|
|
|
رۆژنامه‌ی تایمز: پاشای سعودیه به‌ڵێنیداوه هاوكاری دارایی حوسنی موباره‌ك بكات ئه‌گه‌ر ئه‌مه‌ریكا هاوكاریه‌كانی له میسر ببڕێت |
|
Saturday, February 12, 2011 |
(سبه‌ی):
له ژماره‌ی ئه‌مڕۆ (پێنجشه‌ممه)یدا رۆژنامه‌ی (تایمز)ی به‌ریتانی ئه‌وه‌ی ئاشكراكردوه، مه‌لیك عه‌بدوڵا، پاشای سعودیه به باراك ئۆبامای سه‌رۆكی ئه‌مه‌ریكای وتوه، ئه‌گه‌ر ئه‌مه‌ریكا هاوكاریه داراییه‌كانی بۆ میسر بوه‌ستێنێت، ئه‌وا ئێمه له‌لایه‌ن خۆمانه‌وه هاوكاری موباره‌ك ده‌كه‌ین.
رۆژنامه‌كه له سه‌رچاوه‌یه‌كی پله به‌رزی ریازه‌وه ئه‌وه‌شی نوسیوه، رۆژی 29ی مانگ له لێدوانێكی ته‌له‌فونیدا جگه له‌وه‌ی پشتگیری خۆی بۆ موباره‌ك ده‌ربڕیوه، مه‌لیك عه‌بدوڵا به باراك ئۆبامای راگه‌یاندوه، كه سوكایه‌تی به موباره‌ك نه‌كات.
له 28ی مانگی رابوردو ئیداره‌ی ویلایه‌ته یه‌كگرتوه‌كانی ئه‌مه‌ریكا باسی له‌وه‌كرد، چاو به‌و هاوكاریه داراییانه‌دا ده‌خشێنێته‌وه كه ساڵانه پێشكه‌شی میسری ده‌كات.
به گوێره‌ی راگه‌یاندنی ئیداره‌ی ئه‌مه‌ریكا له پێشتردا، ساڵانه ئه‌مه‌ریكا 1،3 ملیار دۆلار هاوكاری سه‌ربازی پێشكه‌ش به میسر ده‌كات، له‌گه‌ڵ پێدانی 400 ملیۆن دۆلار، وه‌ك هاوكاری ئابوری.
|
|
|
|