راپۆرت
مه‌كته‌بی‌ كۆمه‌ڵایه‌تی‌
تارمایی‌ حزبه‌كان له‌ نێو ده‌سه‌ڵاتی‌ دادوه‌ری کوردیدا





Sunday, April 20, 2008
 
      فرمان عه‌بدولره‌حمان

له‌و كاته‌وه‌ی‌ ژنه‌كه‌ی‌ عه‌لی‌ ئیسماعیل له‌گه‌ڵ دۆسته‌كه‌یدا رۆژی‌ 31ی ته‌مموزی2007 ره‌دوو ده‌كه‌وێت بۆ ده‌ره‌وه‌ی‌ هه‌رێمی‌ كوردستان و نزیكه‌ی‌ 65000 دۆلار و چه‌ند ملیۆنێك دیناری‌ عیراقی‌ مێرده‌كه‌ی‌ ده‌بات، عه‌لی‌ و براكانی‌ هه‌موو رۆژێك ده‌نگه‌ ده‌نگ و شه‌ڕ و هه‌رایانه‌ له‌سه‌ر ئه‌وه‌ی‌ چۆن چاره‌سه‌ری‌ ئه‌و كێشه‌یه‌ بكه‌ن.

عه‌لی‌ ئیسماعیل،39 ساڵ، كه‌ ناوی‌ راسته‌قینه‌ی‌ خۆی‌ نییه‌، ئه‌فسه‌ری‌ پاسه‌وانی‌ سنووره‌ و دانیشتوی‌ ناوچه‌ی‌ پشده‌ره‌، ده‌یه‌وێت له‌ڕێگای‌ دادگاوه‌ كێشه‌كه‌ی‌ چاره‌سه‌ر بكات و حه‌قی‌ خۆی‌ وه‌ربگرێته‌وه‌، به‌ڵام براكانی‌ عه‌لی‌ پێیانوایه‌ دادگا هیچی‌ به‌ده‌ست نییه‌ و پێویسته‌ له‌ڕێگای‌ مه‌كته‌بی‌ كۆمه‌ڵایه‌تی‌ حزبه‌كانه‌وه‌ به‌ سوڵحی‌ عه‌شایه‌ری‌ حه‌قی‌ خۆیان له‌ ماڵی‌ باوكی‌ ژنه‌كه‌ وه‌ربگرنه‌وه‌.

عه‌لی‌ خاوه‌نی‌ دوو منداڵه‌ و نزیكه‌ی‌ 12 ساڵه‌ هاوسه‌رگیری‌ له‌گه‌ڵ ژنه‌كه‌یدا به‌ستووه‌ كه‌ مامۆستای‌ سه‌ره‌تاییه‌، بۆیه‌ خیانه‌تی‌ خێزانه‌كه‌ی‌ زۆر كاریگه‌ری‌ له‌سه‌ر ده‌رونی‌ جێ هێشتووه‌، به‌ڵام له‌گه‌ڵ ئه‌وه‌شدا ئاماژه‌ی‌ به‌وه‌كرد كه‌ له‌به‌ر ئه‌وه‌ی‌ خۆی‌ مرۆڤێكی‌ قانونییه‌ ده‌یه‌وێت به‌ یاسا و له‌ڕێگای‌ دادگاوه‌ چاره‌سه‌ری‌ كێشه‌كه‌ی‌ بكات، هه‌رچه‌نده‌ ئه‌و ره‌خنه‌شی‌ هه‌بوو له‌ دادگا و به‌وه‌ وه‌سفیكردن كه‌"كه‌مته‌رخه‌میان كردووه‌ له‌ گرتنه‌به‌ری‌ رێوشوینی‌ پیوێست بۆ ده‌ستگیركردنی‌ تۆمه‌تباره‌كان".
عه‌لی‌ وتی‌ " له‌ڕووی‌ كۆمه‌ڵایه‌تییه‌وه‌ هه‌ست به‌ ئیهانه‌یه‌كی‌ زۆر ده‌كه‌م و ده‌شتوانم به‌ ئاسانی‌ له‌ڕێگا‌ی‌ عه‌شایه‌رییه‌وه‌ حه‌قی‌ خۆم وه‌ربگرم، به‌ڵام ده‌مه‌وێت یاسا بڕیاری‌ خۆی‌ بدات".

ئه‌و جه‌ده‌ل و گفتوگۆیه‌ی‌ نێوان عه‌لی‌ و براكانی‌ به‌شێكه‌ له‌و جه‌ده‌له‌ فراوانه‌ی‌ كه‌ هێزه‌ كۆمه‌ڵایه‌تییه‌ جیاوازه‌كانی‌ كۆمه‌ڵگا‌ داكۆكی‌ لێده‌كه‌ن یاخود دژایه‌تی‌ ده‌كه‌ن، ئه‌ویش په‌یوه‌ندی‌ به‌ به‌هێزكردنی‌ پێگه‌ و ده‌سه‌ڵاتی‌ دادگاكان و دانانی‌ سنوورێك هه‌یه‌ بۆ كه‌مكردنه‌وه‌ی‌ ده‌خاله‌تی‌ مه‌كته‌بی‌ كۆمه‌ڵایه‌تی‌ حزبه‌كان، به‌ تایبه‌تی‌ مه‌كته‌بی‌ كۆمه‌ڵایه‌تی‌ هه‌ردوو حزبی‌ ده‌سه‌ڵاتداری‌ كوردی‌ یه‌كێتی‌ و پارتی‌. ئه‌ویش له‌ پێناو جیاكردنه‌وه‌ی‌ ده‌سه‌ڵاته‌كان و هه‌نگاونان بۆ به‌رجه‌سته‌كردنی‌ كۆمه‌ڵگه‌یه‌كی‌ مه‌ده‌نی‌. یاخود به‌ پێچه‌وانه‌وه‌ هه‌ندێك پێیانوایه‌ باڵاده‌ست بوونی‌ هۆشیارییه‌كی‌ كۆمه‌ڵایه‌تی‌ خێڵه‌كی‌ له‌ كۆمه‌ڵگه‌ی‌ كوردیدا زه‌روره‌تی‌ بوونی‌ ئه‌و مه‌كته‌به‌ كۆمه‌ڵایه‌تییانه‌یان به‌هێزتر كردووه‌.
زۆربه‌ی‌ حزبه‌كان مه‌كته‌بی‌ كۆمه‌ڵایه‌تییان هه‌یه‌ كه‌ ئه‌ركه‌كانیان له‌حزبێكه‌وه‌ بۆ حزبێكی‌ تر ده‌گۆڕێت، به‌ڵام پێده‌چێت هه‌مویان له‌وه‌دا هاوبه‌ش بن كه‌ ده‌یانه‌وێت هاوشانی‌ دادگاكان پشكیان هه‌بێت له‌ چاره‌سه‌ركردنی‌ كێشه‌ كۆمه‌ڵایه‌تیه‌كاندا.

مه‌كته‌بی‌ كۆمه‌ڵایه‌تی‌ یه‌كێتیی‌ نیشتمانیی‌ كوردستان، یه‌كێكه‌ له‌ گه‌وره‌ترین و باڵاده‌ستترین مه‌كته‌بی‌ كۆمه‌ڵایه‌تییه‌ له‌ پارێزگای‌ سلێمانی‌، جگه‌ له‌وه‌ی‌ 21 ناوه‌ندی‌ هه‌یه‌ له‌ شوێنه‌ جیاوازه‌كانی‌ كوردستان، نزیكه‌ی‌ 1200 كارمه‌ند و موچه‌خۆری‌ هه‌یه‌ و تائێستاش به‌رده‌وامن له‌ كاركردن و ته‌نها له‌ ماوه‌ی‌ حه‌وت مانگی‌ رابردوودا 406 كێشه‌ی‌ جۆراوجۆری‌ كۆمه‌ڵایه‌تی‌ له‌و مه‌كته‌به‌دا چاره‌سه‌ركراون.

حامید حاجی‌ غالی‌، به‌رپرسی‌ مه‌كته‌بی‌ كۆمه‌ڵایه‌تی‌ یه‌كێتیی‌ نیشتمانیی‌ كوردستان، ئاماژه‌ی‌ به‌وه‌ كرد كه‌ یه‌كێك له‌ ئه‌ركه‌ گرنگه‌كانی‌ مه‌كته‌بی‌ كۆمه‌ڵایه‌تی‌ ئه‌وه‌یه‌ كه‌ قه‌ناعه‌ت به‌ خه‌ڵكی‌ بكه‌ن برا له‌ بری‌ برا نه‌كوژرێت، به‌ڵكو پێویسته‌ ته‌نها كه‌سه‌ تاوانباره‌كه‌ سزا بدرێت ئه‌ویش له‌ڕێگای‌ دادگا و قانوونه‌وه‌. حامید حاجی‌ غالی‌ وتی‌: "به‌رقه‌راربوونی‌ هۆشیارییه‌كی‌ كۆمه‌ڵایه‌تی‌ خێڵه‌كییانه‌ له‌ ناو خه‌ڵكیدا وایكردووه‌ به‌هۆی‌ تاوانی‌ كه‌سێكه‌وه‌ سه‌رله‌به‌ری‌ خێزانێك تیابچێت، كه‌ ئه‌و حاڵه‌ت خراپه‌ به‌ دادگاكانمان چاره‌سه‌ر ناكرێت ئه‌گه‌ر ئێمه‌ نه‌بین". ناوبراو باسی‌ له‌وه‌ كرد چه‌ندین كێشه‌ی‌ كوشتن هه‌بوه‌ كه‌ دوای‌ ده‌ركردنی‌ سزای‌ له‌ سێداره‌دانی‌ تۆمه‌تباره‌كه‌ له‌ لایه‌ن دادگاوه‌، به‌ڵام كه‌سوكاری‌ كوژراوه‌كه‌ به‌وه‌ رازی‌ نه‌بون و خه‌ڵكی‌ تریان له‌ بنه‌ماڵه‌كه‌ی‌ به‌رامبه‌ر كوشتۆته‌وه‌. حامید حاجی‌ غالی‌ وتی:‌ "هه‌وڵه‌كانی‌ مه‌كته‌بی‌ كۆمه‌ڵایه‌تی‌ بۆ ئه‌وه‌یه‌ كه‌ قه‌ناعه‌ت به‌ خێزانه‌كان بهێنین به‌ بڕیاری‌ یاسا و دادگا رازی‌ ببن".

مێژوی‌ دروستبوونی‌ مه‌كته‌بی‌ كۆمه‌ڵایه‌تی‌ حزبه‌كان ده‌گه‌ڕێته‌وه‌ بۆ دوای‌ راپه‌ڕین به‌ تایبه‌تی‌ ئه‌و كاتانه‌ی‌ ده‌سه‌ڵاتی‌ دادگا و ده‌سه‌ڵاتی‌ جێبه‌جێكردن له‌ كوردستان له‌وپه‌ڕی‌ لاوازی‌ و بێهێزیدا بوو، یه‌كێتی‌ و پارتی‌ بۆ پڕكردنه‌وه‌ی‌ فه‌راغی‌ دادگا و قانوون به‌ ناچاری‌ ئه‌و مه‌كته‌به‌ كۆمه‌ڵایه‌تییانه‌یان دروستكرد، به‌ڵام ئه‌وه‌ی‌ جێگا‌ی‌ نیگه‌رانی‌ به‌شێكی‌ زۆری‌ پسپۆڕانی‌ بواری‌ یاسا و كۆمه‌ڵگه‌ی‌ مه‌ده‌نییه‌، تائێستاش ئه‌و مه‌كته‌بانه‌ به‌رده‌وامن له‌ كاری‌ خۆیان و بوونه‌ته‌ هۆی‌ لاوازكردنی‌ ده‌سه‌ڵاتی‌ دادگاكان و سه‌روه‌ری‌ قانوون.

سامان فه‌وزی‌، پسپۆڕی‌ بواری‌ یاسا له‌ زانكۆی‌ سلێمانی‌، یه‌كێكه‌ له‌و كه‌سانه‌ی‌ دژایه‌تییه‌كی‌ گه‌وره‌ی‌ بوونی‌ مه‌كته‌بی‌ كۆمه‌ڵایه‌تی‌ حزبه‌كان ده‌كات و پێی‌ وایه‌ سه‌رسه‌ختترین به‌ربه‌ستی‌ به‌هێزبوونی‌ ده‌سه‌ڵاتی‌ دادگا و دروستبوونی‌ كۆمه‌ڵگه‌ی‌ مه‌ده‌نین. سامان ئاماژه‌ی‌ به‌وه‌كرد بونی‌ مه‌كته‌بی‌ كۆمه‌ڵایه‌تی‌ حزبه‌كان پێچه‌وانه‌ی‌ بڕگه‌یه‌كی‌ گرنگی‌ ره‌شنووسی‌ هه‌رێمی‌ كوردستان و ده‌ستوری‌ عیراقه‌، هه‌روه‌ها باسیشی‌ له‌وه‌ كرد كه‌ پێچه‌وانه‌ی‌ گرنگترین پره‌نسیپی‌ مافه‌كانی‌ مرۆڤیشه‌ كه‌ یه‌كسان بوونییه‌تی‌ له‌ به‌رده‌م یاسادا. به‌ ڕای‌ سامان فه‌وزی‌ بوونی‌ ئه‌و مه‌كته‌بانه‌ وا ده‌كات تاوانباران له‌ به‌رامبه‌ر دانی‌ بڕێك پاره‌ به‌ كه‌سوكاری‌ كوژراوه‌كه‌ له‌ ده‌ست یاسا هه‌ڵبێن و مافی‌ گشتی‌ (حق العام) پێشێلبكرێت.
سامان وتی‌: "بوونی‌ مه‌كته‌بی‌ كۆمه‌ڵایه‌تی‌ هۆكارێكی‌ به‌هێزی‌ لاوازكردنی‌ ده‌سه‌ڵاتی‌ دادگایه‌، چونكه‌ ئه‌و مه‌كته‌بانه‌ حزبیان له‌ پشته‌وه‌یه ‌و مه‌به‌ستیان رازیكردنی‌ خه‌ڵك و ئه‌ندامه‌كانیانه‌ نه‌وه‌كو سه‌روه‌ری‌ یاسا". هه‌روه‌ها وتیشی‌: " هه‌رگیز مه‌كته‌بی‌ كۆمه‌ڵایه‌تی‌ له‌گه‌ڵ ده‌سه‌ڵاتی‌ دادگا و كۆمه‌ڵگه‌ی‌ مه‌ده‌نیدا كۆنابنه‌وه‌".

پێده‌چێت هه‌ندێک‌ بڕیاری‌ حكومه‌ت نێگه‌تیڤانه‌ رۆڵیان گێڕابێت له‌به‌خشینه‌وه‌ی‌ ده‌سه‌ڵاتی‌ مه‌عنه‌وی‌ به‌ بڕیار و نووسراوه‌كانی‌ مه‌كته‌بی‌ كۆمه‌ڵایه‌تیدا. له‌ مانگی‌ ئایاری‌ رابردوو سه‌رۆكایه‌تی‌ هه‌رێم بڕیاری‌ لێبوردنی‌ گشتی‌ بۆ تاوانباره‌ زیندانییه‌كانی‌ هه‌رێمی‌ كوردستان ده‌ركرد، به‌ پێی‌ رێنماییه‌ هاوپێچه‌كانی‌ ئه‌و لێبوردنه‌ گشتییه‌ ده‌بوایه‌ زیندانییه‌كه‌ بڕیاری‌ لێخۆشبوون یان (ته‌نازول)ی‌ خاوه‌ن حه‌قه‌كه‌ هه‌بێت، له‌ دادگا بێت یان له‌ مه‌كته‌بی‌ كۆمه‌ڵایه‌تی‌ حزبه‌كان.

گۆنا عه‌بدوڵا به‌رپرسی‌ به‌شی‌ ئافره‌تان له‌ گرتوخانه‌ی‌ سلێمانی‌ ئاماژه‌ی‌ به‌وه‌كرد كه‌ به‌هۆی‌ ئه‌و رێنماییانه‌وه‌ نادادپه‌روه‌ری‌ له‌لێبوردنه‌كه‌دا دروستبووه،‌ چونكه‌ ئه‌وه‌ی‌ لێخۆش بوونی‌ نه‌بوایه‌ لێبوردنه‌كه‌ نه‌یده‌گرته‌وه‌ و ئه‌وه‌شی‌ هه‌یبوایه‌ لێبوردنه‌كه‌ ده‌یگرته‌وه‌، گۆنا عه‌بدوڵا وتی‌: " ئه‌وه‌ش جۆرێك له‌ ده‌سه‌ڵات به‌خشینه‌وه‌ بوو به‌ مه‌كته‌بی‌ كۆمه‌ڵایه‌تی‌ حزبه‌كان" هه‌روه‌ها وتیشی:‌ "ده‌بوایه‌ كردارباشی‌ بكرایه‌ته‌‌ پێوه‌ر بۆ ئه‌و كه‌سانه‌ی‌ لێبوردنه‌كه‌ ده‌یگرتنه‌وه‌ نه‌ك ته‌نازول و سوڵحی‌ كۆمه‌ڵایه‌تی‌".

به‌هۆی‌ نه‌بوونی‌ ته‌نازول له‌ (حه‌قی‌ شه‌خسی‌) له‌ كۆی‌ 12 كێشه‌ی‌ كوشتن ته‌نها دوو كێشه‌یان له‌ به‌شی‌ ئافره‌تانی‌ گرتوخانه‌ی‌ سلێمانی‌ لێبوردنه‌كه‌ی‌ سه‌رۆكایه‌تی‌ هه‌رێم شمولیكردن.
ئاشنا وه‌هاب ، 19 ساڵ، نه‌سیم قادر، 33 ساڵ، ئه‌و دوو ئافره‌ته‌ن كه‌ لێبوردنه‌كه‌ی‌ سه‌رۆكایه‌تی‌ هه‌رێم شمولیكردن، هه‌ردووكیان به‌ تاوانی‌ كوشتن زیندانی‌ كرابوون، یه‌كه‌میان به‌ تاوانی‌ كوشتنی‌ باوكی‌ و دووه‌میان به‌ تاوانی‌ كوشتنی‌ كوڕێك، به‌ڵام له‌به‌ر ئه‌وه‌ی‌ ته‌نازول له‌ حه‌قی‌ شه‌خسی‌ كرابوو له‌و دوو كێشه‌یه‌دا و ته‌نازوله‌كه‌ش له‌ دادگا سه‌لمێنرابوون، هه‌ردووكیان ئازادكران، كه‌ یه‌كه‌میان به‌ 5 ساڵ و دووهه‌میان به‌ 15 ساڵ زیندانیكردن سزا درابوون.

به‌ پێی‌ ئاماره‌كانی‌ مه‌كته‌بی‌ كۆمه‌ڵایه‌تی‌ یه‌كێتیی‌ نیشتمانیی‌ كوردستان، زۆرترین ئه‌و كێشانه‌ی‌ كه‌ له‌و مه‌كته‌به‌دا چاره‌سه‌ركراون له‌ ماوه‌ی‌ 7 مانگی‌ رابردوودا بریتیبوون له‌ كێشه‌ی‌ كوشتن، له‌ كۆی‌ 406 كێشه‌ی‌ جۆراوجۆر، 59 كێشه‌ بریتیبوون له‌ حاڵه‌تی‌ كوشتن و برینداربوون.
به‌ڵام به‌رپرسی‌ مه‌كته‌بی‌ كۆمه‌ڵایه‌تی‌ یه‌كێتیی‌ نیشتمانیی‌ كوردستان ره‌تیكرده‌وه‌ كه‌ به‌ هیچ شێوه‌یه‌ك ده‌خاله‌ت له‌ بڕیاری‌ دادگادا بكه‌ن و ده‌ستبخه‌نه‌ كاروباره‌كانیانه‌وه‌. حامید حاجی‌ غالی‌ ئاماژه‌ی‌ به‌وه‌ كرد كه‌ ئه‌وان رێز له‌ بڕیاره‌كانی‌ یاسا ده‌گرن و سه‌ره‌تای‌ هه‌موو رێككه‌وتنێك به‌وه‌ ده‌كه‌ن كه‌ بكوژه‌كه‌ ته‌سلیم به‌ یاسا بكرێت، حامید وتی‌: "به‌ڵام ئه‌گه‌ر ئێمه‌ كه‌سوكاری‌ خاوه‌ن كێشه‌كه‌ پێكنه‌خه‌ینه‌وه‌ ناچار ده‌چنه‌ ته‌كیه‌ و دیوه‌خانی‌ سه‌ره‌ك عه‌شیره‌ته‌كان و كێشه‌ی‌ كۆمه‌ڵایه‌تی‌ تری‌ لێده‌كه‌وێته‌وه‌".

له‌ لایه‌ن خۆشیه‌وه‌ فاروق جه‌میل، وه‌زیری‌ دادی‌ حكومه‌تی‌ هه‌رێمی‌ كوردستان ئاماژه‌ی‌ به‌وه‌كرد كه‌ تا پێش دوو ساڵ له‌مه‌وبه‌ر مه‌كته‌بی‌ كۆمه‌ڵایه‌تی‌ ته‌داخولی‌ هه‌بووه‌ له‌ بڕیاری‌ دادگاكاندا، به‌شێوه‌یه‌ك ده‌سه‌ڵات و پێگه‌ی‌ دادگاكانی‌ لاوازكردبوو. به‌ڵام به‌ وته‌ی‌ ناوبراو ئێستا ئه‌و ته‌داخوله‌ نه‌ماوه‌.
وه‌زیری‌ داد وتی:‌ "به‌ڵام بوونی‌ سوڵحی‌ كۆمه‌ڵایه‌تی‌ له‌وه‌دا سودی‌ هه‌یه‌ كه‌ كۆتایی‌ به‌ ناكۆكی نێوان دوو بنه‌ماڵه‌كه‌ ده‌هێنێت‌ و ئه‌گه‌ر ئه‌و سوڵحه‌ نه‌بێت له‌وانه‌یه‌ په‌ره‌ بستێنێت".

زۆرجار لاوازی‌ خودی‌ دامه‌زراوه‌كانی‌ داد و پۆلیس و لێكۆڵینه‌وه‌ جینائییه‌كان، به‌ شێوه‌یه‌ك له‌ شێوه‌كان ده‌سه‌ڵاتیان به‌ مه‌كته‌بی‌ كۆمه‌ڵایه‌تی‌ حزبه‌كان به‌خشیوه‌ته‌وه‌، چونكه‌ نه‌بوونی‌ ئامێر و ته‌كنیكی‌ پێشكه‌وتوو بۆ دۆزینه‌وه‌ و كه‌شفكردنی‌ به‌ڵگه‌ی‌ جینائی‌ بۆ سه‌لماندنی‌ تاوانه‌كان واده‌كات كه‌ دادگا تۆمه‌تباره‌كه‌ ئازاد بكات یان سزایه‌كی‌ بدات كه‌ شایسته‌ی‌ تاوانه‌كه‌ی‌ نه‌بێت ئه‌وه‌ش كه‌سوكاری‌ خاوه‌ن حه‌قه‌كه‌ ناچارده‌كات خۆیان تۆڵه‌ی‌ خۆیان بكه‌نه‌وه‌ و كه‌سانی‌ تر له‌بری‌ تاوانباره‌كه‌ بكوژن و دواتر به‌ ناچاری‌ ده‌بێت بچنه‌ مه‌كته‌بی‌ كۆمه‌ڵایه‌تی‌ حزبه‌كان بۆ چاره‌سه‌ركردنی‌ كێشه‌كانیان.

شنۆ عارف، 27 ساڵ، ژنی‌ ماڵه‌وه‌، له‌ یه‌كێك له‌ رۆژه‌كانی‌ زستانی‌ 2007 له‌ بارودۆخێكی‌ نادیار و ئاڵۆزدا له‌ نێو گه‌رماوی‌ ماڵه‌كه‌یدا ده‌كوژرێت، هاوسه‌ری‌ ژنه‌كه‌ و كه‌سوكاره‌كه‌ی‌ وا بڵاویده‌كه‌نه‌وه‌ كه‌ حاڵه‌تی‌ كوژرانی‌ ژنه‌كه‌ی‌ (ئینتیحار) بووه‌، به‌ڵام كه‌سوكاری‌ ژنه‌كه‌ دڵنیابوون كه‌ كوشتنه‌كه‌ به‌مه‌به‌ست بووه‌ و ده‌ستی‌ مێرده‌كه‌ی‌ تیابووه‌.
پارێزه‌رێكی‌ ئاگادار له‌و رووداوه‌ باسی‌ له‌وه‌كرد له‌به‌رئه‌وه‌ی‌ كه‌سوكاری‌ پیاوه‌كه‌ مه‌یدانی‌ تاوانه‌كه‌یان ده‌ستكاریكردووه‌ و به‌ڵگه‌ جینائییه‌كانیان شێواندووه‌، پۆلیسی‌ لێكۆڵینه‌وه‌كه‌ خاوه‌نی‌ هیچ ته‌كنیك و ئامێرێكی‌ پێشكه‌وتوو نییه‌ تاوه‌كو به‌ شێوه‌یه‌كی‌ زانستی‌ و دادپه‌روه‌رانه‌ به‌ڵگه‌ی‌ جینائی‌ كه‌شفبكات بۆ دۆزینه‌وه‌ی‌ تاوانباران. نه‌یتوانی‌ هیچ به‌ڵگه‌یه‌كی‌ جینائی‌ بدۆزێته‌وه‌ كه‌ تاوانباربوونی‌ مێردی‌ ژنه‌كه‌ بسه‌لمێنێت.
ئه‌و پارێزه‌ره‌ ئه‌وه‌شی‌ باسكرد كه‌ له‌به‌رئه‌وه‌ دادگای‌ سلێمانی‌ له‌ رۆژی‌ 25/7/2007 بڕیاری‌ بێ تاوانی‌ هاوسه‌ری‌ ژنه‌كه‌ی‌ ده‌ركرد، له‌كاتێكدا كه‌سوكاری‌ شنۆ عارف ده‌یانزانی‌ كه‌ مێرده‌كه‌ی‌ كوشتویه‌تی‌، هه‌ربۆیه‌ دوابه‌دوای‌ دانیشتنه‌كه‌ی‌ دادگا كه‌سوكاری‌ شنۆ هێرشیانكرده‌ سه‌ر دادگا و كه‌سوكاری‌ پیاوه‌كه‌ و شه‌ڕێكی‌ نیمچه‌ گه‌وره‌ دروستبوو، كه‌ چه‌ند كه‌سێكی‌ تێدا بریندار كرا.
ئه‌و پارێزه‌ره‌ وتی:‌ " كه‌سوكاری‌ ژنه‌كه‌ هه‌ڕه‌شه‌یان له‌و پیاوه‌ كردووه‌ كه‌ بیكوژن، بۆیه‌ هه‌ردوولایان بڕیاریانداوه‌ بچنه‌ مه‌كته‌بی‌ كۆمه‌ڵایه‌تی‌ یه‌كێك له‌ حزبه‌كان چاره‌سه‌ری‌ كێشه‌كه‌یان بكه‌ن".

گۆنا عه‌بدوڵا، به‌رپرسی‌ به‌شی‌ ژنانی‌ گرتوخانه‌ی‌ سلێمانی‌، هاوڕابوو له‌وه‌دا كه‌ هۆكاری‌ به‌هێزبوونی‌ مه‌كته‌بی‌ كۆمه‌ڵایه‌تی‌ حزبه‌كان، ده‌گه‌ڕێته‌وه‌ بۆ لاوازی‌ خودی‌ ده‌سه‌ڵاتی‌ دادگاكان خۆیان، چونكه‌ وه‌كو ئه‌و وتی‌: "ده‌زگای‌ پۆلیس و سیستمی‌ قانونی‌ و ده‌زگای‌ لێكۆڵینه‌وه‌ له‌ به‌ڵگه‌ جینائیه‌كان تا ئاستێكی‌ ترسناك خراپ و لاوازن وخه‌ڵك متمانه‌ی‌ پێیان نییه‌".

تێبینی‌ / ناوی‌ هه‌ندێك له‌وانه‌ی‌ كێشه‌ی‌ كۆمه‌ڵایه‌تییان هه‌یه‌ خوازراون، له‌سه‌ر داوای‌ خۆیان
 
     Print     Send this link     Add to favorites

بیروڕا
ڕامین
  كومه‌لایه‌تی‌ بو كاتی‌ درووست كرا . به‌لام كه‌ ئیستا یاسا تا حه‌دیك سه‌روه‌ره‌ . پیویستیمان به‌ كومه‌لایه‌تی‌ نیه‌ . ئیستا خویان كیشه‌ دروست ئه‌كه‌ن بو ئه‌وه‌ی‌ ئیشیان هه‌بیت . ئه‌گینا كومه‌لیك موچه‌ی‌ له‌سه‌ر وه‌رئه‌گرن بی‌ ئه‌وه‌ی‌ هیج كیشه‌یه‌كی‌ هاولاتیان حه‌ل بكه‌ن من وه‌كو خۆم به‌پیویستی‌ نازانم . مووچه‌كانیان لی‌ حه‌رامه‌ . نازانم تاكه‌ی‌ حزب ده‌ست له‌كاروباری‌ حكومه‌ت وه‌ر ئه‌دات و ده‌ست ئه‌خاته‌ كاروباری‌ دادگاكانه‌وه‌ . .
ئارام
 دادگا بۆ كۆمه‌ڵگایه‌ك ده‌بێت كه‌ به‌ ته‌مه‌نی‌ ده‌وڵه‌ت بێت، كورد كۆمه‌ڵگه‌یه‌كی‌ خێڵه‌كییه‌ دادگای‌ پێویست نییه‌، ته‌نها چاره‌سه‌ری‌ كۆمه‌ڵایه‌تی‌ كێشه‌كانی‌ پێ‌ خۆشه‌.
 
بیروڕای خۆت بنێره‌

تکایه‌ له‌ ناردنی هه‌ر سه‌رنج و بۆچونێکدا ره‌چاوی ئه‌م تێبینیانه‌ بکه‌:
                     

1 – ده‌توانیت راو بۆچوونه‌که‌ت به‌ رێنوسی عه‌ره‌بی یان لاتینی بنێریت.

2 – نوسینه‌که‌ت دووربێت له‌ ناو زراندن.

3 – سبه‌ی بۆی هه‌یه‌ ئه‌و برگانه‌ لا بدات که‌ بڵاوکردنه‌وه‌یان سایته‌که‌ روبه‌روی لێپێچینه‌وه‌ی یاسایی ده‌کاته‌وه‌.

4 – سبه‌ی بۆی هه‌یه‌ راوبۆچونه‌کان له‌ شوێنی دیکه‌دا بۆ مه‌به‌ستی رۆژنامه‌وانی و توێژینه‌وه‌ به‌کاربهێنێته‌وه‌.

5 - ئه‌و راوبۆچوونانه‌ی بڵاوده‌کرێنه‌وه‌ گوزارشت له‌ راوبۆچوونی سبه‌ی ناکه‌ن.

 
ناو :
 
ئیمه‌یڵ :
   
  
بیروڕا :
   
  
 
 
نه‌وت، ئاشكراكردنی‌ داهاتێكی‌ ونبو
روداوی‌ هاتوچۆ؛ تیرۆری‌ سپی!
هه‌ولێر و به‌غدا...ناکۆکییه‌کان له‌سه‌ر چین؟
لیبیا؛ له‌ دیكتاتۆریه‌وه‌ بۆ ئازادی‌
له‌ چاوه‌ڕوانی بڕیاره‌کانی سه‌رۆکی هه‌رێمدا؟!
گرانیه‌ گه‌وره‌كه‌؛ قه‌یرانی‌ گرانی‌ نرخ بازاڕه‌كانی‌ كوردستان ده‌ته‌نێته‌وه‌
سه‌عدییه‌ و جه‌له‌ولا؛ دوباره‌بونه‌وه‌ی سیناریۆکان
كـــــــــــــــــــێـــــــــــشــــــــــــــــــه‌ی كـــــــــــــــــــــــورد
له‌شفرۆشی‌ هه‌ڕه‌شه‌ له‌ هه‌رێمی‌ كوردستان ده‌كات
له‌ به‌ ده‌وڵه‌تبونی‌ باشوری‌ سودانه‌وه‌ بۆ ده‌وڵه‌تی كوردی‌
راپۆرتی‌ ناوه‌ندی لێكۆڵینه‌وه‌ی‌ ئابوری‌ سه‌باره‌ت به‌ هێزه‌كانی‌ ناوخۆ ‌و پێشمه‌رگه‌
په‌رله‌مان، بۆ په‌سه‌ندکردنی یاسا و چاودێری یان ئیمتیازات؟
ئه‌نجومه‌نی ئاسایش: ده‌زگایه‌کی نیشتیمانی یان ئه‌نجومه‌نێكی‌ مه‌ترسیدار؟!
هه‌رێم له‌چاوی‌ جیهانه‌‌وه‌
بێسه‌روشوێنكراوانی‌ شه‌ڕی‌ ناوخۆ... ئه‌نفالێكی‌ تر
پڕۆژه‌کانی ئۆپۆزسیۆن بۆ چاکسازیی ریشه‌یی
سه‌ندیكایه‌كی‌ نوێ بۆ به‌رگریكردن له‌ رۆژنامه‌نوسان...
ورده‌كاری‌ كه‌موكوڕییه‌كانی‌ بودجه‌ی‌ 2011
په‌یامی‌ فراكسیۆنی‌ گۆڕان ده‌رباره‌ی‌ بودجه‌ی‌ 2011 بۆ په‌رله‌مان و رای‌ گشتی‌
بودجەی ئەمساڵ بگەڕێتەوە یان په‌سه‌ند بكرێت؟
دوای‌ سه‌ركوتكردنی‌ خۆپیشانده‌ران چی‌؟
به‌ به‌ڵگه‌...
هه‌ڕاج كردنی خاكی كوردستان
بکوژه‌کان ئازادن...
وه‌به‌رهێنانه‌ یان له‌بنهێنان...
هه‌ڕاجكردنی‌ خاكی‌ كوردستان
زمانی‌ به‌یاننامه‌كان نه‌خشه‌ رێگای‌ چاره‌سه‌ره‌؟
كورده‌كان له‌سه‌ر شه‌قامن
پرۆژه‌ی ده‌ستوری بزوتنه‌وه‌ی گۆڕان
حیزب وه‌ك ئافاتێكی‌ گه‌وره‌ بۆ میلله‌ت
به‌حیزبیكردنی‌ بۆنه‌ نه‌ته‌وه‌ییه‌كان
حیزب وەك ئافاتێكی گەورە بۆ میللەت
بودجەیەكی پڕ لە كارەسات
هه‌ولێر؛ ده‌زگا ئه‌منییه‌كان چی‌ ده‌كه‌ن؟
سەرا کرا بە مەیدانی تەحریر
پانۆرامای‌ خۆپیشاندانه‌كان...
"ده‌نگی‌ گه‌نج و فیشه‌كه‌كانی‌ ده‌سه‌لاَت"
به‌ڵگه‌نامه‌كانی‌ گه‌نده‌ڵی‌!!!
هه‌رێم؛ مانگێک له‌خۆپیشاندان و ناڕه‌زایی
رونــاكـبیران هـۆشـداری دەدەنە دەسەڵات
كاره‌با له‌ بێ‌ پلانی‌ حكومه‌تدا
گه‌لی‌ میسریش سورن له‌سه‌ر گۆڕان
میسر، له‌ لێواری ئاڵوگۆڕدا
به‌ یاساییکردنی ده‌زگا حیزبیه‌کان؟!
به‌ڵگه‌نامه‌كانی‌ ویكیلیكس سه‌باره‌ت به‌ بنه‌ماڵه‌ فه‌رمانڕه‌واکه‌ی تونس
گه‌لی تونس بڕیاری ژیانیدا و سه‌رۆك هه‌ڵات
له‌پێناو بناغه‌یه‌كی ده‌ستوری ته‌ندروست بۆ سیسته‌می حكومڕانی "پڕۆژه‌ی پلانی چاكسازی یاسایی له‌ سیسته‌می په‌رله‌مانی هه‌رێمی كوردستان-عێراقدا"
په‌رله‌مانێكی‌ داخراو به‌ڕوی‌ راگه‌یاندندا
پانۆرامای گرنگترین روداوه‌کانی ساڵی 2010
به‌ ژماره‌ و سه‌لماندن پاشه‌كشه‌ی‌ كورد له‌ به‌غدا
په‌رله‌مانتاران، ئاگاداری‌ بودجه‌ی‌ په‌رله‌مان نین
خۆپیشاندان به‌رده‌وام ده‌بێت
بودجه‌ی‌ (2011) كێشه‌كانی‌ نێوان هه‌رێم ‌و به‌غدا قوڵتر ده‌كاته‌وه
چۆن چاکسازی له‌ په‌رله‌مانی کوردستاندا بکرێت؟
بلۆکه‌کانی نه‌وتی هه‌رێم
بارزانی‌ حكومه‌ت له‌ بێگاری‌ حیزب رزگار ده‌كات؟
ته‌ندروستی‌ پێویستی به‌ گۆڕانه‌
کوردو حکومه‌تی داهاتوی عێراق
په‌رله‌مان ‌ئازادیی خۆپیشاندان به‌رته‌سك ده‌کاته‌وه‌
كشانه‌وه‌ی‌ گۆڕان
ئاگربڕی‌ په‌كه‌كه‌ له‌ نێوان به‌رده‌وامی‌ و پچڕاندا!
كابینه‌ی‌ شه‌شه‌م؟!
یه‌كێتی‌و پارتی‌، یاسای حیزبه‌كان پێشێل ده‌كه‌ن
ده‌سته‌ی‌ هه‌ڵبژاردنی‌ هه‌رێم بۆ؟
نەوتی کوردستان لە نێوان کێشەکانی، دەرهێنان و فرۆشتن و هەناردەکردندا...
هه‌نگاوێك به‌ره‌و چاكسازیی‌... با له‌ په‌رله‌مانه‌وه‌ ده‌ست پێبكه‌ین
پێشێلكردنی‌ ئازادی‌ راده‌ربڕین ده‌سه‌ڵات روبه‌ڕوی‌ ره‌خنه‌ ده‌كاته‌وه‌ *
مافی ئازادی‌ راده‌ربڕین له‌ هه‌رێم ده‌بێته‌ جێگه‌ی‌ گومانی‌ رێكخراوه‌ جیهانییه‌كان
دژایه‌تی‌ به‌رته‌سككردنه‌وه‌ی‌ ئازادیی‌ راده‌ربڕین فراوان ده‌بێت
ده‌ستوری‌ نوێی‌ توركیا و كورد
رۆژنامه‌گه‌ری‌ له‌ژێر نه‌شته‌ری‌ ده‌سه‌ڵاتدا
ده‌سته‌ی‌ داكۆكیی‌ له‌ زیندانه‌ سیاسییه‌كان، له‌نێوان هه‌ڵوه‌شانه‌وه‌و به‌رده‌وامبوندا
نزیکه‌ی 20 هه‌زار ده‌رچوی ئاماده‌ییه‌کان له‌ زانكۆكانی هه‌رێم وه‌رناگیرێن
حكومه‌ت گرێبه‌سته‌نه‌وتیه‌كان بۆ په‌رله‌مان ئاشكراده‌كات؟
بۆچی‌ ده‌سه‌ڵات له‌ میدیا توڕه‌یه‌؟
رۆشنبیرانی‌ كورد ناچالاک و بێ هه‌ڵوێستن؟!
ئه‌مریكا وڵاتێك له‌ خه‌ونی‌ مرۆڤه‌كان
حكومه‌ت_كاره‌با_بازرگانان
"پڕۆژه‌ی‌ كرانه‌وه‌" به‌ره‌و كوێ‌؟
مادده‌هۆشبه‌ره‌كان بكوژی‌ مرۆڤه‌كان
قه‌یرانی‌ پێكهێنانی‌ حكومه‌تی‌ عێراق له‌ كۆمه‌ڵگای‌ نێوده‌وڵه‌تی‌
توركیا چۆن كێشه‌ی‌ كورد چاره‌سه‌ر ده‌كات؟
یه‌كێتی‌‌و پارتی‌، له‌ نه‌وت چه‌ندیان ده‌ستده‌كه‌وێت
نه‌وت، له‌ سامانێكی نیشتیمانیه‌وه‌ بۆ قه‌یرانێكی سیاسی
نابوكۆ چییه‌، چۆن هه‌رێمی‌ كوردستان سود له‌ پڕۆژه‌یه‌كی‌ گرنگیی‌ گازیی‌ جیهانی‌ وه‌رده‌گرێت؟
هه‌رێمی كوردستان و یه‌كلاییكردنه‌وه‌ی كێشه‌ی په‌كه‌كه‌
ده‌سته‌ی باڵای هه‌ڵبژاردنی هه‌رێم بۆ؟
دیارده‌ی‌ له‌شفرۆشی‌ له‌ كوردستان؟!
حه‌ج پێویستی‌ به‌ ریفۆرمه‌؟
بۆردومان و له‌شكركێشی‌، پێشێلكردنی‌ سه‌روه‌ری‌ كێ یه‌؟
ده‌سه‌ڵاتی ئه‌نجومه‌نی پارێزگاكان له‌سه‌رده‌می بۆشایی یاساییدا
كه‌ركوك، له‌نێوان به‌رداشه‌كاندا ده‌هاڕدرێت
په‌رله‌مانی‌ كوردستان، به‌ره‌و چی‌ هه‌نگاو ده‌نێت؟
لیژنه‌ی‌ نه‌زاهه‌؟!
كه‌س نایه‌وێت ئۆپۆزسیۆن بێت
كورد له‌ چاوه‌ڕوانی یه‌كبونی هه‌ڵوێستدا
زیاتر له‌ (5) ملیار دینار بۆ ئۆتۆمبێلی‌ په‌رله‌مانتاران ته‌رخان ده‌كرێت
بێده‌نگی‌ شكا
بۆچی دژایه‌تی ئه‌نجومه‌نی پارێزگای سلێمانی ده‌كرێت؟
پێشێلكارییه‌كانی‌ سنوری‌ شاره‌وانی‌ كه‌لار
په‌روه‌رده‌ نوقمی‌ بێپلانی‌ بوه‌
په‌رله‌مانتار و ویژدان...
سه‌رۆكی‌ هه‌رێم و پۆستی‌ حیزبی‌!
له‌یادی‌ (112) ساڵه‌ی‌ رۆژنامه‌گه‌ریی‌ كوردیدا
گۆڕانخوازه‌كانی‌ توركیا
ئه‌نفال كاره‌ساتێكی‌ فه‌رامۆش كراو
په‌رله‌مان جورئه‌تی‌ ئاشكراكردنی‌ راپۆرته‌كانی‌ دیوانی‌ چاودێری‌ دارایی‌ نییه‌
حیزب به‌ مامۆستا‌و مامۆستا چی‌ به‌ زانكۆكان كردوه‌؟
كورد له‌ چوار ساڵی ئاینده‌دا؟!
مافی‌ مرۆڤ له‌ هه‌رێمی‌ كوردستان؟!
كورد له‌گه‌ڵ كێ هاوپه‌یمانی ببه‌ستێت؟
چ پۆستێك گرنگه‌ كورد له‌ به‌غدا وه‌ریبگرێت؟
تێبینی‌ له‌سه‌ر بوجه‌ی‌ حكومه‌تی‌ هه‌رێم، بۆ ساڵی‌ (2010)
راپۆرتێكی‌ نهێنیی‌ سه‌ربازیی‌: یه‌كێتی‌، پێشمه‌رگه‌ی‌ خستوه‌ته‌ خزمه‌تی‌ به‌رپرس ‌و مه‌ڵبه‌نده‌كانییه‌وه‌
"گۆڕان" له‌ وه‌رزی‌ یه‌كه‌مه‌وه‌.. به‌ره‌و وه‌رزی‌ دوه‌م
کارنامه‌یه‌ک بۆ لێدوان: کاری داهاتوی نوێنه‌رانی کورد له‌ به‌غداد ئه‌بێ چی بێ؟
گۆڕان به‌غدا ده‌هه‌ژێنێت
پێویسته‌ بودجه‌ بنێردرێته‌وه‌ بۆ حكومه‌ت
فراكسیۆنی‌ گۆڕان له‌ كه‌ركوك...
هه‌ولێر تۆپی‌ نه‌وت ده‌خاته‌وه‌ گۆڕه‌پانی‌ به‌غدا
قه‌ره‌بوكردنه‌وه‌ نه‌یتوانی ناوچه‌ جێناكۆكه‌كان ئاسایی‌ بكاته‌وه‌
گه‌شتێک له‌ ئه‌تڵه‌سه‌وه‌ بۆ سه‌حرای رۆژئاوا
گه‌ڕانه‌وه‌ی‌ كورد بۆ خاڵی‌ سفر
كورد له‌ به‌غدا؟!...
په‌رله‌مانی‌ شڵه‌ژاو
پانۆرامای‌ روداوه‌كانی‌ (2009)ی‌ هه‌رێمی‌ كوردستان
قه‌یرانی بێمتمانه‌یی بانكه‌كانی‌ كوردستانی‌ گرتۆته‌وه‌
ئاینده‌ی‌ كورد له‌ عێراق...
پیره‌مه‌گرون رۆژێك له‌ په‌شێویدا
جه‌له‌ولا ته‌عریب ده‌كرێته‌وه‌...
داخستنی‌ ده‌ته‌په‌؟!
جارێكی تر لیستی هاوپه‌یمانی سازشی كرد
ئۆپۆزسیۆنی‌ كوردستان و چاودێری‌ حكومه‌تی‌ هه‌رێم
سینگاپوره‌ (شاری شێر)
پڕۆژه‌ی‌ ده‌ستوری‌ هه‌رێم پێویستی‌ به‌ هه‌مواركردنه‌وه‌یه‌
هێزی‌ چه‌كداری‌ هه‌رێم له‌ژێر چنگی‌ حیزبدایه‌
حكومه‌ت نه‌خۆشی‌ دواخستنی‌ بودجه‌ی‌ گرتوه‌
به‌عس خۆی‌ بۆ په‌رله‌مانی‌ عێراق ئاماده‌ ده‌كات
نــــــه‌وتــــــــی‌ ســــــــــور
وه‌زیره‌كانی‌ كابینه‌ی‌ نوێ‌
ته‌كنۆكرات، یان گوێڕایه‌ڵی‌ حیزب؟
یه‌كێتی‌ سامانی‌ گشتی‌ له‌خزمه‌تی‌ ده‌زگاكانیدا به‌كارده‌هێنێت
سندوقی‌ نیشته‌جێبون خزمه‌تی‌ به‌رژه‌وه‌ندیی‌ گشتیی‌ ناكات
جیۆگرافیایه‌ك بۆ گه‌شه‌كردنی‌ برسێتی‌
فراكسیۆنی‌ گۆڕان "چه‌له‌حانێچی‌‌و فه‌وزه‌وی‌"ین یان ئۆپۆزسیۆنێكی‌ كارا؟
حكومه‌تی‌ دوانه‌یی‌
پێشمه‌رگه‌ و نهێنی‌ كۆبونه‌وه‌كانی‌ به‌غدا و هه‌ولێر
لیستی‌ كراوه‌‌و كه‌ركوك ‌و كۆتا كێشه‌یان له‌سه‌ره‌
ده‌سه‌ڵات موزایه‌ده‌ی‌ سیاسی‌ به‌ دژایه‌تیكردنی‌ گه‌نده‌ڵییه‌وه‌ ده‌كات
شیكاریی رۆژنامه‌وانی‌:
دیوی‌ ناوه‌وه‌ی‌ دانیشتنه‌كانی‌ هه‌فته‌ی‌ رابردوی‌ په‌رله‌مان
میدیای‌ ره‌ش
لیستی‌ گۆڕان (20-22) كورسیی‌ و كوردستانی‌ (35 - 38) كورسیی په‌رله‌مانی‌ عێراق به‌ده‌ستده‌هێنن
حكومه‌تی‌ بنكه‌ فراوان، یان زۆرینه‌؟
له‌چاوه‌ڕوانی، كابینه‌ی‌ نوێدا
وشکه‌ساڵی ‌و کاریگه‌رییه‌کانی له‌سه‌ر داهاتوی کوردستان
ناڕه‌زاییه‌كان ده‌ستور به‌ره‌وكوێ‌ ده‌به‌ن؟
ئۆپۆزسیۆن له‌ هه‌رێمدا...
بێكاریی‌، ده‌رده‌ كوشنده‌كه‌
كه‌ركوك گۆڕانی‌ ده‌وێت
جــــــــــــیهـــــــــــــان چـــــــــــــی‌ ‌وت؟
له‌ دهۆكه‌وه‌ بۆ هه‌ولێر، چیرۆكی‌ هه‌ڵبژاردنه‌كه‌ی‌ هه‌رێمی‌ كوردستان
هه‌ڵبژاردن چی‌ گۆڕی‌؟
ده‌كرێت شانازی‌ به‌ بێگه‌ردی‌ هه‌ڵبژاردنه‌كه‌وه‌ بكرێت؟
بودجه‌یه‌ك له‌ تاریكیدا-4-
بودجه‌یه‌ك له‌تاریكیدا3
بودجه‌یه‌ك له‌ تاریكیدا2
بودجه‌یه‌ك له‌ تاریكیدا
به‌رپرسه‌ باڵاكان رچكه‌شكێنی خروقاته‌كانی‌ بانگه‌شه‌ی‌ هه‌ڵبژاردنن
ساته‌وه‌ختێكی‌ چاوه‌ڕوانكراو نه‌خشه‌ی‌ سیاسی‌ كوردستان له‌به‌رده‌م گۆڕانێكی‌ چاره‌نوسسازدایه‌
نیشتمانێك بۆ هه‌ڕاج
ئه‌م هه‌ڵبژاردنه‌ چی‌ ده‌گۆڕێت؟
حیزب پرۆژه‌كانی‌ حكومه‌ت به‌ چالاكیی خۆی ده‌ناسێنێت
ئه‌مساڵیش وه‌كو ساڵانی‌ رابردو بودجه‌ په‌سه‌ندكرا
پارتی‌‌و یه‌كێتی‌ پرۆژه‌ ده‌ستوری‌ هه‌رێم وه‌ك پڕوپاگه‌نده‌ به‌كارده‌هێنن
هه‌رێمی‌ كوردستان بوه‌ خاوه‌نی‌ قفڵی‌ نه‌وت
حكومه‌تی‌ هه‌رێم چاره‌سه‌ری‌ گه‌نده‌ڵی‌ پێناكرێت
موچه‌بڕین له‌نێوان واقیع‌و خه‌بات‌و قوربانیدا
میدیای‌ كوردی‌ له‌نێوان تاوانباركردنی‌ به‌كاری‌ سیخوڕی‌‌و گه‌یاندنی‌ راستییه‌كاندا
1002 گوندی‌ هه‌رێم قوتابخانه‌یان نییه‌
په‌رله‌مان به‌ڵێنه‌كه‌ی‌ جێبه‌جێ‌ ناكات‌و سه‌رۆكی‌ حكومه‌تیش نایه‌ته‌ په‌رله‌مان
ململانێ‌و كێبڕكێی نێوان میدیا حیزبی‌و ئه‌هلی‌و سه‌ربه‌خۆكان به‌كوێ ده‌گات؟
كورده‌كانی عێراق به‌ڵێن ده‌ده‌ن مافه‌كانی مرۆڤ ره‌چاو بكه‌ن
رێكخراوه‌كان داوای‌ یاسایه‌كی‌ شایسته‌ به‌خۆیان ده‌كه‌ن
هیواو ترس
مافه‌كانی‌ مرۆڤ له‌ هه‌رێمی‌ كوردستانی‌ عێراق
قه‌لاَی كه‌ركوك له‌نێوان دروشمه‌كانی مه‌سیف و قه‌ڵاچوالان و زه‌رگه‌ته‌دا
له‌بری هێنانه‌وه‌ی روفاتی ئه‌نفالكراوه‌كان، سزای جاش‌و مسته‌شاره‌كان بده‌ن
كه‌ركوك، ئاڵۆزتركردنی ئاڵۆزییه‌كان
ده‌ستوری‌ هه‌رێم به‌بێ‌ ریفراندۆم شه‌رعیه‌تی‌ كاركردنی‌ نابێت
سه‌ركرده‌یه‌كی كورد هاوپه‌یمانێتیه‌کی سه‌ربه‌خۆ پێكده‌هێنێت
پرۆژه‌ی‌ پاڵپشتی‌ دادگا
دیاربه‌كر، قه‌ڵای‌ ده‌ته‌په‌ ‌و خه‌ونی‌ ئه‌كه‌په‌
پڕۆژه‌:
کارکردن له‌پێناو رێکخستنه‌وه‌ی کۆمه‌ڵگا دور له‌ حیزبایه‌تی
میدیای‌ ئازاد به‌ غه‌رامه‌كردن بێ‌ ده‌نگ ده‌كرێت؟
هه‌ڵه‌بجه‌یه‌كان نیگه‌رانن
پڕچه‌ككردنه‌وه‌ی سوپای عێراق
لیستی‌ جیاواز‌و سه‌ربه‌خۆ گۆڕانكاریی‌ سیاسی‌ دروستده‌كات
نیشته‌جێبون، قه‌یرانه‌ چاره‌سه‌ر نه‌كراوه‌كه‌
كێشه‌كانی‌ یه‌كێتی‌ به‌ گۆڕینی‌ چه‌ند كه‌سێك چاره‌سه‌ر ناكرێن
ساخته‌كاری‌، دێوه‌زمه‌كه‌ی‌ هه‌ڵبژاردن
تا ئێستا یه‌كلایی‌ نه‌كراوه‌ته‌وه‌ كێ‌ مافی‌ ده‌نگدانی‌ هه‌یه‌‌و كه‌ی‌ هه‌ڵبژاردنی‌ هه‌رێم ده‌كرێت؟
جگه‌ له‌ كۆسره‌ت ره‌سوڵ‌و 4 ئه‌ندامه‌كه‌ی‌ باڵی‌ ریفۆرم (11) ئه‌ندامی‌ دیكه‌ی‌ سه‌ركردایه‌تی‌ یه‌كێتی‌ ده‌ستله‌كارده‌كێشنه‌وه‌
مه‌كته‌بی‌ سیاسی‌ یه‌كێتی‌‌و پارتی‌، دو ده‌سه‌ڵاته‌ ره‌هاكه‌ی‌ هه‌رێم
ریفۆرم، چاره‌نوسه‌ حه‌تمییه‌كه‌
عێراق هه‌نگاوێكی‌ تر "ئه‌زمونه‌ دیموكراسی"ه‌كه‌ی‌ هه‌رێمی‌ به‌جێهێشت
كورد له‌ هه‌ڵبژاردنی‌ مه‌خموردا ده‌یدۆڕێنێت
په‌رله‌مانتاران كۆكن له‌سه‌ر ئه‌وه‌ی‌ په‌رله‌مانێكی‌ دروست له‌ كوردستاندا نییه‌
كورد له‌ هه‌ڵبژاردنی‌ دیاله‌ ده‌سڵه‌مێته‌وه‌
كورد، له‌ به‌غدا داوای‌ لامه‌ركه‌زیه‌ت ده‌كات‌و له‌ هه‌رێمیش دژیه‌تی‌
كشتوكاڵ‌؛ كه‌رته‌ فه‌رامۆشكراوه‌كه‌ی‌ كوردستان
نه‌ته‌وه‌یه‌كگرتوه‌كان، رێكخراوێك بۆ كێشه‌كانی‌ دوێنێ‌
پڕۆژه‌یه‌ک بۆ حکومه‌تێکی هاوچه‌رخ و چالاک
95%ی‌ كه‌رتی‌ ئاوه‌دانكردنه‌وه‌ له‌ژێر كۆنترۆڵی‌ كۆمپانیا توركییه‌كاندایه‌
په‌كه‌كه‌؛ ئه‌و هێزه‌ی‌ هه‌میشه‌ هه‌وڵی‌ له‌ناوبردنی‌ ده‌درێت
جیاكردنه‌وه‌ی‌ حیزب له‌ كاروباری‌ حكومه‌ت
كۆمپانیا توركییه‌كان، به‌ڵێنده‌ره‌ ئیمپراتۆره‌كان
لێکۆڵینه‌وه‌یه‌ك‌ ده‌رباره‌ی ره‌وشتی دیموکراتی
سه‌كرده‌یه‌كی (ی‌.ن.ك) ره‌خنه‌گرتن له‌سه‌ر سه‌ركردایه‌تی‌ سیاسی كوردستان به‌رفراوان ده‌كات
مه‌خمور ناگه‌ڕێته‌وه‌ سه‌ر هه‌رێمی‌ كوردستان
سه‌رۆكایه‌تیی‌ كۆمار زیاتر له‌ 24 ملیۆن دۆلاری‌ به‌ده‌ر له‌ رێنماییه‌كان خه‌رجكردوه‌
كورد له‌ خۆری‌ سه‌ربه‌خۆییه‌وه‌ بۆ هیلالی‌ فیدراڵی‌
به‌غدا به‌خه‌به‌ردێته‌وه‌
نوری‌ حاجی‌ فه‌تاح: ده‌كرێ‌ پرۆژه‌كه‌ی‌ نه‌وشیروان مسته‌فا بكرێته‌ به‌ردی‌ بناغه‌ بۆ داهاتوی‌ كوردستان
په‌رله‌مانتاران توانای‌ لێپێچینه‌وه‌یان نییه‌...
كاریگه‌ریی ئێران له‌سه‌ر عێراق
ئۆباما و مه‌كه‌ین
بارزانی‌ له‌ ئه‌مه‌ریكا
تاڵه‌بانی‌ داوا ده‌كات نوێترین جۆری‌ چه‌ك بۆ سوپای‌ عێراق دابین بكرێت
پڕۆژه یه‌ك‌ بۆ گه‌ڕانه‌وه‌ی که‌رکوک
وشكه‌ساڵی‌؛ ده‌رفه‌تێك بۆ گه‌نده‌ڵی‌
ئه‌مه‌ كه‌مه‌كه‌یه‌، زۆره‌كه‌ كوا؟
ئایا ئێران‌ هه‌ڕه‌شه‌یه‌ بۆ سه‌ر ئه‌مه‌ریكا؟
په‌رله‌مانی‌ عێراق له‌نێوان هه‌ڵوه‌شانه‌وه‌ ‌و پێكهێنانی‌ كوتله‌ی‌ نوێدا
له‌ ئه‌دمۆنزه‌وه‌ بۆ دیمستۆرا
ده‌رباره‌ی‌ كێشه‌ی‌ سنووری‌ هه‌رێمی‌ كوردستان
مالیكی‌ ده‌سه‌ڵاته‌كانی‌ هه‌رێمی‌ كوردستان كه‌مده‌كاته‌وه‌
رۆژنامه‌نووسان له‌به‌رده‌م یاسایه‌كی‌ پڕ له‌ مه‌ترسیدان
له‌ ده‌مانچه‌ی‌ كڵۆكه‌وه‌ بۆ فڕۆكه‌ی‌ F-16
كاره‌كانی‌ كورد ئه‌نجامی‌ خراپی‌ ده‌بێت
دیمستۆرا، چی‌ وت؟ چی كرد؟ چی ده‌كات؟
كورد له‌ سوپای‌ عێراقدا پشتگوێخراوه‌
نیویۆرك تایمز و هێرش بۆ سه‌ر كورد
بایدن
ئه‌ندازیاری بیرۆکه‌ی پێکهێنانی سێ هه‌رێم له‌ عێراق
قاعیده‌، له‌ ده‌فته‌ری‌ ناونووسینه‌وه‌ بۆ تۆڕێكی‌ تۆقێنه‌ر
عێراق به‌ رێككه‌وتنێكی‌ ستراتیژیی‌ یادی‌ "رۆژه‌ شومه‌كه‌"ی‌ UN ده‌كاته‌وه‌
خه‌ونی‌ كورد و رێكه‌وتنه‌ ئه‌منییه‌كه‌ی‌ عێراق - ئه‌مه‌ریكا
گه‌شتێک بۆ‌ ناو جوانی و ئازاره‌کانی ئاسیای ڕۆژهه‌ڵات و کوردستان
سیاسه‌تی شیعه‌کان ده‌رهه‌ق به‌ که‌رکوک و تێگه‌یشتن له‌ هه‌ڵوێسته‌ پارادۆکسیه‌کانیان‌
كه‌ركوك و هه‌نگاوه‌ نوێیه‌كه‌ی ئه‌نجومه‌نی پارێزگا
موسڵ و مه‌خموریش به‌رمیله‌ باروتن
رێكه‌وتنه‌ ئه‌منییه‌كانی‌ ئه‌مه‌ریكا و عێراق
كۆنترۆڵكردنی سنووره‌كان و به‌رگرتن له‌ هاورده‌كردنی شمه‌كی خراپ
كارتی‌ كشانه‌وه‌ی‌ كورد له‌ به‌غدا فه‌رامۆشكراوه‌
هه‌ر په‌رله‌مانتارێكی‌ عێراق 180 هێنده‌ی‌ مووچه‌ی‌ فه‌رمانبه‌رێك وه‌رده‌گرێت
له‌ گه‌نجینه‌ی هه‌ولێر به‌رتیل ئیشه‌كان به‌ڕێ‌ ده‌كات
ئه‌ماره‌تێكی‌ نه‌وتی‌ كوردی‌
نه‌خشه‌ی لێدانی ئێران له‌ به‌رده‌م ده‌رگا كراوه‌كاندا
ئه‌وه‌ی‌ ته‌عریب كردی‌، به‌ 140 چاره‌سه‌ر نه‌كرا...
"كه‌ركوك به‌ نموونه‌"
كه‌ركوك و ناوچه‌ دابڕاوه‌كان له‌ چاوه‌ڕوانی دیمستۆرادا
نه‌وشیروان مسته‌فا: ده‌مه‌وێت چاكسازیی‌ له‌ حكومه‌ت و په‌رله‌ماندا بكه‌م
په‌رله‌مانتارانی كوردستان و بودجه‌ی حزبه‌كان
ده‌ستوه‌ردانی‌ حیزب حكـومـه‌تی‌ ئیفلـیـج كردووه‌
خراپ به‌كارهێنانی‌ مۆبایل هۆكارێكی‌ سه‌ره‌كی كوشتنی‌ ژنانه‌ له‌ كوردستان
ده‌بێت نه‌وتی‌ هه‌رێم دوابه‌رمیل بێت بۆئه‌وه‌ی‌ ئاینده‌ی‌ نه‌وه‌كانمان مسۆگه‌ربێت
سه‌ركرده‌ سیاسییه‌كانی هه‌رێمی كوردستانی عیراق وێنه‌یه‌كی پڕ له‌ ئازادی و لێبوردنیان نه‌خشاندووه‌، به‌ڵام ئه‌وه‌ به‌رده‌وام له‌گه‌ل واقیعدا یه‌كناگرێته‌وه‌ و له‌ململانێدایه‌. له‌كاتێكدا كه‌ رۆژ به‌رۆژ راگه‌یاندنی سه‌ربه‌خۆ به‌هێزتر ده‌بێت، هێرشكردن بۆسه‌ر رۆژنامه‌نوسان و ده‌ستگیركردنیان په‌ره‌ده‌سێنێت.
5%ی‌ بودجه‌ بۆ سه‌رۆكایه‌تی‌ هه‌رێم‌و حكومه‌ت‌و په‌رله‌مان ته‌رخانكراوه‌
حكومه‌ت وه‌ك پێویست هاوكاری‌ ناوچه‌ كاره‌ساتباره‌كانی‌ وشكه‌ساڵی‌ ناكات
ئه‌نفال، به‌سه‌رهاتی نه‌ته‌وه‌یه‌ك له‌ ته‌نهایدا
لایه‌نگرانی‌ تاڵه‌بانی‌ له‌دژی‌ ناكۆكییه‌كانی‌ ناو راگه‌یاندنه‌كان یه‌كده‌گرن
تۆپبارانی‌ ئێران چه‌ندین گومان هه‌ڵده‌كرێ‌
5ساڵ به‌سه‌ر جه‌نگی‌ ئازادی‌ عیراق
سبه‌ی دۆت كۆم
ره‌خنه‌ به‌ زمانی‌ گوڵ
هه‌رێمی‌ كوردستان له‌ راپۆرتی‌ سالاَنه‌ی‌ وه‌زاره‌تی‌ ده‌ره‌وه‌ی‌ ئه‌مریكادا
هه‌ڵه‌بجه‌، مێژووی شارێك له‌ ده‌ره‌وه‌ی كاره‌سات
كـورد له‌ كـه‌ركـوك جله‌كـه‌شی‌ لـه‌ده‌ستـداوه‌
له‌شكركێشی توركیا
هه‌ڕه‌شه‌یه‌ك بۆ سه‌ر چاره‌نووسی ناوچه‌ ئارامه‌كه‌
كاره‌بای هه‌رێمی كوردستان ماڵی تاریكی هاووڵاتیان و كارگه‌ روناكه‌كان
بۆچی‌ ده‌سه‌ڵاتی‌ كوردی‌ هه‌ڵبژاردنه‌وه‌ی‌ ئه‌نجومه‌نی پارێزگاكانی ناوێت؟
كورد و گه‌مه‌ی‌ سیاسی‌ له‌ عێراقدا
به‌پێی‌ خه‌ملاَندن بودجه‌ی‌ هه‌رێم دیاری‌ ده‌كرێت
به‌شداری نه‌ته‌وه‌ یه‌كگرتووه‌كان و به‌نێوده‌وڵه‌تیكردنی كێشه‌ی كه‌ركوك
"سه‌رده‌می‌ زێڕینی‌ گه‌شه‌سه‌ندنی‌ ره‌وتی‌ ئیسلامی‌ سیاسیی‌ له‌ كوردستان نه‌وه‌ده‌كان بوو و كۆتایی‌ هات"
ره‌خنه‌ی كه‌ناڵه‌كانی راگه‌یاندن و وه‌ڵامه‌كانی حیزب
له‌پێناو گرێبه‌سته‌كاندا، حكومه‌تی‌ هه‌رێم 140 ده‌دۆڕێنێت
(الله‌، الوطن، الملک)
ئایا كوردستانی‌ عێراق هاوپه‌یمانێكی‌ باشه‌؟
هه‌ڵوه‌شاندنه‌وه‌ی‌ رێككه‌وتننامه‌ی‌ جه‌زایر له‌ ده‌سه‌ڵاتی‌ كێدایه‌؟
پانۆرامای‌ ماده‌ی‌ 140 له‌ دوو ساڵی‌ رابردوودا
سه‌دام، كۆتایی دیكتاتۆرێك له‌ عیراقدا
په‌كه‌كه‌ و توركیا، ئاگربڕ و له‌شكركێشی‌
شه‌ش یه‌كی‌ جیهان ده‌بێته‌ بینه‌ر
هه‌ڵبه‌ز و دابه‌زی به‌های دۆلار و ره‌وشی بازاڕی كوردی
له‌ یه‌کێتییه‌وه‌ به‌ره‌و کۆمپانیای وشه‌
جه‌نگی‌ نه‌وت هه‌رێمی‌ كوردستان به‌ره‌و كوێ‌ ده‌بات؟
شه‌ڕی‌ ساردی‌ نێوان شه‌هرستانی‌ ‌و حكومه‌تی‌ هه‌رێم
له‌په‌رله‌مانی‌ عیراقدا، ده‌ستكاریی‌ رێژه‌ی‌ ده‌نگدانی‌ په‌رله‌مانتاران ده‌كرێت
هه‌ڕه‌شه‌كانی توركیا ئاسایشی نه‌ته‌وه‌یی به‌بیر كورد ده‌هێنێته‌وه‌
یه‌كگرتوو كۆمه‌ڵ‌ ‌و بزووتنه‌وه‌ بۆچوونیان له‌ له‌شكركێشی‌ توركیا جیاوازه‌
ئێران رۆژنامه‌ كوردییه‌كان به‌ تۆمه‌تی هاوكاریی سیاسیی پارته‌كانی‌ باشووری‌ كوردستان دادگایی ده‌كات
له‌شكركێشی توركیا، هه‌وڵ‌ و ته‌قه‌لای لایه‌نه‌كان
ئه‌گه‌ره‌كانی‌ دووباره‌بوونه‌وه‌ی‌ له‌شكركێشییه‌كه‌ی‌ ساڵی‌ 1995ی‌ توركیا
سه‌ركردایه‌تی‌ كورد نازانێت چۆن ریفراندۆمی‌ ماده‌ی‌ 140 ئه‌نجام بدات
نه‌وتی‌ كوردستان، ئه‌گه‌رێك بۆ ململانێ‌
له‌ هه‌ڵبژاردنه‌كانی‌ داهاتوودا به‌یه‌ك لیست به‌شداری‌ ده‌كه‌ن

كۆمه‌ڵ ‌‌و یه‌كگرتوو به‌نهێنی‌ رێككه‌وتنێكی‌ ستراتیژیی‌ ئیمزاده‌كه‌ن
چاره‌نووسی‌ رێكخراوه‌ دیموكراتی و جه‌ماوه‌رییه‌كان له‌ سێبه‌ری‌ حزبدا
له‌ چاوه‌ڕوانیی‌ راپۆرته‌كه‌ی‌ كرۆكه‌ر - پاتریۆس دا
به‌ هۆی‌ شكستی‌ دیبلۆماسییه‌تی‌ كوردی پێده‌چێت ئه‌نجامی‌ راپۆرته‌كه‌ جارێكی‌ دی‌ كورد نیگه‌ران بكاته‌وه‌
مادده‌ی‌ 140 دوا ده‌رفه‌تی مێژوویی له‌ به‌رده‌م کورددا
زه‌واجی‌ مسیار كورده‌واری‌ توشی‌ شۆك ده‌كات
ململانێی‌ حزبی‌، هه‌ولێر له‌سه‌ر كێ‌ تاپۆ ده‌كات؟

کورد و هه‌ڵبژاردنه‌که‌ی تورکیا

ئه‌نفال، ئه‌و کاره‌ساته‌ی ته‌نها کورد به‌ جینۆسایدی ده‌زانێت

 

Sbeiy.com © 2007-2011 All rights reserved    
ئه‌مه‌ریكا: له‌گه‌ڵ ئێران په‌یوه‌نده‌ی‌ راسته‌وخۆمان هه‌یه‌ مامۆستایانی هاوبه‌ش ستایشی سه‌رجه‌م مامۆستایانی‌ كوردستان ده‌كات به‌غدا؛ به‌هۆی ته‌قینه‌وه‌ی دو بۆمبه‌وه، 70 كه‌س بون به‌ قوربانی‌ به‌هۆی‌ كوشتنی‌ خوشكه‌زاكه‌یه‌وه‌، میرێكی كوه‌یتی‌ له‌ سێداره‌ ده‌درێت چوارقوڕنه‌؛ كارمه‌ندانی به‌شی سیانه‌ی كاره‌با مانیانگرت بۆ وه‌رگرتنی خوێندكارانی هه‌رێم، نوێنه‌ری‌ 22 زانكۆی‌ ئه‌مه‌ریكا له‌ هه‌ولێرن سوریا؛ ئه‌مڕۆ پێنجشه‌ممه‌، 14 كه‌س كوژراون هه‌ولێر؛ چه‌ندین كه‌س ناویان له‌ناو ليستى (دامه‌زراوان) و (دانه‌مه‌زراوان)دا نه‌هاتوه‌ته‌وه‌ سه‌ركرده‌یه‌كی شۆڕشگێڕانی‌ لیبیا: قه‌زافی له‌ شاری‌ سیرته‌ عه‌بدوڵا ئۆجه‌لان: حكومه‌تی‌ توركیا گفتوگۆكانی‌ له‌گه‌ڵ كورد وه‌ستاندوه‌ هۆشیار زێباری‌: بونی په‌كه‌كه‌ له‌سه‌ر خاكی عێراق ناشه‌رعیه‌و جێگه‌ی‌ قبوڵكردن نیه‌ 5 هه‌زار یه‌كه‌ی‌ نیشته‌جێبون له‌ شاره‌كاندا بۆ هێزه‌كانی ناوخۆ دروستده‌كرێت ئه‌ڵمانیا؛ تارا جاف و داریوشی‌ ئیقبالی‌ كۆنسێرتێك كۆیان ده‌كاته‌وه‌ سلێمانی؛ به‌ڕێوه‌به‌ری كه‌ناڵی ئاسمانی په‌یام بانگهێشتی دادگا کراو به‌ به‌ڵێننامه‌ی شه‌خسی ئازاد کرا شانۆگه‌ری‌ گێژه‌ن نمایش ده‌كرێ