|
|
|
ئێران دەیەوێت هەناردەی نەوت زیاد بکات |
|
18/05/2015 09:55:28 |
(سبەی):
ئێران خوازیاره له‌دوای ئیمزاكردنی رێكه‌وتنی ئه‌تۆمی له‌گه‌ڵ وڵاتانی پێنج كۆ یه‌ك، ئاستی هه‌نارده‌ی نه‌وتی وڵاتەکەی بەگڕێتەوە دۆخی جارانی پێش سه‌پاندنی سزاكان .
له لێدوانێكدا بۆ ئاژانسی رۆیته‌رز، روكنه‌دین جه‌وادی، جێگری وه‌زیری نه‌وتی ئێران له میانی به‌شداریكردنی له كۆنگره‌ی نه‌وت و گازی ئاسیا كه له شاری كوالا لامپور ده‌به‌سترێت رایگه‌یاند: ئێران خوازیاره هه‌نارده‌كردنی نه‌وتی خاوی وڵاتەکەی كه به‌هۆی سه‌پاندنی سزاكان كه‌میكردوه، بگه‌ڕێته‌وه بۆ ئه‌و كاتانه‌ی كه سزاكانی به‌سه‌ردا نه‌سپێنرابو .
جه‌وادی وتیشی: پێشبینی ده‌كرێت ئاستی هه‌نارده‌ی نه‌وتی وڵاتەکەی به‌تایبه‌تی بۆ بازاڕه‌كانی ئاسیا رو له باشبون بكات و بگەڕێته‌وه دۆخی جارانی، ئه‌ویش په‌یوه‌سته به بارودۆخی بازار و نرخی نه‌وت، له‌گه‌ڵ ئه‌وه‌شدا ئێمه ده‌گه‌ڕێینه‌وه بۆ بازرگانی و فرۆشتنی ئاسایی نه‌وتی ئێران .
به‌هۆی سه‌پاندنی سزا ئابوریه‌كان به‌هۆی به‌رنامه ئه‌تۆمیه‌كه‌ی، له ساڵی (2012)وه ئاستی هه‌نارده‌ی نه‌وتی ئێران بۆ بازاره‌كانی جیهان بۆ نیوه دابه‌زیوه. |
|
|
|