|
|
|
سایتی CNN و كه‌ناڵی ئه‌لجه‌زیره باس له روداوه‌كانی دوێنێی كوردستان ده‌كه‌ن |
|
Monday, March 14, 2011 |
(سبه‌ی):
له دوای روداوه خوێناویه‌كه‌ی 17 شوباته‌وه، روداوه‌كانی كوردستان بونه‌ته جێگه‌ی باس و خواسی راگه‌یاندنه جیهانیه‌كان له‌و نێوه‌نده‌شدا تاڵان كردنی رادیۆی "ده‌نگ" له كه‌لار و سوتاندنی جادره‌كانی سه‌رای ئازادی له راگه‌یادنه جیهانیه‌كاندا ده‌نگیان دایه‌وه.
له راپۆرتێكی CNNدا هاتوه كه شه‌وی رابردو له ناوجه‌رگه‌ی شاری سلێمانی هێزێكی ده‌مامك له‌سه‌ر هێرشیان كردۆته سه‌ر خۆپیشانده‌ران و خێمه‌كانیان سوتاندوه. خۆپیشانده‌رانیش ئه‌م هێرشه ده‌گه‌ڕێننه‌وه بۆ كه‌ته‌رخه‌می هێزه‌كانی ئاسایش له پاراستنی خۆپیشانده‌ران. له به‌شێكی تری راپیۆرته‌كه‌دا هاتوه كه بۆ جاری دوه‌م له دوای سوتاندنی كه‌نالی NRTهێرش كراوه‌ته سه‌ر كه‌ناڵێكی میدیای سه‌ربه‌خۆ كه ئه‌ویش رادیۆی ده‌نگه له كه‌لار.
هه‌ر له‌و باره‌یه‌وه كه‌نالی ئه‌جه‌زیره له راپۆرتێكدا باس له تاڵان كردنی رادیۆ ده‌نگ و سوتانی جادره‌كانی سه‌رای ئازادی كرد.
له كاتێكدا كه‌ناڵه جیهانیه‌كان به گرنگیه‌وه باس له روداوه‌كانی كوردستان ده‌كه‌ن و هه‌واڵ و راپۆرت له باره‌یه‌وه بڵاو ده‌كه‌نه‌وه، هه‌ندێ كه‌ناڵی ناوخۆی وا پیشان ده‌ده‌ن كه كوردستان ئارامه و به‌هیچ شێوه‌ك باسی ئه‌و روداوانه‌یان نه‌كردوه. |
|
|
|