئه‌نجام.
پشتی لسالا 2003 رزگارکرنا ته‌ڤییا عێراقێ ژ رژێما سه‌دامی و گه‌هشتنا کوردستانیان ژبو به‌غدایا پایته‌ختا عێراقی و به‌ر فرهه‌بونا ده‌ستهه‌ڵاتێ کوردستانیان و زێده‌بونه‌کا به‌رچاڤ دبوارێ ئۆ کونومیدا لکوردستانێ ململانێ ژبو مۆنۆپولکرنا ده‌ستهه‌ڵاتێ ئۆکۆنۆمی و سیاسی و سه‌ربازی به‌رڤره‌بو و به‌ره‌ڤ زێده‌بون ڤه‌چو و ل شوینا شه‌ر و ململانێ لسه‌ر گومرکێن ئیبراهیم خه‌لیل و باشماغ و حاجی عومران وگومرک و سه‌ر چاوه‌یێن دی ێن ئابوری و ل شوینا په‌رله‌مان و حکومه‌تا کوردستانێ ململانێ لسه‌ر داریی و په‌رله‌مان و حکومه‌تێن کوردستانێ و عێراقێ ده‌ست پێکر، ئێکه‌تی نیشتیمانی کوردستان و پارتی دیموکراتی کوردستان ئه‌ڤ هه‌ردو ده‌ستهه‌ڵاته‌دناڤبه‌ر خودا دابه‌شکرن. هه‌ر چه‌نده‌گه‌له‌ک ململانێ و ناکوکیژی هه‌بون به‌لێ هه‌می هه‌وڵێن خو ددان که‌ڤان ناکوکی و دوبه‌ره‌کیێ بڤه‌شارتی بهێلن ژپێخه‌مه‌تی پاراستنا پشتگیریا کوردستانیان ژبو وان و ژبو به‌رده‌ومیا وان دده‌ستهه‌ڵاتیدا لبه‌غدا و کوردستنانێ.
کوردستانیا گه‌له‌ک بدڵسوزی پشکداری دهه‌می هه‌ڵبژارتێن عێراقێ و کورستانێ داکر بهیڤی و ئۆمێدا پاراستنا و پێشڤه‌برنا ده‌ستکه‌فتێن کوردستنان و پێسڤه‌برنا کۆ مه‌ڵگه‌ها کوردستانی و هه‌ر گاڤه‌کا کوردستان که‌تبیته‌دمه‌ترسیێدا کوردستانی ئاماده‌ی قوربانیدان و به‌رگیریێ بون، به‌ڵی هزار مخابن گه‌لێ باشورێ کوردساتانێ ئه‌ڤ هه‌می کاره‌کرن ژبو بده‌ستڤه‌ئینانا بها ره‌کا کوردستانی و کۆ مه‌ڵگه‌کا یه‌کسان و دادپه‌روه‌ر و پاراستنا ئاسایشا نه‌ته‌وه‌ی. به‌ڵێ مخابن هه‌می ده‌ما ڤان هێزێن کوردستانی وه‌سان بو هاوڵاتیان دیار دکر کو ئه‌و دروستکه‌ر و قاره‌مانێن ڤێ ئازادیێ و ڤان ده‌ستکه‌فتانه‌و هه‌که‌ئه‌و نه‌بن دێ ئه‌ڤ هه‌می دهستکه‌ته‌ژده‌ست کوردستانیان چن و ماڤێن کوردا دئێخستنه‌بازاڕی سیاسیدا و ژلایه‌کیڤی هه‌رده‌م دوژمنه‌ک ژبو کوردستانێ و کوردستانیان چێ دکر و وه‌سا دیاردکر که هه‌که ئه‌و نه‌بن ئه‌ڤه‌ئه‌و دو ژمنێن کوردستانێ و ده‌ستکه‌ڤتێن باشورێ کوردستانێ ژناڤبه‌ن و هه‌رۆژ بو رۆژی به‌رپرسێن سیاسی و سه‌ربازی ێن کوردستانێ لسه‌ر کیست و حیسابا مله‌تی زه‌نگین بون و بهزاران به‌رپرس و خزم و که‌س و کارێن وان و بنه‌ما لێن وان بونه‌ملیۆنێر و ملیاردێر و دزی و گه‌نده‌ڵی بو مودێل وبه‌شه‌ک ژکولتورێ کومه‌ڵگه‌هێ (جڤاکێ) و جڤاک هه‌می هاته بحزبی کرن و ڤالاکرن ژهه‌می بها و پیروزیێن نیشتیمان په‌روه‌ریێ و لکوردستانێ حزب و بنه‌مالا جهێ ده‌و له‌ت و داموده‌زگه‌هێن ده‌وله‌تێ گرتن.
و ژلایه‌کی دیڤه‌ئه‌و نوێنه‌رێن کوردا نه‌شیان مافێن کوردستانیا ل عێراقێ (به‌غدا) بپارێزن و زۆربه‌ی وان بریارێن ژبه‌غدا ده‌رکه‌فتین بتنێ د میدیاین کوردیدا هاتینه‌باسکرن و لسه‌ر کاغه‌زێ ماینه‌بێ جێبه‌جێ کرن.
ده‌ڤه‌رێن کوردستانێ ژی هه‌ر دداگیرکرینه‌و سیاسه‌تا بعه‌ریبکرنێ وده‌رکرنا کوردستانیان به‌رده‌وامه‌و بتنێ کوردان ئه‌و قازانج یا کری که‌چه‌ند و زیر سه‌روکێ عێراقێ کوردن (بڕاستی ژی زێده‌تر عێراقیه‌و ژبو به‌شێ عه‌ره‌بستانا عێراقێ باش بویه و گه‌له‌کجاران دژی ئاسایشا نه‌ته‌وه‌ییا کوردستانێ کار کریه‌ته سریح ێت داین) وه‌ک گوتنا ده‌و له‌تا کوردی خه‌ونه‌و جێ به‌جێ نابیت و دان و ستاندن لگه‌گرۆپێن نه‌ژاد په‌رست و عه‌رب و تا کار گه‌شتیه‌رونیشتن لگه‌ل تیرورستا به‌لێ ئه‌و سه‌رۆ کێ وه‌سا دیموکراتی خواز لکوردستانێ ئاماده‌نه‌بو لگه‌ل دوست و هه‌ڤاڵ و هه‌ڤسه‌نگه‌رێن خۆ رونیت و گڤتگوێن دیموکراتی بکه‌ت نمونه‌یا ریفورمخازێن ناڤ یه‌کێتی نیشتیمانی کوردستان و ره‌گ نمونه‌ێن هه‌ره‌به‌رچاڤن و لکوردستانێ ژی کاک مسعود بارزانی و نێچیرڤان بارزانی بونه‌سه‌رۆک هه‌رێم و سه‌رۆک وه‌زیر و دپراکتیکێدا زێده‌تر سه‌رۆکێن هه‌ولێر و دهوکێ بون نه‌ک ێن هه‌رێما کوردستانێ (نه‌وان گرنگی بوان ده‌ڤه‌رێن که‌سک نه‌دا بڕه‌نگه‌کێ پێتڤی و پێویست (ئه‌و ده‌ڤرێن ژێر ده‌ستهه‌ڵاتا ئێکه‌تیێ دا به‌ره‌ڤ پاسڤه‌چون چون به‌راورد لگه‌ل ده‌ڤه‌رێن ژێر ده‌ستهه‌ڵاتا پارتی دا) و هه‌روه‌سا ئێکه‌تیێ ژی پێ خوشنه‌بو که ده‌ستهه‌ڵاتێ پارتی به‌رفره‌ببیت وپێگێ ئێکه‌تیێ لاواز ببیت، هه‌ر چه‌نده‌وه‌سا بو مله‌تی رۆهن دکر که‌هه‌ردو هێز دیه‌کگرتینه‌و رککه‌فتێن ستراتیجی دناڤبه‌را وان دا ێن هه‌ین و یه‌ک حکومه‌ت و په‌رله‌مان ێت هه‌ین به‌لێ دڕاستیدا وه‌سا نه‌بو و تاکو ئه‌ڤرۆژی وه‌سا نینه.
نۆکه‌ژی نه‌ئاسایش و نه‌پێشمه‌رگه‌و نه‌دارایی ونه‌په‌یوه‌ندێن ژده‌رڤه‌و نه‌رێکخرواێن کومه‌ڵگه‌ها مه‌ده‌نی ونه‌راگه‌یاندن نه‌بونه‌ئێک و زێده‌تر حزبینه‌ژ نیشتیمانی بونێ.
ژبه‌ر ڤان ئه‌گه‌را هه‌میا بێ دادی و نایه‌کسانی ئێخسته‌دناڤ جڤاکێ دا و زه‌نگین بون (ده‌و ڵه‌مه‌ندبونا بێ سنور) بو مودێل و جهێ شانازیێ و ئه‌و که‌سێن ده‌ستهه‌ڵات هه‌ی ژیانا جڤاكی (کۆ مه‌ڵگه‌هێ) لاواز و بێ شیان بکه‌ن و بسه‌دان هزار که‌س کرنه‌موچه‌خۆر و که‌سێن نه‌گونجاو هاتنه‌دامه‌زراندن و که‌فائاتا چ نرخ وده‌ر فه‌ت نه‌دانێ و پله‌ێن کارمه‌ندی و سه‌ربازی و ئیمتازاتێن دارایێن مه‌زن ئێخستنه‌دخزمه‌تا ئه‌ندامێن خودا و رۆژ بو رۆژێ جوداهیا دناڤبه‌را مله‌تی و ده‌ستهه‌ڵاتیدا زێده‌تر وبه‌ر فرهه‌تر لێهات و ئاستێ گه‌نده‌ڵیا سیاسی و ئابوری و کۆ مه‌ڵایه‌تی گه‌هشته‌پله‌یێن هه‌ره‌بلند و بو به‌شه‌ک ژژ یانا نۆ رما لا جڤاکا کوردستانی هه‌ر ژ وان کاودانێن به‌رته‌نگ و نا ته‌ندروست و ژبه‌ر و بێ دادی و نایه‌کسانیا سیسته‌مێ هه‌رێما کوردساتانێ هه‌می که‌فته‌دمه‌ترسیێدا و ئێدی گوهڕینا مام جه‌لال یان کاک مسعود یان که‌سه‌کێ دی و لابرن و سزادانا به‌رپرسه‌کێ لڤێرێ و لوێرێ نه‌به‌سی کۆ مه‌ڵگه‌هێ بو و چاره‌سه‌ریێن مه‌زنتر پێویست بون، له‌وما گوهڕینا که‌سان و سزادانا وا ن نه‌بو رێکا رزگارکرنا جفاکا کوردستانێ ژوان کاودان و بارودوخا له‌و ما دروستبونا بزاڤا گوهڕین بڕێڤه‌به‌ریا ناوشێروان مسته‌فا و هزاران کادرێن ئێکه‌تیێ و پارتێن دی ێن کوردساتی و پێسڤه‌چون و گه‌شه‌کرنا ڤێ بزاڤێ کاردانه‌وه‌یه‌ک و رویدانه‌کا مێژوی و پتڤی بو ژ بو رزگاربونا جڤاکا کوردساتی ژوان کاودانێن کو تێدا بو.
ده‌ما بزاڤا گوهڕین بسه‌ر که‌فتن بده‌ستڤه‌ئینای دپه‌رله‌مانێ کوردستان و عێراقدا، کاریگه‌ر یک مه‌زن ره‌و شا هه‌ره‌و پیش چاڤ لکوردستانێ و کوردستانیان کر.
هه‌ر ژسه‌رکه‌فتنێن هه‌لبژارتنێن په‌رله‌مانێ کوردستانێ و تاکۆ په‌رله‌مانێ عێراقێدا، دروستبونا ڤێ بزاڤێ (بزاڤا گوهڕین) کاریگه‌ری و مفایه‌کێ یه‌کجار مه‌زن هه‌بو لسه‌ر ئاستێ ناڤخۆی و ژده‌ر ڤه‌ژی ژبه‌رکۆ هه‌بونا ئۆ پۆزۆسیونێ یه‌ک ژ مه‌رجێن سیسته‌مێن دیموکراتینه‌ل جیهانێ وهه‌روه‌سا لسه‌ر ئاستێ ناڤخۆێ کاریگه‌گه‌ریه‌کا یه‌کجار مه‌زن هه‌بو هه‌م دهه‌ژاندنا ته‌خت و عه‌رشین گه‌ند‌ه‌ڵان و پاوانخازێن ده‌ستهه‌ڵاتی و به‌رفرهه‌کرنا ئازادیا و ئازا کرنا و په‌روه‌رده‌کرنا مله‌تی دبوارێ ئازادییا را ده‌ربڕێنێ و به‌رگری کرن ژمافێن خو و نمونه‌ێن ڤان کارا زۆرن هه‌ژ خۆپێشاندانێن دژی تێرورکرنا سه‌رده‌شت ئوسمان و یاسایا خۆپێشاندانا و ده‌هان خۆپێشاندانێن هێمنانه‌یێن نه‌رازیبونا جه‌ماوه‌رێ کوردستانێ و ئه‌ڤه‌هه‌می ژبو جڤاکا کوردی ئه‌گه‌را پێشکه‌فتنێنه‌و ژبو دیموکراتیه‌ت و ده‌سته‌ڵاتێ گه‌ل رێخوشکه‌رن و د قازانج و مفا ێێ نیشتیمانێ مه‌دانه، هه‌تاکۆ دقازانجا ئێکه‌تی نیشتیمانی و پارتی دیموکراتی کوردستان و پارت و رێکخراوێن دی دانه‌ل باشورێ کوردستانێ، به‌ڵی جهێ داخێیه‌شوینا مفا ژێ بهێته‌وه‌ر گرتن هه‌رده‌م ئه‌و ڤی بزاڤێ بدوژمن و خائین و دار ده‌ستێن ده‌ره‌کی لقه‌له‌م دده‌ن و سه‌دان داموده‌زگا و هزاران که‌س ته‌رخانکرینه‌ژبو بشاشی برن و خه‌له‌ت تێگه‌هاندنا هاوڵتیانه‌ژبو لاوازکرنا ڤێ بزاڤێ که‌دڕاستیدا لاوازبونا ڤێ بزاڤێ دی بیته‌ئه‌گه‌را لاوازبونا دیموکراتیه‌تێ دناڤ جڤاکا کوردستانیدا چونکه‌کومه‌ڵگه‌ها سڤیل و دیموکراتیک بتنی بهه‌بونا دیدو را و بوچونێن جودا دا جێدبیت و پێشدکه‌ڤیت، به‌ڵێ مخابن هه‌ڵس و که‌وتێن په‌رله‌مانتارێن ئێکه‌تی و پارتی دناڤ په‌رله‌مانێ عێراقێ و کوردستانێدا و پشت گوه‌ئێخستنا داخاز و پرۆژه‌ێن بزاڤا گوهڕین و هێرشبرنا سه‌ر ڤێ بزاڤێ نێشانێن مه‌ترسیدا بون لسه‌دیموکراتیزه‌کرنا کومه‌ڵگه‌ها کوردستانی و نمونه‌یا هه‌ره‌خراپ یاکو لڤێ دوماهیێ رویدای کارڤه‌دانا دژوار ده‌ما کو بزاڤا گوهڕین د 29.2.2011 به‌یننامه‌یه‌ک به‌ڵاف کری و چه‌ندین داخازی تیدابون و به‌ری وێژی پرۆژه‌یه‌ک ژبو چاکسازیێ پێشکێشی په‌رله‌مانێ کوردستانێ کربو، بڕاستی هه‌می داموده‌زگه‌هێن سیاسی و میدیا ی و سه‌دان که‌ناڵ و رۆژنامه‌و کومه‌ڵه‌و رێکخراوێن سه‌ر بده‌ستهه‌ڵاتی ڤه‌ئێنانه‌بکارئینان ژبو بشاشی تێگه‌هاندان هاوڵاتیان و بزاڤا گوڕان بخائین و خۆ فرۆش و تێکده‌ر ل قه‌له‌م دا و هه‌ره‌شیێن ژناڤ برنا ڤێ بزاڤێ بئاشکرا دهاتنه‌کرن و ئه‌ڤ کاره‌دگه‌ل بنه‌مایێن سه‌ره‌تایی ێن ئازادی و دیموکراتیه‌تێ نه‌دگونجان و مه‌راما وان هاندانا هاوڵتیان دا دژی ڤێ بزاڤێ، بڕاستی ئه‌گه‌ر وان باوه‌ری بدیموکراتیه‌تێ هه‌با دا بهه‌مان ره‌نگی ببه‌ننامه‌یه‌کێ به‌رسڤا بزاڤا گوهڕین ده‌ن و ئه‌رگۆمه‌نتێن (به‌ڵگه‌کان و ئه‌گه‌ره‌کانی) خۆ ئیننه‌پێش و د په‌رله‌مانێ کوردستانێ دا گفتوگۆ ودان ستاندان و دیالۆگه‌کا دیموکرتیانه‌دناڤ په‌رله‌مانی دا که‌ن و پڕێیا مێدیایێ دا راسته‌وخۆ ژبو کوردستایان ڤه‌گوهێزن دوی ده‌می دا، دا مله‌ت بڕیارێ ده‌ت کا کی لسه‌ر ریا راسته، به‌لێ مخابن وان داموده‌زگه‌هێن راگه‌هاندنێ و رێکخستنێن کورستانی ریا توند و تیژێا بکارئینا و سایکولجیه‌تا مله‌تی زڤڕانده‌ڤه‌وه‌کی ساڵێن 1992- 1998 و شه‌ڕی براکوژی و کورد کوژیێ، ئه‌ڤه‌هه‌می ژبو وێ بو کو مله‌ت هێرشی بکه‌ته‌سه‌ر بزاڤا گوهڕین و ژناڤ ببه‌ت، لێ کاره‌کێ به‌رو ڤاژی (پێچه‌وانه) ها ته‌کرن و ئه‌نجامدان مله‌تی خو نه‌رازیکر هنده‌کا دژی ده‌ستهه‌ڵاتی و هنده‌کا دژێ بزاڤا گوهڕین وبه‌ری (پێش) ده‌سته‌هه‌ڵاتی جه‌ماوه‌ر بکارئینا و خه‌لک بره‌خۆ پێشاندانا دژی به‌یانناما گوڕان، له‌وما هاوڵاتیێن سولێمانیێ و گه‌له‌ک باژێڕێن دی ێن کوردستانێ ئه‌ڤ چه‌نده‌قه‌بول نه‌کر و ربکه‌ڤنه‌سه‌ر شه‌قاما ل ژێر کاریگه‌ریا شۆڕشا تونس و میسر دژی دیکتاتورا و هه‌روه‌سا لژێر کاریگه‌ریا به‌ننامه‌یا گوڕان و کارده‌نه‌وه‌یا دژوار یا ده‌ستهه‌ڵاتی به‌لێ بزاڤا گوهڕین هه‌ست پێ کر که‌جه‌ماوه‌ر یێ نه‌رازی و گه‌له‌ک توڕه‌یه‌و هه‌ر وه‌سا ده‌ستهه‌ڵات ژی یێ توڕه‌یه‌له‌وما خو ل وان خۆ پێشاندانا نه‌کوره‌خودان و دژی توند و تیژیێ راوه‌ستا به‌لێ پشتی کو پارتی دیموکراتی کوردستان ل 17.2.2011 بچه‌کی به‌رسڤا هاوڵاتیان دای و خوین لسولێمانیێ هاتیه‌رێژتن و نێزیکی 70 که‌س بونه‌قوربانی (2 شه‌هید و ده‌هان بریندار) و سوتندنا باره‌گایی بزاڤا گوهڕین ل دهوک و هه‌ولێر و شه‌قلاو و سوران و چه‌ند ده‌ڤه‌رێن دی، هه‌روسا به‌رفره‌هبونا نه‌رازیببونا جه‌ماوه‌رێ باژێڕی سولێمانیێ بتایبه‌ت پشتی هاتنا هێزا ژ هه‌وڵێر و ده‌ڤه‌ره‌ێن دی بو سولێمانێێ، بێ ده‌نگی و رازیببونا ئێکه‌تیێ بزاڤا گوهڕین که‌فته‌دقوناغه‌کا نویدا و (ئه‌مر الواقع) دا که‌دڤێت یان پشتگیریا جه‌ماوه‌ری بکه‌ت یانژیژی ده‌ستهه‌ڵاتی و بڕاستی هه‌که‌پشتگیریا ده‌سته‌هه‌ڵاتی بکه‌ت وێ گاڤێ دێ بتمامه‌تی بارو دوخ تێکچن و جه‌ماوه‌رێ توڕه‌دێ هه‌میا پێكڤه‌ده‌ته‌به‌ئاپوڕا نه‌رازیبون و خۆ پێشاندانا و راوه‌ستاندنا جه‌ماوه‌ری دێ گه‌له‌ک یا بزحمه‌تبیت هه‌که‌ر موسته‌حیل نه‌بیت، بتایبه‌ت که‌جه‌ماوه‌رێ باشورێ کوردستانێ چه‌ندین تاقیکرن و ته‌جروبێن راپه‌رین وشه‌رێن ناڤخۆیی ێت هه‌ین، و نوکه‌باێێ نه‌هێلانا ده‌ستهه‌ڵاتێن گه‌نده‌ڵ و پاوانخوازه‌ل ده‌ڤه‌را رۆژهه‌ڵاتێ ناڤه‌راست.
به‌لێ هه‌ر وه‌ک دهاته‌چاڤه‌رێکرن بزاڤا گوهڕین دبه‌یاننامه‌ێکدا ئه‌ڤ شه‌ڤه(19/ 20 – 2 -2011) هه‌ڵوێستێ خو ئاشکرا کر و سه‌رای پشتگیری کرنا، داخازێن جه‌ماوه‌رێ خۆپێشانده‌ر هه‌روه‌سا پێگیرییا خۆ نویکره ڤه‌لسه‌ر داخازێن خو که‌دبه‌یاننامه‌یا 29.1.2011 هاتبون.
له‌وما نوکه ده‌رفه‌ته‌کا نوی هاته‌پێش هه‌م بو جه‌ماوه‌ری و هه‌م بو گوڕان و ده‌ستهه‌ڵاتی، نوکه‌هه‌می پێکڤه‌دێ شێن بڕیا دان و ستاندن و دیالۆگه‌کا ڤه‌کری بگه‌هنه چاره‌سه‌ریه‌کا گونجاو ژبو ده‌رکه‌فن ژڤان ته‌نگاڤیێن باشورێ کوردستانێ که‌فتی تێدا، نوکه هه‌که ده‌ستهه‌ڵێ‌تی بڤێت خو نێزیکی جه‌ماوه‌ری بکه‌ت و ده‌رفه‌ته‌کا باش یا هاتی پێش وگوڕان دشێت دناڤبه‌را ده‌ستهه‌ڵات و جه‌ماوه‌ریدا ده‌وره‌کێ مه‌زن ببینیت.
به‌لێ هه‌که ده‌ستهه‌ڵا ت رێیا دژواریێ و چه‌کی بکاربینیت وی ده‌می دێ باشوڕێ کورستانێ که ڤیته د قوناغه‌ک و ره‌وشه‌کا نوی و گه‌له‌ک مه‌ترسیدار و به‌رته‌نگدا و ئه‌نجامێن گه‌له‌ک خراب و تژی خوین رێژتن دێ که‌ڤنه‌دڕیا کوردستانیان دا وی ده‌می دێ بزاڤا گوهڕین چیته‌دناڤ جه‌ماوه‌ری دا و بهزاران که‌سێن نه‌رازی دناڤ یه‌کێتی و پارتی دیموکراتی کوردستان و هێز و رێکخراوین دی و گه‌له‌ک هێزێن چه‌کدارژی دی چنه‌دناڤ جه‌ماوه‌رێ نه‌رازی دا و دێ دو به‌ره‌دروستبن به‌ره‌یێ ئۆپزیسیون و جه‌ماوه‌رێ نه‌رازی و به‌ره‌یی ده‌ستهه‌ڵات و جه‌ماوه‌رێ خو، دوی ده‌می دا دور نینه‌رویبارێن خوینێ و کاره‌سات بکه‌ڤنه‌دڕیا کوردستنایاندا.
نوکه‌هێشتا ده‌رفه‌تا مای که بڕیا دیالۆگێ کێشه‌بهێنه‌چاره‌سه‌رکرن و نه‌خه‌شه‌یه‌ک نوی ژبو کاری چاکسازیێ و بڕێڤه‌برنا هه‌رێما کوردستانێ و پاراستنا ئاسایشا نه‌ته‌وه‌ی بهێته‌دانان و پاشه‌روژه‌کا باشتر مسوگه‌ر بکه‌ین، به‌لێ ئه‌ڤه‌هه‌می گرێدای حه‌ز و شیانێن ده‌سته‌ڵات و ئۆپزیسیون و جه‌ماوه‌رینه‌و ئه‌ڤه‌جهێ پسیارێیه، مومکنه‌به‌ڵێ ئه‌و تشتێ که قه‌د مومکن نینه ئه‌وه که ئێدعایا ده‌ستهه‌ڵاتی و گازیا وان ژ بو جیهانێ، که هه‌رێما کوردستانێ جهێ ئازادی و دیموکراسی و یاسا په‌روه‌ری و پاراستنا مافێن مرۆڤانه ئێدی گه‌له‌ک گوهدار نابن لده‌رڤه‌ی کوردستانێ و گوتن و کریا رێن ڤان چه‌ند روژا ڤێ چه‌ند دیاردکه‌ن، نوکه بڕاستی ره‌وشا کوردستانێ و وێنه‌یێ حکومه‌ت و په‌رله‌مانێ کوردستانی یا که‌‌فتیه دژێر پسیاره‌کا گه‌له‌ک مه‌زندا، چونکه دیموکراتیه‌ت و چه‌ک بکارئینان و سۆپا و پاسه‌وانێن باره‌گایێن حزبی دژی هاوڵاتیێن سڤیل پێکڤه ناگۆنجێن ڤێجا ر کێ تێکدا یه‌دێ دیاربیت و کی دی ڤی وێنه‌ی جوان که ته‌ڤه لجیهانێ پسیاره‌کا مه‌زنه و جهێ داخێ یه‌که به‌رسڤ نه‌بسانا هیه؟