Print

به‌شێکی زۆری سه‌رمایه‌داران و که‌سایه‌تییه‌ دیاره‌کانی میسر، قاهیره‌یان به‌جێهێشتوه‌ Sunday, January 30, 2011 (سبه‌ی): له‌گه‌ڵ به‌رده‌وامی خۆپیشاندان و ناڕه‌زاییه‌کان له‌میسر، به‌شێکی زۆری سه‌رمایه‌داران و که‌سایه‌تییه‌ دیاره‌کان، قاهیره‌یان به‌جێهێشتوه‌. ئاژانسی هه‌واڵی ئه‌ڵمانی له‌زخاری سه‌رچاوه‌یه‌کی فڕۆکه‌خانه‌ی قاهیره‌ بڵاویکرده‌وه‌، 19 فڕۆکه‌ی تایبه‌ت له‌و فڕۆکه‌خانه‌یه‌وه‌ که‌ ژماره‌یه‌کی زۆر سه‌رمایه‌دار و که‌سایه‌تی تایبه‌ت و که‌سوکاریانی له‌خۆگرتبو، قاهیره‌یان به‌جێهێشتوه‌. هاوکات ئه‌وه‌شی ئاشکراکردوه‌، له‌نێو ئه‌و سه‌رمایه‌دارانه‌دا، حسێن سالم که‌سێکی نزیک له‌ حوسنی موباره‌ک بینراوه،‌ که‌ له‌گه‌ڵ 9 که‌س له‌ خێزانه‌که‌ی به‌ره‌و دوبه‌ی رۆشتون.