چاوەڕێ بوم سەرۆكەكانی وڵاتەكەم بێنەدەنگ

د.محه‌مه‌د ئه‌مین

زۆر چاوەڕوانی سەرۆكەكانی وڵاتەكەم بوم (سەرۆكی هەرێم و سەرۆكی عێراقی فیدراڵ و سەرۆكی حكومەتی هەرێمی كوردستان) بێنەدەنگ و هەڵوەستەكردن بە شێوەیەكی مرۆڤانە و باوكانە، بەڵام ئەوە زیاتر لە (2) هەفتە بەسەر روداوە دڵتەزێنەكەی شاری سلێمانی تێپەڕی، كە خوێنی لاوانی لەسەر جادەكان رژان، بێئەوەی یەكێك لە سەرۆكەكان هەستی هاوڵاتییبون و مرۆڤایەتی بجوڵێنێت و باس و هەڵوەستەیەك بكات! تۆ بڵێیت دڵیان بە هاوڵاتییانی وڵاتەكەیان بسوتێت! باشە ئەگەر كوڕێكی ئەوان، یان خزمێكیان خوێنی لوتی بەربوایە، هەروا بێدەنگ دەبون، یان ئەو كاتە هەڵوەستەیان دەكرد؟!، پرسیارەكە لێرەدایە، ئایا رۆڵەی ئەم وڵاتە بە هاوڵاتی خۆیان دەزانن؟ بە هەرحاڵ لەگەڵ ئەو هەڵوەستەنەكردنەی سەرۆكەكانمان بە پۆزێتڤ و نەگێتڤ، كە سەیری میدیاكانی سەر بە دەسەڵات دەكەیت سەروبنی زمانیان گێرەشێوێنییە، وەك ئەوەی هاوڵاتی ئەم وڵاتە هەموی گێرەشێوێن بن، بۆ ئەم گەنجانە هاوڵاتی ئەم وڵاتەنین؟! باشە ئەو دو حیزبەی ئێستا دەسەڵاتی سیاسیان بەدەستە لەبیریان چوەوە ئەو كاتەی ئێمە لە زانكۆ دەڕژاینە سەر شەقامەكان دژی حیزبی بەعسی داگیركەر گێرەشێوێن و موخەڕیب بوین؟! بڵێی ئەو كاتە حیزبی بەعس لەسەر هەق بوبێت، كە بە موخەڕیب و گێرەشێوێن ناویان دەبردین؟! وەك بیركردنەوەی ئێستای ئەم حیزبانە كە خۆیان بە هەق دەزانن و هاوڵاتیش بە گێرەشێوێن و تێكدەر.

ئەگەر دەسەڵاتدارانی سیاسی خۆیان بە نیشتمانپەروەر دەزانن، دەبێ ئەو راستییە بزانن، چ پاسەوان، یاخود خۆپیشاندەران هاوڵاتی ئەم وڵاتەن، دەبێ عەقڵیەتی سیاسیان بگۆڕن، پاسا و نییە بۆ خوێنڕشتنی هاوڵاتی بە هیچ شێوەیەك، خوێنڕشتنی هاوڵاتی خەتی سورە.

زۆرم بەلاوە سەیرە كە باس دێتە سەر ئەو بومەلەرزە سیاسییەی رۆژهەڵاتی ناوەڕاستی گرتوەتەوە، دژ بە گەندەڵی و نادادوەریی كۆمەڵایەتی، دەسەڵاتدارانی سیاسی ئەمڕۆی كوردستان دەڵێن؛ ئێمە لە میسر و تونس ناچین، بەڵكو ئێمە زۆر لە پێش ئەوانەوەین، نازانم لە چ ئاستێكدا لەپێش ئەوانەوەین؟ لە نەبونی سوپایەكی نیشتمانی وەك ئەوەی میسر و تونس! یان لە نەبونی موئەسەساتی مەدەنی! یان لە نەبونی حكومەتێكی نیشتمانی دور لە دەستێوەردانی حیزبایەتی! یان لە بونی حكومەتێكی خێڵەكی‌؟!

بەردەوام ترسی ئەوەمان هەیە كە دەسەڵاتی سیاسی رێڕەوی ئەم خۆپیشاندانە بگۆڕێت، لە خۆپیشاندانی هاوڵاتی دژی گەندەڵی سیاسی و نادادپه‌روەریی‌ كۆمەڵایەتی بۆ ململانێیەكی حیزبی خێلەكی بە بەرنامەیەكی داڕێژراو بۆ شێواندنی راستییەكان، كە خودی دەسەڵاتی سیاسی كوردی لێی بەرپرسە، ئەوەش بە مەبەستی تەسفیەكردنی لایەنێكی دیاریكراو.

بۆیە داوا لە هاوڵاتییان و گەنجەكان دەكەین هێمنی بپارێزن تا دەتوانن لە خۆپیشاندنەكاندا شارستانییانە هەڵسوكەوت بكەن و هیچ پاساوێك مەدەنە دەست دەسەڵاتی سیاسیی كوردی گوللـەبارانتان بكەن، هەرچەندە دەزانین خوێنی هاوڵاتی خەتی سورە، بەڵام لەوە دەچێت ئەوان ئەم راستییە نەزانن.

ئەوەی منی سەرسام كردوە، ئەم پرسیارانەیە كە پێویستیان بە وەڵامدانەوەیە:
1- ئایا هاوڵاتی لەم وڵاتە پیرۆزە؟
2- ئایا خوێنی هاوڵاتی خەتی سورە؟
3- ئایا شەقام بە گوللـە بێدەنگ دەكرێت؟
4- ئایا گرفتی دەسەڵاتی سیاسی، یان ئەولەویاتی دەسەڵاتی سیاسی لە كوردستان بازرگانی و بەرهەمهێنانە، یان بەرگریكردنە لە ژیانی هاوڵاتی، ئایا ئەوان بازرگانن، یان سیاسی؟
5- ئایا هاوسەرگیریی دەسەڵات و سامان و خزمایەتی پیرۆزترن، یان رازیكردنی هاوڵاتییان؟
6- ئایا دەسەڵاتی سیاسی جدییە لە گۆڕانكاری سیاسی و چاكسازی بنەڕەتی؟
7- ئایا تا كەی چاوەڕوانی ئەوەبین لەشكرێكی نیشتمانیمان هەبێت سەر بە حیزبەكان نەبن؟


02/03/2011 بینین: 1425
وتاره‌کانی تری نوسه‌ر
پرۆژه‌ یاسای‌ بیمه‌ی‌ ته‌ندروستی‌ (2)...
پرۆژه‌ یاسای‌ بیمه‌ی‌ ته‌ندروستی‌ له‌ هه‌رێمی‌ كوردستان ...
پارێزگاری‌ سلێمانی‌ خه‌ونێكی‌ له‌باربراو...
به‌ده‌ستی‌ پۆڵاین له‌بازرگانه‌ چاوچنۆكه‌كان ده‌ده‌ین...
پێویستمان به‌نه‌خۆشخانه‌یه‌كی‌ سه‌ربازییه‌...
خه‌ڵكینه به‌ چ زمان و پێوه‌رێك پیتان بڵێم؛ ته‌ندروستی‌ له‌مه‌ترسیدایه‌!...
كاریگه‌ری‌ تارمایی‌ عه‌قڵیه‌تی‌ فیفتی‌ به‌فیفتی‌ له‌سه‌ر كۆنگره‌ی‌ سه‌ندیكای‌ پزیشكانی‌ كوردستان...
تیرۆركردنی‌ كه‌سایه‌تی‌ نوخبه ‌و سوككردنی‌ زیره‌كییه‌ یاخود گه‌مژه‌یی‌؟!...
سه‌ندیكای‌ پزیشكانی‌ كوردستان لقی‌ سلێمانی‌ یاخود فه‌رمانگه‌ی‌ ته‌ندروستی‌ سلێمانی‌ دوه‌م...
کێ وەزارەتی تەندروستی وەربگرێت؟ -٢- ...
کێ وەزارەتی تەندروستی وەربگرێت؟ -١-...
ئه‌ركی‌ كۆنگره‌ی یه‌كه‌می‌ گۆڕانه‌ نه‌خۆشی‌ ((من))ی‌ كۆمه‌ڵگا چاره‌سه‌ر بكات؟!...
وه‌همی‌ دیموكراسی‌ و سازانی‌ بازرگانی‌...
سیاسه‌تمه‌دار و سیاسه‌تباز یاخود كۆتر و هه‌ڵۆ سیاسییه‌كان...
كێ‌ به‌رپرسه‌ له‌مردنی‌ ئه‌و گه‌نجه؟...
بۆ دانوستان، دوای دانوستان چی؟!...
متمانه‌ی‌ نه‌خۆش و گارگه‌ی‌ ده‌رمانسازی‌ مۆدێرنی‌ سلێمانی‌...
ئۆپۆزسیۆن و میدیای‌ كوردی‌ له‌به‌رده‌م......
ده‌سه‌ڵاتی‌ سیاسی‌ و ته‌ندروستی‌...
پاراستنی‌ پیشه‌ پێش ئینتمای‌ حیزبی‌...
كه‌لتوری‌ هاوسه‌رگیریی‌ ده‌سه‌ڵات ‌و سامان ‌و خزمایه‌تی‌...
مافی‌ نه‌خۆش......
نا بۆ تێكدانی‌ بۆندی‌ نێوان پیشه‌‌و خاوه‌ن پیشه‌ جیاوازه‌كان ...
ده‌سه‌ڵات‌و سامانی‌ مرۆیی‌
2-2...
ده‌سه‌ڵات‌و سامانی‌ مرۆیی‌
1-2...
پیشه‌ پیرۆزه‌كان و پیرۆزی‌ پیشه‌كان له‌ ئازاد كردن و پاراستنی‌ كه‌رامه‌ت و ژیانی‌ تاك ...
عه‌قڵانیه‌تی‌ سیاسی‌ ده‌سه‌ڵات و گه‌مه‌ی‌ دوای‌ پڕۆسه‌ی‌ هه‌ڵبژاردن...
فۆبیای‌ و په‌تای‌ گۆڕان...
له‌بری‌ راوێژكاره‌ ته‌ندروستیه‌كان ده‌دوێم...
ریفورمی‌ ته‌ندروستی‌ یان ریفۆرمی‌ سیاسی‌...
نوێترین هه‌واڵ...
(سبەى) خۆى نوێ دەکاتەوە ...
ئه‌مڕۆ مه‌كته‌بی‌ سیاسی‌ و سه‌ركردایه‌تی‌ و ئه‌میری‌ كۆمه‌ڵ هەڵدەبژێردرێن...
به‌رشه‌لۆنه‌ دوه‌م نازناوی ئه‌م وه‌رزه‌ی به‌ده‌ستهێنا...
داعش زیندانی تەدمور دەتەقێنێتەوە...
سەرۆكی پەرلەمانی كوردستان: دەستور دەبێت سەقامگیری بەدیبهێنێت...
لیژنەی دەستور هەفتەی چوارجار كۆدەبێتەوە...
بان كی مۆن: 25 هەزار بیانی چونەتەناو گروپە تیرۆرستییەكانەوە...
یەپەگە ئۆپەراسیۆنی دابڕینی داعش لە تورکیا و بەستنەوەی جزیرە و کۆبانی پێکەوە جێبە...
بەڤیدیۆ؛ زەمینلەرزەیەک ژاپۆن دەهەژێنێت .. مەترسی تسۆنامییەکی دیکە دەکرێت...
گۆڕێکی بە کۆمەڵی ئێزیدییەکان دەدۆزرێتەوە .. تەرمی (20) ژن و (33) منداڵ و پیری تێ...
بەڤیدیۆ؛ سیناریۆکانی دابەش بونی عێراق...
داعش هێرش دەکاتە سەر شاری حەسەکە...
عه‌بادی: جیاوازی له‌ نێوان کەوتنی رومادی و موسڵدا هه‌یه‌ ...
عەلی باپیر لە کۆنگرەی حیزبەکەیدا رەخنەی توند لە حکومەت دەگرێت...
(20) سه‌ركرده‌ی داعش لە ئەنبار کوژران...
پێشمەرگە شكست بە هێرشێكی داعش دەهێنێت...
هەرێم و بیلاروسیا پرۆتۆکۆڵێکیان واژۆ کرد...
بیرلسكۆنی: میلان نافرۆشین...
باندێکی (10) کەسى دەستگیر دەکرێن...
شاندێکى گۆڕان بۆ پشتیوانی کورد دەچێتە باکور ...
''لە ساڵێکدا بیانیه‌كانی ناو داعش بەرێژەى (70%) زیادیان کردوە''...
یەک ملیۆن نەمام لە بەردەم مەترسیی وشکبوندان...
بریمه‌ر داوا دەکات چەک بە کورد بدرێت ...
حوسیەکان پارێزگارى سەنعایان کوشت ...
ئێران دەستگیرکردنى چه‌ند تۆڕێكی‌ سه‌ر به‌ داعش رادەگەیەنێت ...