ناوچە کوردستانیە دابڕێندراوەکان، دوای 8ی حوزەیرانی 2014 لایەنی کورد پێویستە چۆن هەڵسوکەوتی لەگەڵ بکات !

بزوتنەوەی گۆڕان
ژوری ناوچەکوردستانییە دابڕێندراوەکان


بەردەوامی قەیرانی کەرکوک و ناوچە کوردستانییە دابڕێندراوەکان دەرئەنجامی شکستی لایەنی کوردییە، کە دەرفەتی ماوەی 11 ساڵی رابوردوی لەدەستدا بۆ یەکلاکردنەوەی کێشەی سنور و خاک و ناسنامە و چارەنوسی کەرکوک، لەماوەی 11 ساڵی رابوردودا تەنها نزیکەی 20% قۆناغی یەکەمی مادەی 140 جێبەجێکراوە، نمونە تەنها لەسنوری پارێزگای کەرکوک نزیکەی 1.250 یەک ملیۆن و دو سەدو پەنجا هەزار دۆنم زەوی کورد تا ئێستا نەگەڕاوەتەوە بۆ خاوەنەکانیان، کە لەچوارچێوەی سیاسەتی تەعریب داگیرکرا، ئیدارەدانی ململانێکان لەماوەی 11 ساڵی رابوردو لەلایەن دەسەڵاتدارانی بەغداوە بەوشێوەیە، عێراقی گەیاندە کەناری هەڵوەشاندنەوە.

ئەنجام:- هەڵبەتە بە هەڵپەسێردراوەیی هێشتنەوەی ناسنامە و چارەنوسی کەرکوک و ناوچەکوردستانیە دابڕێندراوەکان لەبەرژەوەندی خەڵکی ئەو ناوچانە نیە، بە تایبەتی کوردو تورکمان و کلدئاشور، چونکە ئەو بارودۆخە بوەتە هۆی ناجێگیری سیاسی و دروستکردنی بۆشایی ئەمنی و سەربازی (داگیرکردنی بەشێکی ئەو ناوچانە لەلایەن داعشەوە نمونەیەکی زیندوی ئەو راستیانەن)و لەئەنجامدا ژێرخان و ژیانی خەڵکی ئەو ناوچانەی توشی زیان و نەزیفێکی بەردەوام بۆتەوە، خەڵکی ئەو ناوچانە ئێستا لەبەرانبەر دو بژاردەدایە، رەوکردن، یان مانەوەو بەردەوامبون لەناو گێژاوی چارەنوس و ژیانێکی نادیاروقوربانی بەردەوامدا(گیانی و مادی).

- وەک ئەوەی لەسەرەوە ئاماژەمان پێکرد لەسەر ئاستی عێراق، لایەنەکان شکستیان هێنا بۆ گەیشتن بە چارەسەر، لەچوارچێوەی ئەوەی لەدەستور لە سەری رێککەوتبون، ئەوەی کورد بە دەستی هێنابو لەدوای روخانی رژێمی بەعس، سەبارەت بە خاک و سنور بریتیبو لەمادەی 58 یان 140، لەکاتی خۆیدا بەدەسکەوت ئەژمارکرا، بەڵام لەئێستادا بەشکست هەڵدەسەنگێندرێت.

لەسەر ئاستی ناوچەیی و پارێزگاکانیش بە هەمان شێوە نەتوانرا متمانە و شەراکەتی راستەقینە دروست بکرێت، لایەنیکەم لەنێوان کورد و تورکمان و کلدوئاشوری، کە نزیکەی 70% کەرکوک پێکدەهێنن.


کورد ئێستا چی بکات باشە:
دیارە لەسایەی ئەم هەلومەرجە نوێیەی دوای 8-6-2014 هاتوەتە ئاراوە، لایەنی کورد لەبارێکی زۆر بەهێزدایەو هەلەکان بەکراوەیی بۆی ماوەتەوە، بەهەمان شێوەی پاش روخانی رژێمی بەعس لە 2003 و، پێویستە ئەم بنەمایانە لەبەرچاو بگیرێت، بۆ داڕشتنی سیاسەت و کارنامە و بەرنامە و گفتوگۆکانی داهاتوی:
• ئەو پشتیوانیە نێودەوڵەتییەی بۆ کورد هاتوەتە ئاراوە لەڕوی سەربازی و سیاسی.
• لاوازی ولە بەریەک هەڵوەشاندنەوەی سوپای عێراق.
• دوبەرەکی نێوان سونە وشیعە.
• هاوکێشەی ناوچە کوردستانیە دابڕێندراوەکان، کە لەگۆڕانی بەردەوامدایە، بۆ نمونە پانتایی کەرکوک پێش 1968 نزیکەی 20 هەزار کم چوارگۆشە بوە، دوای 1968 بۆتە نزیکەی 10 هەزار کم چوارگۆشە، پاش روداوەکانی 8- حوزەیران- 2014، ئێستا نزیکەی 6500 کم چوارگۆشەی لێ ماوەتەوە.
• هەڵسەنگاندنی ئەوەی تا چەند دەتوانرێت ئەو واقیعەی دوای 8ی حوزەیران هاتۆتە ئاراوە بپارێزین ئەگەر داعش شکا.

راسپاردەو رێگاچارە :
1- لەسەر ئاستی کوردی، سازان لەسەر یەک بەرنامە و پلانی ئیستراتیجی و یەک گوتاری کوردی سەبارەت بە کەرکوک و ناوچە کوردستانیە کێشە لەسەرەکان و دروستکردنی دۆسیە و دابەشکردنی ئەرک و بەرپرسیارێتی لەو روەوە.

2- پێویستە پارێزگارو ئەنجومەنی پارێزگای کەرکوک بەهەماهەنگی لەگەڵ سەرۆکایەتی هەرێم و وەزارەتی پ.م، کار بکات بۆ دامەزراندنی بنکەیەکی مەشق و راوێژکاری سەربازی ئەمەریکی و هاوپەیمانان لەکەرکوک، بە ئامانجی مسۆگەرکردنی دڵنیایی و پاراستنی ناوچەکە لەهەر هێرش و پەلامارێک لەئێستا و ئایندەدا.

3- بە نیشتیمانیکردنی دامودەزگاکانی ئاسایش و پۆلیس و ئیدارات، هەر لەسەعدییە وجەلەولا تا دەگاتە شەنگال و شێخان، ئەمە پێویستە بە یاسا و بڕیارێکی پەرلەمانی کوردستان رێکبخرێتەوە.

4- سیاسەتی ئەمری واقیع لەکەرکوک و ناوچەکوردستانییە کێشە لەسەرەکان، پێویستە بۆشاییەکانی پڕبکرێتەوە و پەرەی پێبدرێت و بهێڵدرێتەوە.

5- هەوڵدان بۆ ئازادکردنەوەی ئەو ناوچانەی چڕی دانیشتوانەکەی کورد بوە، تا روداوەکانی 8ی حوزەیرانی 2014، وەک جەلەولا- سەعدیە- شەنگال وشێخان و تاد.

6- لەسەر ئاستی بەغدا: چڕکردنەوەی توانا وهەوڵەکانی کورد لەپێناو گەیشتن بەڕێکەوتنێکی سیاسی بۆ یەکلاکردنەوەی سنوری کوردستان و ناسنامەی کەرکوک و ناوچە کوردستانییە کێشە لەسەرەکان، لەماوەی 4 ساڵی کابینەی داهاتوی حکومەتی عێراقی، بە بەشداری و ناوبژیوانی نێودەوڵەتی و ناوچەیی، هەروەها پێویستە هەوڵبدرێت رۆڵی ئەو دو وڵاتە (ئێران- تورکیا) بگۆڕدرێت، لەدەستێوەردانەوە بۆ ناوبژیوان.

7- دروستکردنی متمانە و بنەمای شەراکەتی راستەقینە لەبەڕێوەبردن و حوکمڕانی، لەسەر ئاستی ناوچەیی و پارێزگاکان (محلي)، هەروەها سازان لەگەڵ پێکهاتەکان (تورکمان و عەرەب، کلدو ئاشوری)، بە تایبەتی تورکمان و کلدو ئاشوری، لەسەر بنەمای مسۆگەرکردنی داخوازی و مافەکانیان لەناو دەستوری داهاتوی هەرێمی کوردستان، بەو مەرجەی رێگر نەبن لەگرێدانەوەی ئەو ناوچانە بەهەرێمی کوردستانەوە.

8- ئەگەر وا بڕیار بێت کورد، هەر لەچوارچێوەی دەوڵەتی عێراقدا بمێنێتەوە، وەک چارەسەرێکی سیاسی و لۆژیکی گونجاو، بەپێی ئەو واقیعەی ئێستا هەیە بۆ ئەم قۆناغە، لەگەڵ لایەنی عێراقی رێکەوتن بکرێت لەسەر گەڕاندنەوەی ئەو ناوچانەی چڕی دانیشتوانەکەی کوردە بۆ سەر هەرێمی کوردستان، وەکو سەعدیە، جەلەلاو وخانەقین و خورماتو و کەرکوک وشنگار وشێخان و تاد.

9- ئەگەر وا بڕیارە لەداهاتوی مەودا نزیکدا (5- 10) ساڵی داهاتو، کورد لەعێراق جیا ببێتەوە، ئەوا پێویستە لەئێستاوە هەمو توانای کورد چڕبکرێتەوە و بخرێتەگەڕ لەپێناو جێگیرکردن و پەرەپێدانی سیاسەتی ئەمری واقیع لەناوچە کوردستانییە دابڕێندراوەکان بەشێوەیەک، کە هیچ لایەنێکی سونە، یان سوپای عێراقی توانای کۆنتڕۆڵکردنەوەی ئەو ناوچانەی نەبێت، بە دیوێکی تریشدا کارکردن لەسەر هەردو ئاستی هەرێمی و نێودەوڵەتی بەمەبەستی مسۆگەرکردنی پشتیوانی لەداخوازی و ئامانجەکانی کورد لەململانێکاندا لەگەڵ لایەنی سونە و دەوڵەتی عێراقیدا، بۆ گەڕاندنەوەی ئەو ناوچانە بۆ سەر هەرێمی کوردستان.


30/11/2014 بینین: 21665
 
زیاتر
 1      
نوێترین هه‌واڵ...
(سبەى) خۆى نوێ دەکاتەوە
ئه‌مڕۆ مه‌كته‌بی‌ سیاسی‌ و سه‌ركردایه‌تی‌ و ئه‌میری‌ كۆمه‌ڵ هەڵدەبژێردرێن
به‌رشه‌لۆنه‌ دوه‌م نازناوی ئه‌م وه‌رزه‌ی به‌ده‌ستهێنا
داعش زیندانی تەدمور دەتەقێنێتەوە
سەرۆكی پەرلەمانی كوردستان: دەستور دەبێت سەقامگیری بەدیبهێنێت
لیژنەی دەستور هەفتەی چوارجار كۆدەبێتەوە
بان كی مۆن: 25 هەزار بیانی چونەتەناو گروپە تیرۆرستییەكانەوە
یەپەگە ئۆپەراسیۆنی دابڕینی داعش لە تورکیا و بەستنەوەی جزیرە و کۆبانی پێکەوە جێبەجێدەکات
بەڤیدیۆ؛ زەمینلەرزەیەک ژاپۆن دەهەژێنێت .. مەترسی تسۆنامییەکی دیکە دەکرێت
گۆڕێکی بە کۆمەڵی ئێزیدییەکان دەدۆزرێتەوە .. تەرمی (20) ژن و (33) منداڵ و پیری تێدایە
بەڤیدیۆ؛ سیناریۆکانی دابەش بونی عێراق
داعش هێرش دەکاتە سەر شاری حەسەکە
عه‌بادی: جیاوازی له‌ نێوان کەوتنی رومادی و موسڵدا هه‌یه‌
عەلی باپیر لە کۆنگرەی حیزبەکەیدا رەخنەی توند لە حکومەت دەگرێت
(20) سه‌ركرده‌ی داعش لە ئەنبار کوژران
پێشمەرگە شكست بە هێرشێكی داعش دەهێنێت
هەرێم و بیلاروسیا پرۆتۆکۆڵێکیان واژۆ کرد
بیرلسكۆنی: میلان نافرۆشین
باندێکی (10) کەسى دەستگیر دەکرێن
شاندێکى گۆڕان بۆ پشتیوانی کورد دەچێتە باکور
''لە ساڵێکدا بیانیه‌كانی ناو داعش بەرێژەى (70%) زیادیان کردوە''
یەک ملیۆن نەمام لە بەردەم مەترسیی وشکبوندان
بریمه‌ر داوا دەکات چەک بە کورد بدرێت
حوسیەکان پارێزگارى سەنعایان کوشت
ئێران دەستگیرکردنى چه‌ند تۆڕێكی‌ سه‌ر به‌ داعش رادەگەیەنێت
نەتەوە یەكگرتوەكان: 85 هەزار كەس لە رومادی هەڵاتون
واشنتۆن كوبای لە لیستی پشتیوانانی تیرۆر دەرهێنا
سەدان كۆچبەری نایاسایی لە كەناراوەكانی ئیتالیا رزگاردەكرێن
قەتەر لە بەغدا باڵیۆزخانە دەكاتەوە
پلاتەر بۆ جاری پێنجەم وەك سەرۆكی (فیفا) هەڵبژێردرایەوە
لەبارەی هەڵبژاردنەكەی (فیفا)وە
هەڵبژاردنی سەرۆكایەتی فیفا كەوتە قۆناغی دوەم
مەرجەعیەتی شیعە: دورنییە جەنگێكی خوێناوی هەڵگیرسێت
''کۆمپانیاکانی نەوت ئامادەن بودجەی یەک ساڵی هەرێم بدەن''
سلێمانی؛ كۆنگرەی سێیەمی ئازادی ژنانی كوردستان بەڕێوەدەچێت
بەوێنە؛ سەردانی وەزیری دارایی بۆ لای خانەنشینان
هەولێر؛ سەندیكای پارێزەران بایكۆتی كۆنگرەی دادوەری دەكات
پسپۆڕێكی بواری تیرۆر: داعش تەنها لە شەڕی كۆڵان بە كۆڵان شارەزایە
سوریا؛ بەری نوسرە شاری ئیدلەب كۆنتڕۆڵ دەكات
كۆمەڵی ئیسلامی سێیەمین كۆنگرەی خۆی دەبەستێت
هەڵەبجە؛ روداوێکی هاتوچۆ پێنج کەسی کردە قوربانی
حەویجە؛ داعش هێزێكی تایبەت بە سزادانی ژنان پێكدێنێت
لیبیا؛ داعش گەورەترین بنكەی ئاسمانی لە شاری سەرت کۆنتڕۆڵکرد
یەمەن؛ هۆزە میلیەكان شاخی عەریش-یان كۆنتڕۆڵ كرد
جۆش ئارنست: ئەمەریكا بەرپرس نیە لە ئاسایشی عێراق