مردو له‌ بری‌ زیندو

رۆڤان سه‌روه‌ت

شه‌یتان و ره‌حمان وازی‌ لێ ده‌هێنێ،‌ كه‌چی‌ ئه‌مان وازیان لێناهێنن...

هه‌ڵبژاردن له‌ كوردستان چه‌ندین نوكته‌ و ماجه‌رای‌ خۆش و ناخۆش و سه‌یر و سه‌مه‌ره‌ی‌ تێدایه‌، له‌ دوای‌ راپه‌رینی‌ گه‌لی‌ كوردستان له‌ ساڵی‌ 1991 ه‌وه‌ كوردستان به‌ چه‌ندین قۆناغی‌ جیاواز تێپه‌ری‌ ساڵی‌ 1992 یه‌كه‌م هه‌ڵبژاردنی‌ ئه‌نجومه‌نی‌ نیشتیمانی‌ كوردستان ئه‌وێ‌ رۆژێ‌ به‌ گرنگترین و باشترین پرۆسه‌ی‌ دیموكراسی‌ وێنا كرا له‌ دوای‌ روخانی‌ به‌ عسه‌وه‌ خه‌ڵك بچێت ده‌نگ به‌ نوێنه‌ر و لایه‌نی‌ خۆی‌ بدات، هه‌ر ئه‌و كاتیش ئه‌نجامی‌ هه‌ڵبژاردن چه‌ندین ناڕه‌زایه‌تی‌ و گله‌یی و كێشه‌ و كه‌م و كورتی‌ و بگره‌ ته‌زویر و تۆمه‌تبار كردن و ره‌نگه‌ به‌شێكی‌ شه‌ڕی‌ ناوخۆش هۆكاره‌كه‌ی‌ ئه‌و هه‌ڵبژاردنه‌ و په‌نجا به‌ په‌نجایه‌ بێت. ئه‌و كات له‌به‌ر نه‌بونی‌ ئامارێكی‌ راست و دروست له‌مپه‌رێكی‌ گه‌وره‌ی‌ به‌رده‌م هه‌ڵبژاردن بو.

له‌ دوای‌ ئه‌وانه‌ كوردستان به‌ قۆناغی‌ شه‌ڕی‌ ناوخۆ و دو ئیداره‌یی‌ و په‌رت بون تێپه‌ڕی‌ ئه‌وكاتیش هه‌ر ئامارێكی‌ دروست نه‌بو و نه‌كرا ئه‌وه‌ش هۆی‌ خۆی‌ بوه‌ بۆ ئه‌وه‌ی‌ لایه‌نه‌كان هه‌وڵیان ده‌دا هه‌ر كه‌س نفوزی‌ خۆی‌ به‌ هێز ده‌كرد. له‌ دوای‌ پرۆسه‌ی‌ رزگاری‌ عێراق و دامه‌زراندنی‌ حكومه‌تی‌ عێراق و هه‌ڵبژاردنی‌ په‌رله‌مانی‌ عێراق و كوردستان ئیتر ورده‌ ورده‌ ئه‌مانه‌ی‌ خۆشمان كه‌وتنه‌خۆ كۆكردنه‌وه،‌ چه‌ندین پرۆسه‌ی‌ هه‌ڵبژاردن به‌ڕێوه‌چو هه‌ر له‌هی‌ په‌رله‌مان و ئه‌نجومه‌نی‌ پارێزگا.

له‌گه‌ڵ هه‌ڵبژاردنی‌ 25-7-2009 ده‌ركه‌وتنی‌ لیستی‌ گۆڕان و ئۆپۆزسیۆنێكی‌ به‌هێز ئیتر یه‌كێتی‌ و پارتی‌ زۆر به‌وردی‌  كاریان له‌سه‌ر لیستی‌ ده‌نگده‌ران ده‌كرد و ئه‌مه‌ش گومانی‌ لای‌ هه‌موان دروستكرد، به‌تایبه‌ت تر ئه‌مساڵ كه‌ له‌ واده‌ی‌ هه‌ڵبژاردنه‌كان نزیك ده‌بوینه‌وه‌ په‌رله‌مانتارانی‌ ئۆپۆزسیۆن و به‌شێك له‌وانه‌ی‌ یه‌كێتیش چه‌ندین خه‌وشیان له‌ زیادكردنی‌ تۆماری‌ ده‌نگده‌رانی‌ ناسروشتی‌ هه‌ولێر و دهۆك به‌دی‌ ده‌كرد هه‌ر ئه‌وكات زو میدیاكانی‌ ده‌سه‌ڵات چه‌ندین سیناریۆیان هێنا بۆ په‌رده‌پۆشكردنی‌ خه‌وشه‌كانیان.

سه‌یرتر له‌ هه‌مو ئه‌مانه‌ له‌ چه‌ند رۆژه‌ی‌ دواییدا له‌ كوردستان گه‌وره‌ترین كه‌م و كوڕی‌ ئاشكرا كرا كه‌ ناوی‌ چه‌ندین هه‌زار مردوی‌ كوردستان ناویان له‌ تۆماری‌ ده‌نگده‌ران هه‌یه‌ و ده‌نگیان دایه‌وه‌ ئه‌مه‌ش جوانترین نمونه‌ی‌ نوكته‌ی‌ سیاسی‌ و دیموكراسی‌ ئه‌م هه‌رێمه‌ی‌ ئێمه‌یه‌. ئه‌وه‌ باسی‌ زیادكردنی‌ ناوی‌ ئاواره‌ی‌ سوری‌ و ئێرانی‌ و خۆ كه‌س نازانێت ره‌نگه‌ ناوی‌ عه‌ره‌بی‌ ناوچه‌كانی‌ تری‌ عێراقیش زیادبكه‌ن. سه‌یره‌ هه‌رێمێك له‌ 1991ه‌وه‌ رزگار بوبێت و باسی‌ دیموكراسی‌ و شه‌فافی‌ و هه‌ڵبژاردن بكات كه‌چی‌ ئه‌وه‌نده‌ خه‌وش هه‌بێت. سه‌یر‌ له‌وه‌یه‌ لێره‌ حیزب هه‌مو شته‌. حیزب بڕیاری‌ هه‌ڵبژاردن ده‌دات حیزب كۆمسیۆن دادەمەزرێنێت. حیزب تۆماری‌ ده‌نگده‌ران زیادو كه‌م ده‌كات هه‌مو شت هه‌ر حیزبه،‌ كه‌چی‌ باسی‌ فره‌ حیزبی‌ و عه‌داله‌تی‌ كۆمه‌ڵایه‌تی‌ و سیاسیش ده‌كه‌ن. به‌ڕاستی‌ ئه‌مانه‌ خه‌مخۆری‌ میلله‌تن، ئه‌وه‌ نیه‌ مردو له‌ بری‌ زیندو ده‌نگ ده‌دات. له‌كورده‌واری‌ خۆمان ده‌وترێ‌ مردو كه‌مرد شه‌یتان و ره‌حمان وازی‌ لێئه‌هێنێ‌ كه‌چی‌ ئه‌م ده‌سه‌ڵاته‌ ئه‌مه‌نه‌ خه‌مخۆرن واز له‌مردوه‌كانیش ناهێنن.
03/08/2013 بینین: 2046
وتاره‌کانی تری نوسه‌ر
حكومه‌تی‌ شه‌راكه‌تی‌ نیشتیمانی‌ و پشكی‌ گۆڕان...
پڕۆژه‌كه‌ی‌ گۆڕان و كه‌ركوك و سه‌ربه‌خۆیی كوردستان ...
نوێنه‌رانی‌ كورد كه‌ی‌ له‌ به‌غدا دێنه‌وه‌؟...
ماشێن و په‌رله‌مان... بۆ تیره‌كه‌ رو له ‌سه‌رۆكی‌ په‌رله‌مانه‌؟...
رزگار كردنی‌ جه‌له‌ولا و سه‌عدییه‌
هه‌لێكی‌ تری‌ مێژوی‌ ئه‌گه‌ر له‌ده‌ستی‌ نه‌ده‌ین...
گۆڕانێكی‌ تر بەڕێوەیە...
ناوچه‌ دابڕاوه‌كان له‌دوای‌ ده‌ساڵ‌ له‌ ئازادی‌؟...
سلێمانی‌ له‌نێوان ئیداره‌ی سه‌وز و زه‌رد...
ماجه‌رای‌ هه‌ڵبژاردن لای‌ یه‌كێتی‌ و پارتی،‌ نمونه‌ی‌ هه‌ڵبژاردنی‌ ئه‌نجومه‌نی‌ پارێزگاكان ...
نامه‌كه‌ی‌ نه‌وشیروان مسته‌فا ...
مۆدێلی‌ نوێی‌ حیزبایه‌تی‌......
گه‌نج و هه‌ڵبژاردن......
نوێترین هه‌واڵ...
(سبەى) خۆى نوێ دەکاتەوە ...
ئه‌مڕۆ مه‌كته‌بی‌ سیاسی‌ و سه‌ركردایه‌تی‌ و ئه‌میری‌ كۆمه‌ڵ هەڵدەبژێردرێن...
به‌رشه‌لۆنه‌ دوه‌م نازناوی ئه‌م وه‌رزه‌ی به‌ده‌ستهێنا...
داعش زیندانی تەدمور دەتەقێنێتەوە...
سەرۆكی پەرلەمانی كوردستان: دەستور دەبێت سەقامگیری بەدیبهێنێت...
لیژنەی دەستور هەفتەی چوارجار كۆدەبێتەوە...
بان كی مۆن: 25 هەزار بیانی چونەتەناو گروپە تیرۆرستییەكانەوە...
یەپەگە ئۆپەراسیۆنی دابڕینی داعش لە تورکیا و بەستنەوەی جزیرە و کۆبانی پێکەوە جێبە...
بەڤیدیۆ؛ زەمینلەرزەیەک ژاپۆن دەهەژێنێت .. مەترسی تسۆنامییەکی دیکە دەکرێت...
گۆڕێکی بە کۆمەڵی ئێزیدییەکان دەدۆزرێتەوە .. تەرمی (20) ژن و (33) منداڵ و پیری تێ...
بەڤیدیۆ؛ سیناریۆکانی دابەش بونی عێراق...
داعش هێرش دەکاتە سەر شاری حەسەکە...
عه‌بادی: جیاوازی له‌ نێوان کەوتنی رومادی و موسڵدا هه‌یه‌ ...
عەلی باپیر لە کۆنگرەی حیزبەکەیدا رەخنەی توند لە حکومەت دەگرێت...
(20) سه‌ركرده‌ی داعش لە ئەنبار کوژران...
پێشمەرگە شكست بە هێرشێكی داعش دەهێنێت...
هەرێم و بیلاروسیا پرۆتۆکۆڵێکیان واژۆ کرد...
بیرلسكۆنی: میلان نافرۆشین...
باندێکی (10) کەسى دەستگیر دەکرێن...
شاندێکى گۆڕان بۆ پشتیوانی کورد دەچێتە باکور ...
''لە ساڵێکدا بیانیه‌كانی ناو داعش بەرێژەى (70%) زیادیان کردوە''...
یەک ملیۆن نەمام لە بەردەم مەترسیی وشکبوندان...
بریمه‌ر داوا دەکات چەک بە کورد بدرێت ...
حوسیەکان پارێزگارى سەنعایان کوشت ...
ئێران دەستگیرکردنى چه‌ند تۆڕێكی‌ سه‌ر به‌ داعش رادەگەیەنێت ...