|
|
|
بەڤیدیۆ؛ زەمینلەرزەیەک ژاپۆن دەهەژێنێت .. مەترسی تسۆنامییەکی دیکە دەکرێت |
|
30/05/2015 18:44:17 |
(سبەی):
زەمینلەرزەیە بە گوڕی (7.8) پلە بەپێی پێوەری رێختەر کەناراوەکانی ژاپۆنی هەژاند و مەترسی تسۆنامییەکی دیکە دەکرێت کە چوار ساڵ لەمەوبەر هەزاران کەسی لەو وڵاتە کردە قوربانی.
ئاژانسی كه‌شناسی ژاپۆن رایگه‌یاند: زەمینله‌رزه‌كه ئێوارەی ئەمڕۆ له دورگه‌كانی ئۆگاساواری زه‌ریای هێمن رویداوه.
هاوکات ناوه‌ندی توێژینه‌وه‌ی جیۆلۆجی ئه‌مریكاش رایگه‌یاند: زەمینله‌رزه‌كه گوڕه‌كه‌ی (7.8) پله بوه به پێوه‌ری رێخته‌ر و نزیكه‌ی (900) كیلۆمەتر دوری كه‌ناراوه‌كانی تۆكیۆی پایته‌ختی گرتوەته‌وه و هیچ زیانێکی لێنەکەوتوەتەوە.
دوا به‌دوای رودانی زەمینله‌رزه‌كه هۆشداری رودانی تسونامی درا، بەهۆی ئەوەی ئەو وڵاتە ده‌كه‌وێته بازنه‌ی بوركان و زەمینله‌رزه‌وه له (11)ی ئاداری ساڵی (2011) دا یه‌كێك له گه‌وره‌ترین زەمینله‌رزه‌كانی میژو تێیدا رویدا، كه گوڕه‌كه‌ی (9) پله بو بوه هۆی رودانی زریانی تسۆنامی و بەهۆیەوە گیان له‌ده‌ستدانی (19) هه‌زار كه‌س و برینداربونی هه‌زارانی دیكه‌ی لێكه‌وته‌وه هه‌روه‌ها زیانێكی زۆری به كه‌ناراوه‌كانی ئه‌و وڵاته گه‌یاند.
هەر بەهۆی تسونامییه‌كه‌ی ئەو کاتی ژاپۆنەوە سێ تیشكده‌ره‌وه‌ی ناوه‌نده ئه‌تۆمییه‌كه لاربونه‌وه و به‌هۆیه‌وه تیشكی رادیۆ ئه‌كتیف دزه‌ی كرده ده‌ره‌وه بەهۆیه‌شه‌وه (160) هه‌زار كه‌س كه له‌و ناوچه‌یه ده‌ژیان گوازرانه‌وه بۆ ناوچه‌كانی دیكه.
فۆتۆ/ ئەرشیف
|
|
|
|