سه‌ندیكای‌ پزیشكانی‌ كوردستان لقی‌ سلێمانی‌ یاخود فه‌رمانگه‌ی‌ ته‌ندروستی‌ سلێمانی‌ دوه‌م

د.محه‌مه‌د ئه‌مین


 له‌لای‌ من سه‌ندیكای‌ پزیشكان رێكخراوێكی‌ پیشه‌ییه‌ نه‌ك حیزبێكی‌ سیاسی‌ یا ده‌وڵه‌ت، گردبونه‌وه‌یه‌كی‌ پیشه‌ییه‌ نه‌ك ئایدۆلۆجی‌ و فیكری‌.

كاری‌ سه‌ندیكا به‌رگریكردنه‌ له‌ماف و ئازادی‌ و دادپه‌روه‌ری‌ بۆ پزیشكان، بریتیه‌ له‌داڕشتنی‌ سیاسه‌تێك كه‌ ماف و ئازادی‌ پزیشكان بخاته‌ پێش مافی‌ حیزب و ده‌وڵه‌ت .

سه‌ندیكا موڵكی‌ هیج لایه‌نێكی‌ سیاسی‌ نییه‌ بێجگه‌له‌خودی‌ پزیشكان، هه‌ر له‌م روانگه‌یه‌وه‌ وه‌ك لیژنه‌ی‌ ئاماده‌كاری‌ كۆنگره‌ به‌زۆرینه‌ی‌ ده‌نگ بڕیارماندا هه‌ڵبژاردنی‌ ئه‌مجاره‌مان به‌شێوازی‌ تاكه‌كه‌س بێت بۆ وه‌لانانی‌  ده‌ستی‌ حیزب و باڵ وتاقمه‌كانی‌ له‌كاروباری‌ پزیشكان و پیشه‌ی‌ پزیشكی.

ئێمه‌ی پزیشك دژی‌ هیچ حیزب و ئایدۆلۆجیایه‌ك نین، دژی‌ هیچ تاكێكی‌ كۆمه‌ڵگانین هه‌ڵگری‌ ئایدۆلۆجیایه‌كی‌ تاییبه‌ت بێت یاخود ئه‌ندامی‌ پارتێكی‌ سیاسی‌ بێت، زۆر ئاساییه‌ پزیشكێك سه‌ر به‌حیزبێكی‌ دیاریكراوبێت به‌مه‌رجێك كۆیله‌ی‌ حیزب وتاقمه‌ ده‌ستڕۆیشتوه‌كه‌ی‌ نه‌بێت و كاره‌ حیزبیه‌كه‌ی‌ تێكه‌ڵ به‌كاره‌ رێكخراوه‌ییه‌كه‌ی‌ نه‌كات و پزیشكان و پیشه‌ پزیشكییه‌كه‌ سوك و ریسوانه‌كات.

سه‌ره‌ڕای‌ ئه‌و بڕیاره‌ بوێره‌ی‌ لیژنه‌ی‌ ئاماده‌كاری‌ كۆنگره‌ كه ‌ویست و خواستی‌ زۆربه‌ی‌ هه‌ره‌ زۆری‌ پزیشكانه‌ (هه‌ڵبژاردنی‌ پزیشكان به‌شێوازی‌ تاكه‌كه‌س) به‌ڵام كه‌مایه‌تیه‌كی‌ زۆركه‌م كه‌ له‌چه‌ند په‌نجه‌ی ده‌ستێك زیاتر نابن به‌زۆر ئه‌یانه‌وێت بمانخه‌نه‌وه‌ باوه‌شی‌ حیزب و حیزبایه‌تیكردن دور له‌به‌ها ئه‌خلاقی‌ و مرۆڤایه‌تیه‌كه‌ی‌ ئه‌یانه‌وێ‌ به‌هه‌چ شێوه‌یه‌ك بێت هه‌ڵبژاردن و ئاماده‌كاری‌ بۆ كۆنگره‌ی‌ داهاتو دوابخه‌ن .

به‌ڕاستی‌ زۆر سه‌رسام بوم به‌بینینی‌ ناوی‌ چه‌ند به‌رپرسێكی‌ دامه‌زراوه‌كانی‌ وه‌زاره‌تی‌ ته‌ندروستی‌ زۆنی‌ سه‌وز له‌لیستی‌ پزیشكه‌ كاندیدكراوه‌كانی‌ هه‌ڵبژاردنی‌ سه‌ندیكای‌ پزیشكان لقی‌ سلێمانی‌، بۆ چه‌ند ساتێك واهه‌ستمكرد ئه‌شێ‌ من هه‌ڵه‌بم ئه‌مه ‌لیستی‌ ئه‌و پزیشكانه‌ نه‌بێت كه ‌خۆیان كاندیدكردوه‌ بۆ سه‌ندیكای‌ پزیشكانی‌ داهاتو به‌ڵكو لیستی‌ به‌رپرسه‌ ته‌ندروستیه‌كانی‌ وه‌زاره‌تی‌ ته‌ندروستی زۆنی‌ سه‌وزه‌ .

ئه‌گه‌ر هه‌ڵه‌نه‌بم ئه‌م بیروبۆچون و هه‌ڵسوكه‌وته‌ی‌ یه‌كێتی‌ نیشتمانی‌ كوردستان بۆ هه‌ڵبژاردنی‌ سه‌ندیكای‌ پزیشكان و تێكه‌ڵكردنی‌ زۆر له‌ڕاستیه‌كان خۆی‌ له‌سێ‌ راستی‌ حاشاهه‌ڵنه‌گر زیاتر نابینێته‌وه‌ .

یه‌كه‌م راستی‌: یه‌كێتی‌ نیشتمانی‌ كوردستان متمانه‌ی‌ به‌پزیشكان نه‌ماوه‌  هه‌روه‌ك زۆربه‌ی‌ هه‌ره‌زۆری‌ پزیشكان متمانه‌یان به‌یه‌كێتی‌ و به‌رپرسه‌كانی‌ نه‌ماوه‌ له‌ده‌رئه‌نجامی‌ خراپ به‌ڕێوه‌بردنی‌ كه‌رتی‌ ته‌ندروستی‌ و ناعه‌داله‌تی‌ وتاقم تاقمێنه‌، نه‌ك حیزب حیزبێنه‌ش، تا ئه‌و ئاسته‌ی‌ زۆرێك له‌یه‌كێتیه‌ خاوه‌ن بڕواكان كه ‌تائێستاش له‌ناو یه‌كێتیدا ماون هیچ بڕوایه‌كیان به‌ریفۆرم و گۆڕانكاری‌ نه‌ماوه‌ و هه‌رناچن بۆ پرۆسه‌ی‌ ده‌نگدان.

دوه‌م راستی‌: یه‌كێتی‌ نیشتیمانی‌ كوردستان سه‌نته‌ری‌ یاخود مه‌ركه‌زیه‌تی‌ بڕیاری‌ نه‌ماوه‌! هه‌رباڵه‌و به‌جۆرێك بیرده‌كاته‌وه‌و بڕیارده‌ده‌ات، له‌هه‌ولێر به‌هیچ شێوه‌یه‌ك له‌گه‌ڵ هه‌ڵبژاردن نین، به‌پێچه‌وانه‌وه‌ له‌سلێمانی‌ تائێستا به‌سه‌رزاره‌كی‌ له‌گه‌ڵیدان و بێئاگایی‌ خۆیان ده‌رده‌بڕن سه‌باره‌ت به‌نه‌كردنی‌ هه‌ڵبژاردنه‌كه‌ له‌لایه‌ن حیزبه‌كه‌یانه‌وه‌، به‌رپرسێكی‌ باڵای‌ ته‌ندروستی‌ یه‌كێتی‌ نیشتمانی‌ كوردستان له‌په‌یوه‌ندیه‌كی‌ ته‌له‌فونیدا پێی‌ وتم ئه‌رێ‌ راسته‌ ئه‌ڵێن پارتی‌ هه‌ڵبژاردن دوائه‌خات؟ منیش له‌وه‌ڵامدا پێمڕاگه‌یاند ئه‌مه‌ دوره‌ له‌ڕاستیه‌وه‌، به‌ڵكو براده‌ره‌كانی‌ خۆتانن نایانه‌وێت هه‌ڵبژاردن بكرێت، زۆر به‌سه‌رسوڕمانه‌وه‌ بێئاگایی‌ خۆی‌ پیشاندا (ئه‌گه‌ر ئه‌مه‌ گه‌مه‌یه‌كی‌ سیاسی‌ نێوه‌ندی‌ خۆیان نه‌بێت! هه‌رچه‌نده‌ من ئه‌مه‌ به‌دور ده‌زانم، چونكه‌ كێشه‌ ناوخۆییه‌كانی‌ باڵه‌كان گه‌یشتۆته‌ ئه‌وپه‌ڕی).

سێهه‌م راستی‌: یه‌كێتی‌ نیشتمانی‌ كوردستان له‌ڕێگای‌ به‌كۆپیكردنی‌ به‌رپرسه‌كانی‌ كه‌رتی‌ ته‌ندروستی‌ بۆ سه‌ندیكای‌ داهاتو ئه‌یه‌وێ‌ پزیشكان به‌زۆر هانبدات ده‌نگ بده‌ن به‌كاندیده‌ حیزبیه‌كانی و سه‌ندیكاش به‌حیزبی‌ بكه‌ن به‌زه‌بری‌ ئه‌وده‌سه‌ڵاته‌ی‌ ئێستا هه‌یانه‌ له‌ده‌زگا ته‌ندروستیه‌كان .

به‌هه‌رحاڵ بارودۆخی‌ پزیشكان زۆر به ‌ته‌ندروستر ده‌بینم وه‌ك له‌وه‌ی‌ هه‌ندێك حیزب و پارتی‌ سیاسی‌ ده‌یبینێت و ئه‌یانه‌وێ‌ له‌ڕێگای‌ چه‌ند پزیشكێكه‌وه‌ جارێكی‌ تر بمانكه‌مه‌وه‌ به‌پاشكۆی‌ حیزب و پارته‌سیاسیه‌كان، گۆڕانكارییه‌كی‌ ئه‌وتۆ له‌ئارادایه‌ كه ‌ئه‌سته‌مه‌ سه‌ندیكاكه‌مان به‌حیزبی بكرێت .

بۆیه‌ داوا له‌پزیشكان ده‌كه‌م وه‌ك پزیشك و پیشه‌ پزیشكیه‌كه‌ بیربكه‌نه‌وه‌، دور له‌هه‌ر ئینتمایه‌كه‌ی‌ حیزبی‌ ده‌نگ بده‌ن به‌و كاندیده‌ی‌ به‌رگریتان لێده‌كات و خواست و ئازادی‌ و دادپه‌روه‌ری‌ و مافه‌كانتان ئه‌هێنێته‌دی‌  .


31/03/2014 بینین: 2238
وتاره‌کانی تری نوسه‌ر
پرۆژه‌ یاسای‌ بیمه‌ی‌ ته‌ندروستی‌ (2)...
پرۆژه‌ یاسای‌ بیمه‌ی‌ ته‌ندروستی‌ له‌ هه‌رێمی‌ كوردستان ...
پارێزگاری‌ سلێمانی‌ خه‌ونێكی‌ له‌باربراو...
به‌ده‌ستی‌ پۆڵاین له‌بازرگانه‌ چاوچنۆكه‌كان ده‌ده‌ین...
پێویستمان به‌نه‌خۆشخانه‌یه‌كی‌ سه‌ربازییه‌...
خه‌ڵكینه به‌ چ زمان و پێوه‌رێك پیتان بڵێم؛ ته‌ندروستی‌ له‌مه‌ترسیدایه‌!...
كاریگه‌ری‌ تارمایی‌ عه‌قڵیه‌تی‌ فیفتی‌ به‌فیفتی‌ له‌سه‌ر كۆنگره‌ی‌ سه‌ندیكای‌ پزیشكانی‌ كوردستان...
تیرۆركردنی‌ كه‌سایه‌تی‌ نوخبه ‌و سوككردنی‌ زیره‌كییه‌ یاخود گه‌مژه‌یی‌؟!...
کێ وەزارەتی تەندروستی وەربگرێت؟ -٢- ...
کێ وەزارەتی تەندروستی وەربگرێت؟ -١-...
ئه‌ركی‌ كۆنگره‌ی یه‌كه‌می‌ گۆڕانه‌ نه‌خۆشی‌ ((من))ی‌ كۆمه‌ڵگا چاره‌سه‌ر بكات؟!...
وه‌همی‌ دیموكراسی‌ و سازانی‌ بازرگانی‌...
سیاسه‌تمه‌دار و سیاسه‌تباز یاخود كۆتر و هه‌ڵۆ سیاسییه‌كان...
كێ‌ به‌رپرسه‌ له‌مردنی‌ ئه‌و گه‌نجه؟...
بۆ دانوستان، دوای دانوستان چی؟!...
متمانه‌ی‌ نه‌خۆش و گارگه‌ی‌ ده‌رمانسازی‌ مۆدێرنی‌ سلێمانی‌...
ئۆپۆزسیۆن و میدیای‌ كوردی‌ له‌به‌رده‌م......
ده‌سه‌ڵاتی‌ سیاسی‌ و ته‌ندروستی‌...
چاوەڕێ بوم سەرۆكەكانی وڵاتەكەم بێنەدەنگ ...
پاراستنی‌ پیشه‌ پێش ئینتمای‌ حیزبی‌...
كه‌لتوری‌ هاوسه‌رگیریی‌ ده‌سه‌ڵات ‌و سامان ‌و خزمایه‌تی‌...
مافی‌ نه‌خۆش......
نا بۆ تێكدانی‌ بۆندی‌ نێوان پیشه‌‌و خاوه‌ن پیشه‌ جیاوازه‌كان ...
ده‌سه‌ڵات‌و سامانی‌ مرۆیی‌
2-2...
ده‌سه‌ڵات‌و سامانی‌ مرۆیی‌
1-2...
پیشه‌ پیرۆزه‌كان و پیرۆزی‌ پیشه‌كان له‌ ئازاد كردن و پاراستنی‌ كه‌رامه‌ت و ژیانی‌ تاك ...
عه‌قڵانیه‌تی‌ سیاسی‌ ده‌سه‌ڵات و گه‌مه‌ی‌ دوای‌ پڕۆسه‌ی‌ هه‌ڵبژاردن...
فۆبیای‌ و په‌تای‌ گۆڕان...
له‌بری‌ راوێژكاره‌ ته‌ندروستیه‌كان ده‌دوێم...
ریفورمی‌ ته‌ندروستی‌ یان ریفۆرمی‌ سیاسی‌...
نوێترین هه‌واڵ...
(سبەى) خۆى نوێ دەکاتەوە ...
ئه‌مڕۆ مه‌كته‌بی‌ سیاسی‌ و سه‌ركردایه‌تی‌ و ئه‌میری‌ كۆمه‌ڵ هەڵدەبژێردرێن...
به‌رشه‌لۆنه‌ دوه‌م نازناوی ئه‌م وه‌رزه‌ی به‌ده‌ستهێنا...
داعش زیندانی تەدمور دەتەقێنێتەوە...
سەرۆكی پەرلەمانی كوردستان: دەستور دەبێت سەقامگیری بەدیبهێنێت...
لیژنەی دەستور هەفتەی چوارجار كۆدەبێتەوە...
بان كی مۆن: 25 هەزار بیانی چونەتەناو گروپە تیرۆرستییەكانەوە...
یەپەگە ئۆپەراسیۆنی دابڕینی داعش لە تورکیا و بەستنەوەی جزیرە و کۆبانی پێکەوە جێبە...
بەڤیدیۆ؛ زەمینلەرزەیەک ژاپۆن دەهەژێنێت .. مەترسی تسۆنامییەکی دیکە دەکرێت...
گۆڕێکی بە کۆمەڵی ئێزیدییەکان دەدۆزرێتەوە .. تەرمی (20) ژن و (33) منداڵ و پیری تێ...
بەڤیدیۆ؛ سیناریۆکانی دابەش بونی عێراق...
داعش هێرش دەکاتە سەر شاری حەسەکە...
عه‌بادی: جیاوازی له‌ نێوان کەوتنی رومادی و موسڵدا هه‌یه‌ ...
عەلی باپیر لە کۆنگرەی حیزبەکەیدا رەخنەی توند لە حکومەت دەگرێت...
(20) سه‌ركرده‌ی داعش لە ئەنبار کوژران...
پێشمەرگە شكست بە هێرشێكی داعش دەهێنێت...
هەرێم و بیلاروسیا پرۆتۆکۆڵێکیان واژۆ کرد...
بیرلسكۆنی: میلان نافرۆشین...
باندێکی (10) کەسى دەستگیر دەکرێن...
شاندێکى گۆڕان بۆ پشتیوانی کورد دەچێتە باکور ...
''لە ساڵێکدا بیانیه‌كانی ناو داعش بەرێژەى (70%) زیادیان کردوە''...
یەک ملیۆن نەمام لە بەردەم مەترسیی وشکبوندان...
بریمه‌ر داوا دەکات چەک بە کورد بدرێت ...
حوسیەکان پارێزگارى سەنعایان کوشت ...
ئێران دەستگیرکردنى چه‌ند تۆڕێكی‌ سه‌ر به‌ داعش رادەگەیەنێت ...