چەند زانیاری و قسەیەک لەسەر یاسای بودجەی ''بەرگری نیشتیمانی بۆ ساڵی 2016''

کامەران کوردی

ئەم پڕۆژەیە کە لە کۆنگرێسی ئەمەریکا پەسەند کرا، لە لایەن جانی ئێرنست، سیناتۆری ویلایەتی ئایاوا سەر بە کۆماریەکان پێشنیار کراوە بە پشتگیری پێنج سیناتۆری تر کە چواریان کۆمارین و یەکێکیشیان دیموکراتە. سێ لە سیناتۆرە کۆماریەکان کاندیدی سەرۆکایەتی ساڵی 2016 ن کە بریتین لە لینسی گرام، مارکۆ روبیۆ و ران پۆڵ.

ئەوەی بۆ کورد گرنگە لەم یاسا نوێیەی کۆنگرێس ئەم خاڵانەن:
١- لە بەشی "Section"  1223لاپەڕە 559 دا کە تایبەتە بە "دابینکردنی هاوکاری بۆ روبەڕوبونەوەی دەوڵەتی ئیسلامی لە عێراق و شام-داعش" 715$ ملیۆن دۆلار تەرخانکراوە بۆ هاوکاری هێزەکانی ئاسایش و بەرگری نیشتیمانی عێراق. بڕێک کە 25% کەمتر نەبێت بۆ هێزی پێشمەرگە و  هێزە سونەکان تەرخانکراوە.
٢- چەند مەرجێک بۆ هاوکاری حکومەتی مەرکەزی عێراق دانراوە کە خۆیان لە:
- لەبەرچاوگرتنی کێشەو ناکۆکییە مەزهەبی و نەتەوەیەکان.
- زیادکردنی هاوبەشی و بەشداری سیاسی.
- بەکارهێنانی هەوڵی گرنگ و پێویست بۆ کەمکردنەوەی پشتگیری داعش لەگەڵە باشکردنی سەقامگیری لەعێراقدا.
- جێبەجێکردنی یاسای هێزی نیشتیمانی سونی "ناشناڵ گاردی سونی"
- دڵنیابون لەبونی نوێنەرایەتی کەمە نەتەوەییەکان بە شێوەیەکی یەکسان، لەگەڵ پڕچەکردن و مەشقپێکردنیان لەناو دام و دەزگاکانی ئاسایش و حکومەتدا.
- کۆتایهێنان بە پشتگیری هێزە میلیشیا شیعەکان و وەستانی زیادەڕەوی چەوساندنەوەی بەشەکانی کۆمەڵگای عێراقی لەلایەن ئەو میلشیانەوە.
- دڵنیابون لەدابەشکردنی یەکسانی هاوکاری و ئامێرە سەربازی و جەنگیەکان لەلایەن ویلایەتە یەکگرتوەکانی ئەمەریکاوە بەسەر هێزەکانی ئاسایشدا، بە بونی ئامانجی نیشتیمانی، هێزەکانی پێشمەرگە و خێڵە سونیەکانیش دەگرێتەوە و هێزی نیشتیمانی سونی کە بە "ناشناڵ گاردی سونی" ناویان هاتوە.
- ئازادکردنی زیندانیانی مەزهەبی و نەتەوەیی کە بێ دادگایکردنی دادوەرانە و شەفافانە یان بەڵگە دەستگیرکراون.
- گرتنەبەری هەر کردارو داواکارییەک کە بەڕێوەبەرانی وەزارەتی بەرگری و دەرەوەی ئەمەریکا پێشنارو داوای بکەن.

گەر حکومەتی مەرکەزی عێراق نەیتوانی ئەو مەرجانەی سەرەوە بەدەست بێنێت، یاساکە هەردو وەزیری بەرگری و دەرەوە سەرپشک دەکات کە لە 60% هاوکاریەکان بدەنە هێزی پێشمەرگە و هێزە سونیەکان. ئەو دو هێزەش وەک دەوڵەت مامەڵەیان لەگەڵدا بکرێت بەمەستی دابینکردن و جێبەجێکردنی تایبەتمەندیە یاساییەکانی "کۆنتڕۆڵکردنی چەکی ناردە" ی ساڵی 1961. ئەمە لەبەشی د. "Section D" ی یاساکەدا ئاماژەی پێدراوە.

بەم شێوەیە دەبینین و هەست دەکەین کەوا سیاسەتی ناوەوەی ئەمەریکا بە تایبەتی لەڕوی یاساییەوە کە دەسەڵاتی کۆنگرێسە، لەلایەن حیزبی کۆمارییەکانەوە گۆڕانی بەسەردا هاتوە، پشتگیریەکی زۆری کورد و هێزی پێشمەرگە بەدیدەکرێت. من خۆشم هەست دەکەم هەنگاوەکانی دابەشکردنی عێراق بۆ سێ ناوچە یان دەوڵەت دەکەوێتە بواری جێبەجێکردنەوە. گرنگ و پێویستە سیاسیەکانی کورد لە هەرێمی کوردستان بتوانن سود لەبونی ئەو پشگیری و هاوسۆزیەی ئەمەریکیەکان وەربگرن تاوەکو بتوانرێت هەنگاو بۆ هێنانە کایەی سیاسەتێکی تایبەتی ئەمەریکی بە کورد بێتە دی، کە گرنگترینیان گرنتی پاراستنی ئاسایشی کورد دەبێت لەناوەڕاستی رۆژهەڵاتدا.

زۆر گرنگ و پێویستیشە کار لەسەر زیادکردن و فراوانکردنی پشتگیری و هاوسۆزی هاوڵاتیانی ئەمەریکی بکرێت لەناوخۆدا ئەمیش لەڕێگەی سودوەرگرتن لەئامێرو هۆکارەکانی راگەیاندنی ئەمەریکی کە کاریگەری سەرەکیان هەیە لەدروستکردن و ئاڕاستەکردنی رای گشتی ئەمەریکیدا. پاشانیش هەنگاونانی پێویست بۆ دروستکردنی لۆبیەکی بەهێزی کوردی لێرە لەویلایەتە یەکگرتوەکانی ئەمەریکا کە ئەمەش بەپشتگیری و پاڵپشتی رەوەندی کوردی لە ئەمەریکا بەدەست دەهێنرێت.

ئەمڕۆ لەهەمو کات زیاتر و باشتر، پشتگیری و هاوسۆزی  نێودەوڵەتی بۆ پرس و دۆزی کورد لە ئارادایە. پرسیاری گرنگ لێرەدا ئەوەیە نەتەوەی کوردی خۆی و سیاسی و حیزب و دەسەڵاتەکەی چۆن و چەندە دەتوانێت سود لەو پشتگیری و هاوکاریە نێودەوڵەتیانە ببینن.
18/05/2015 بینین: 1900
وتاره‌کانی تری نوسه‌ر
نوێترین هه‌واڵ...
(سبەى) خۆى نوێ دەکاتەوە ...
ئه‌مڕۆ مه‌كته‌بی‌ سیاسی‌ و سه‌ركردایه‌تی‌ و ئه‌میری‌ كۆمه‌ڵ هەڵدەبژێردرێن...
به‌رشه‌لۆنه‌ دوه‌م نازناوی ئه‌م وه‌رزه‌ی به‌ده‌ستهێنا...
داعش زیندانی تەدمور دەتەقێنێتەوە...
سەرۆكی پەرلەمانی كوردستان: دەستور دەبێت سەقامگیری بەدیبهێنێت...
لیژنەی دەستور هەفتەی چوارجار كۆدەبێتەوە...
بان كی مۆن: 25 هەزار بیانی چونەتەناو گروپە تیرۆرستییەكانەوە...
یەپەگە ئۆپەراسیۆنی دابڕینی داعش لە تورکیا و بەستنەوەی جزیرە و کۆبانی پێکەوە جێبە...
بەڤیدیۆ؛ زەمینلەرزەیەک ژاپۆن دەهەژێنێت .. مەترسی تسۆنامییەکی دیکە دەکرێت...
گۆڕێکی بە کۆمەڵی ئێزیدییەکان دەدۆزرێتەوە .. تەرمی (20) ژن و (33) منداڵ و پیری تێ...
بەڤیدیۆ؛ سیناریۆکانی دابەش بونی عێراق...
داعش هێرش دەکاتە سەر شاری حەسەکە...
عه‌بادی: جیاوازی له‌ نێوان کەوتنی رومادی و موسڵدا هه‌یه‌ ...
عەلی باپیر لە کۆنگرەی حیزبەکەیدا رەخنەی توند لە حکومەت دەگرێت...
(20) سه‌ركرده‌ی داعش لە ئەنبار کوژران...
پێشمەرگە شكست بە هێرشێكی داعش دەهێنێت...
هەرێم و بیلاروسیا پرۆتۆکۆڵێکیان واژۆ کرد...
بیرلسكۆنی: میلان نافرۆشین...
باندێکی (10) کەسى دەستگیر دەکرێن...
شاندێکى گۆڕان بۆ پشتیوانی کورد دەچێتە باکور ...
''لە ساڵێکدا بیانیه‌كانی ناو داعش بەرێژەى (70%) زیادیان کردوە''...
یەک ملیۆن نەمام لە بەردەم مەترسیی وشکبوندان...
بریمه‌ر داوا دەکات چەک بە کورد بدرێت ...
حوسیەکان پارێزگارى سەنعایان کوشت ...
ئێران دەستگیرکردنى چه‌ند تۆڕێكی‌ سه‌ر به‌ داعش رادەگەیەنێت ...