(سبه‌ی):
دوای خۆپیشاندانی 62 رۆژی و به‌كارهێنانی هێز له‌لایه‌ن ده‌سه‌ڵاته‌وه، كه بوه هۆی شه‌هیدكردنی 10 كه‌س و برینداربونی زیاتر له 400 كه‌س، هه‌ردو لایه‌نی ئۆپۆزسیۆن و ده‌سه‌ڵات له هه‌رێمی كوردستان بڕیاریانداوه له‌سه‌ر مێزی گفتوگۆ كێشه‌كان چاره‌سه‌ر بكه‌ن.
ئه‌وه‌ی له‌ئێستادا باسی لێوه‌ده‌كرێت داواكانی شه‌قامه كه هێزه ئۆپۆزسیۆنه‌كان نوێنه‌رایه‌تی ده‌كه‌ن، ئۆپۆزسیۆن رایگه‌یاندوه كه به‌هیچ شێوه‌یه‌ك سازش له‌سه‌ر خوێنی شه‌هید و برینداره‌كان و داواكانی خۆپیشانده‌ران ناكات.
ده‌سه‌ڵات بۆ گفتوگۆكان باس له‌وه ده‌كات كه پڕۆژه 17 خاڵییه‌كه‌ی په‌رله‌مان ده‌كات به بنه‌ما، ئۆپۆزسیۆنیش پڕۆژه 22 خاڵییه‌كه‌ی خۆی ده‌باته سه‌ر مێزی گفتوگۆ، هاوكات 7 پڕۆژه یاسای ئاماده‌كردوه بۆ چاكسازیی ریشه‌یی له سیستمی سیاسی هه‌رێمی كوردستاندا.
سبه‌ی ئه‌م دوانگه‌یه‌ی كردۆته‌وه بۆ ئه‌وه‌ی خوێنه‌ران هه‌ر راو سه‌رنجێكیان هه‌بێت سه‌باره‌ت به گفتوگۆی نێوان ده‌سه‌ڵات و ئۆپۆزسۆن بیخه‌نه‌ڕو...