|
|
|
خواندنگه‌هان پێویستی ب به‌رده‌ستك نه نڤیسه‌ران هه‌یه |
|
نوسه‌ر: محسن عه‌بدولره‌حمان
|
|
Thursday, May 24, 2012 |
د ڤان رۆژان دا وه‌كو هه‌ر سال برۆسا خواندنێ به‌ره‌ڤ داوییا سالێ یه كو رێڤه‌به‌ریێن خواندنگه‌هان مینا شانا هه‌نگێ لێكرینه، بابه‌تێ سه‌ره‌كی ژی دانانا پڕسیارێن ئه‌زمونێ كورسێ دویێ یه، لێ هه‌ر لاوازیا رێكخستنا كاری ئێك ژ گرنگترین سیمایێ برێڤه‌چونا سیسته‌می یه، رێكخستن ب خۆ ژی پێدڤی ب پلانه‌كا دارشتی ژ لایێ هنده‌ك كه‌سانێن بسپۆر یان خۆدان سه‌ربۆره د ڤی بواری دا، د ئه‌نجام دا كاره‌ك رێكوپێك و ب كێمترین كێماسی بهێته‌كرن، ئه‌ڤ لایه‌نه د په‌روه‌ردێ دا دیاره ب تایبه‌ت د ڤان رۆژان دا كو ئه‌زمونێن كورسێ دویێ (داوییا سالا خواندنێ ) یه.
هه‌لبه‌ت به‌رۆڤاژی جاران كو هه‌ر مامۆستایه‌ك بۆ هه‌ر بابه‌ته‌كێ دبێژیت پێدڤبو پرسیار و به‌رسڤان دانیت، لێ نها و پشتی سیسته‌مێ كورسان ل كوردستانێ كار پێ هاتیه‌كرن، بۆ هه‌ر بابه‌ته‌كێ پێدڤییه مامۆستا بۆ هه‌ر بابه‌ته‌كێ دبێژیت سێ پرسیار و به‌رسڤان دانیت، یا ئێكێ بۆ ئه‌زمونا داهاتی و یا دویێ بۆ خویندكارێن فه‌مایی بۆ كورسێ ئێكێ ژ خۆلا دویێ هه‌ر وه‌سا پرسیار بۆ كورسێ دویێ ژ خۆلا دویێ، رێڤه‌به‌رییا خواندنگه‌هێ پرسیار ژ مامۆستای دڤێن و ئه‌ڤه ئه‌ركێ وی یه، كو پێدڤییه ئه‌و ب خۆ تایپ بكه‌ت، چنكو گه‌له‌ك مامۆستایان كومپیوته‌ر نینه یان هه‌ر نزانن بكاربینن، له‌ورا نه‌چار دبن په‌نایێ بۆ هه‌ڤالان یان نڤیسینگه‌هێن ل بازاری ببه‌ن، ئه‌گه‌ر ئه‌ڤه هه‌می یا نۆرمال بیت و بێژین ئه‌ڤه ئه‌ركێ مامۆستایه، راسته لێ لڤێره پرسه‌ك هه‌یه، سالێ هه‌میێ مامۆستا ب هاریكارییا خویندكاران سه‌رباری گازندێن سه‌میانێن وان پاكژیا ئاڤاهیێ خواندنگه‌هێ دكه‌ن ئه‌و ژی ژ نه‌بونا به‌رده‌ستكان.
نه‌بونا به‌رده‌ستكان ل خواندنگه‌هان بویه ئاریشه‌كا دومدرێژ و ل به‌رامبه‌ر له‌شكره‌ك بناڤێ نڤیسه‌ر (كاتب) یێن به‌تال دامه‌زراندینه، ئه‌رێ ما ناڤێ وان نه نڤیسه‌ره، موچه‌ی ناوه‌رگرن؟ بۆچی ب ئه‌ركێ باكژكرنا خواندنگه‌هێ و به‌رده‌ستكیێ رانابن، ئه‌گه‌ر پتریا وان وه‌كو ب درێژیا سالێ چ كارێن وه‌ها گرنگ ئه‌نجام نه‌ده‌ن، به‌لكو ل هنده‌ك خواندنگه‌هان هه‌ر ده‌وامێ ناكه‌ن، بلا هه‌ر بكێمی د ڤان رۆژان دا هاریكارییا رێڤه‌به‌ریێن خواندنگه‌هان و مامۆستایان بكه‌ن، ئه‌و ژی ب تایبكرنا پرسیارێن ئه‌زمونان كو دێ بار سڤگیه‌ك بیت هه‌ر بۆ رێڤه‌به‌ره‌ییا خواندنگه‌هێ و هه‌ر بۆ مامۆستای ژی و ئه‌ڤ كێمترین ئه‌ركێ وانه. |
|
|
|