ئه‌ركی‌ كۆنگره‌ی یه‌كه‌می‌ گۆڕانه‌ نه‌خۆشی‌ ((من))ی‌ كۆمه‌ڵگا چاره‌سه‌ر بكات؟!

د.محه‌مه‌د ئه‌مین


هه‌ڵبه‌ته‌ بزوتنه‌ی‌ گۆڕان پێشه‌نگ بوه‌ له ‌گۆڕینی‌ شێواز و نه‌ریتی‌ حیزبی‌ ته‌قلیدی‌ له‌ كوردستان و ناوچه‌كه‌، ئه‌كرێت بڵێین فۆرمێكی‌ تازه‌ی‌ هێناوه‌ته‌ئاراوه‌ به‌م پێیه‌ش كۆنگره‌ی‌ بزوتنه‌وه‌ی‌ گۆڕان له‌ كۆنگره‌ی‌ حیزبه‌ ته‌قلیدیه‌كانی‌ ترناچێت، پێكهاته‌ی‌ گۆڕان پێكهاته‌یه‌كی‌ زۆر جیاوازه‌ له‌گشت هێزو لایه‌ن و حیزبه‌كانی‌ تر، هه‌ربۆیه‌ چاوه‌ڕاون ده‌كرێت كۆنگره‌كه‌شی‌ له‌وانیدی‌ جیاوازتربێت.

له‌ كۆنگره‌ هه‌ڵبژاردن بۆ پۆسته‌كان ناكرێت وه‌ك له‌وه‌ی‌ باس له‌دانانی‌ به‌رنامه‌ی‌ كاری‌ بزوتنه‌وه‌كه ‌و پێداچونه‌وه‌ی‌ رێنماییه‌ بنه‌ڕتیه‌كان، دانان و پێداچونه‌وه‌ی‌ دروشم و سیاسه‌ت و پرسه‌ گشتیه‌كانی‌ وڵات و كۆمه‌ڵگه‌ی‌ كوردی‌، هه‌ڵسه‌نگاندنی‌ ئه‌دای‌ نوێنه‌ره‌كانی‌ له ‌ده‌زگا هه‌ڵبژێردراوه‌كانی‌ له ‌كوردستان و عێراق  و چڤاتی‌ نیشتمانی‌ و گشتی‌.

دڵنیام ژوره‌كانی‌ بزوتنه‌وه‌ی‌ گۆڕان توێژینه‌وه‌ی‌ سیاسی‌، ئابوری‌، یاسایی‌، دارایی‌، كارگێڕی‌ و رۆژنامه‌وانی‌... ده‌رباره‌ی‌ بارودۆخی‌ هه‌رێمی‌ كوردستان و ناوچه‌كه‌ و خودی‌ بزوتنه‌وه‌ی‌ گۆڕانیش، رای‌ زۆرێك له‌ شاره‌زایان و پسپۆڕانی‌ بواره‌ جیاوازه‌كانیان وه‌رگرتوه‌ له‌ناوه‌وه‌ و ده‌ره‌وه‌ی‌ هه‌رێم به‌ڕه‌وه‌ندی‌ كوردیشه‌وه‌.

هه‌ڵبه‌ته‌ له‌ ده‌رئه‌نجامی‌ گۆنگره‌دا ئه‌م توێژینه‌وانه‌ گۆڕانكاریان به‌سه‌ردادێت به‌ویست خواستی‌ ئه‌ندامانی‌ كۆنگره‌ وه‌ك له ‌كۆنفرانسه‌ محه‌للیه‌كانی‌ گۆڕاندا به‌دیمانكرد، ‌له‌به‌رئه‌وه‌ی‌ ئه‌ندامان و لایه‌نگرانی‌ گۆڕان په‌روه‌رده‌ی‌ ئه‌م كۆمه‌ڵگایه‌ن به‌باش و خراپییه‌وه‌، ده‌رچه‌ی‌ سیستمێكی‌ سیاسی‌ و كۆمه‌ڵایه‌تی‌ سه‌قه‌تن كه‌ به‌درێژایی‌ مێژو دوژمنانی‌ كورد و له‌م دواییه‌ش هه‌ردو حیزبی‌ ده‌سه‌ڵات به ‌یه‌كێتی‌ پارتیه‌وه‌ ده‌وریان هه‌بوه‌ له ‌داڕمانی‌ به‌ها مرۆڤایه‌تیه‌كان و به‌رهه‌مهێنانی‌ تاكێكی‌ تێكشكاوی‌ بێبه‌رهه‌می‌ ته‌مه‌ڵ و ملكه‌چ و گوێڕایەڵی بێئیراده‌ له ‌ئه‌نجامدا تاكێكی‌ نه‌خۆشیان به‌نه‌خۆشی‌ ((من)) به‌رهه‌مهێناوه‌، ئێمه‌ خۆشمان به‌ده‌رنین له‌و تاكانه‌ به‌رده‌وام له‌هه‌وڵدایین بۆ چاره‌سه‌ركردنی‌، سه‌ره‌ڕای‌ ئه‌م ئه‌زمونه تازه‌یه‌ی‌ بزوتنه‌وه‌ی‌ گۆڕان له‌كاری‌ سیلسی‌ و كۆمه‌ڵایه‌تی،‌ به‌ڵام كه‌م تازۆر پاشماوه‌ی‌ عه‌قڵیه‌تی ‌((من)) له‌ناخماندا ماوه‌.

له‌نه‌بونی‌ ده‌ستورێكی‌ مۆدێرن كه‌ ئه‌رك و مافی‌ هاوڵاتی‌ دیاری‌ بكات، له‌نه‌بونی‌ سیستمێكی‌ سیاسی‌ كه‌ هه‌رسێ‌ ده‌سه‌ڵاته‌كه‌ جیابكاته‌وه‌ و دادی‌ كۆمه‌ڵایه‌تی‌ به‌رهه‌م بهێنێت بۆ گشت تاكه‌كانی‌ كۆمه‌ڵگا و نه‌خۆشی‌ ((من))ی‌ كۆمه‌ڵگا چاره‌سه‌ر بكات، ئه‌م پرسیاره‌ ئاڕاسته‌ی‌ ئه‌ندامانی‌ كۆنگره‌ ده‌كه‌م  ((ئه‌ركی‌ كۆنگره‌ی یه‌كه‌می‌ گۆڕانه‌ نه‌خۆشی‌ ((من))ی‌ كۆمه‌ڵگا چاره‌سه‌ربكات؟)).

بۆئه‌وه‌ی‌ به‌شێوه‌یه‌كی‌ رونتر بابه‌ته‌كه‌م بخه‌مه‌ڕو، رایه‌ڵه‌ی‌ كۆمه‌ڵگای‌ كوردی‌ له‌ بارودۆخێكی‌ ترسناكدایه‌، هیچ ئایدۆلوجیا و چین وتوێژێك به‌ته‌نیا ناتوانێت كۆمه‌ڵگای‌ مرۆڤایه‌تی‌ ببات به‌ڕێوه‌، ئه‌م كاره‌ كارێكی‌ ده‌سته‌جه‌معیه‌وه‌ پێویستی‌ به‌هه‌مومانه‌ بێجیاوازی‌، به‌ڵام ئه‌وه‌ی‌ له‌ كۆمه‌ڵگای‌ كوردی‌ ده‌گوزه‌رێت زۆر جیاوازه‌، له‌هیچ شوێنێكی‌ ئه‌م سه‌رزه‌مینه‌ وه‌ك لای‌ ئێمه‌ قوڵنه‌بۆته‌وه‌، هه‌ركه‌س خۆی‌ یان خۆی‌ و ده‌سته‌كه‌ی‌  ده‌بینێت ئه‌ڵێ‌ ((من)) یان ((ئێمه‌)) سه‌ره‌ڕای‌ ئه‌وه‌ش ئه‌وانیدی‌ پشتگوێده‌خات، وه‌ك ئه‌وه‌ی‌ ئه‌وانیدی‌ نه‌بن، بۆیه‌ داوا له‌ ئه‌ندامانی‌ كۆنگره‌ ئه‌كه‌م به‌شێوازی‌ ((من)) ((ئێمه‌ی‌...)) گفتوگۆ و باسه‌كانیان نه‌خه‌نه‌ڕو، باس له‌وه‌ نه‌كه‌ن ئێمه‌ی‌ پزیشكان، ئێمه‌ی‌ ئه‌ندازیاران، ئێمه‌ی‌ فه‌رمانبه‌ر، ئێمه‌ی‌ فڵان رایه‌ڵه‌، ئێمه‌ی‌ زیندانی‌ سیاسی‌، ئێمه‌ی‌ كه‌مئه‌ندامان، ئێمه‌ی‌ شه‌هیدان و ئه‌نفال...هتد ((ئێمه‌ی‌...))  هیچمان بۆ نه‌كراوه‌، ئه‌و راستیه‌ بزانن كه‌س هیچی‌ بۆنه‌كراوه‌، هه‌مومان قوربانی‌ سیستمێكی‌ سیاسی‌ كۆمه‌ڵایه‌تی‌ سه‌قه‌تین، چه‌ند پێویستمان به‌كه‌سایه‌تی‌ سیاسیه‌ ده‌ ئه‌وه‌نده‌ پێویستمان به‌كه‌سایه‌تی‌ پسپۆری‌ كۆمه‌ڵایه‌تیه‌، ئه‌بێ‌ له‌مه‌ودوا هه‌وڵ بده‌ین هه‌مومان وه‌ك تاك، تاكێكی‌ بێناو، بێپیشه‌، بێ باوك و دایك، بێ بنه‌ماڵه‌ و خێڵ، به‌ده‌ر له‌هه‌چ دین و تایه‌فه ‌و بیروبۆچونێكی‌ جیاواز ئه‌رك و مافه‌كانمان بۆ دیاری‌ بكرێت، ئه‌بێ‌ هه‌ریه‌ك له‌ئێمه‌ داوای‌ مافی‌ ئه‌وانیدی‌ بكات له‌ شه‌هیدان و ئه‌نفال و كه‌مئه‌ندام و بێكار و هه‌مو پیشه‌كانی‌ تر، تكاموایه‌ هه‌موان به‌م روحیه‌ته ‌كاربكه‌ن، ئه‌مه‌ش به‌بێ‌ پاراستی‌ ئاسایشی‌ كۆمه‌ڵایه‌تی‌ نایه‌ته‌دی‌ ((social security))  كه ‌له‌ناو خه‌ڵكی‌ ئاسایی‌ به ‌سۆشیاڵ ناسراوه‌ و ئامانجی‌ بزوتنه‌وه‌كه‌مانه‌.

به‌هیواین ده‌رئه‌نجامی‌ كۆنگره‌كه‌ له ‌په‌سه‌نكردنی‌ دواداڕشتنه‌وه‌ی‌ به‌رنامه‌ و رێنماییه‌كان و راسپارده‌كانی‌ كۆنگره‌ گۆڕانكاری‌ گرنك له‌نه‌ریت و شێوازی‌ سیاسه‌تكردن له ‌ناوچه‌كه ‌و كوردستان بخولقێنێت، ببێت به‌ ئامرازێك بۆ به‌رهه‌مهێنانی‌ تاكێكی‌ به‌رهه‌مهێنه‌ری‌ سه‌ربه‌خۆ و ئازا، خاوه‌ن دیدێكی‌ جیاواز و سه‌ربه‌خۆ له‌گشت پرسه‌كان.

راستیه‌ك هه‌یه‌ پێویسته‌ كه‌سمان له‌بیری‌ نه‌كه‌ین، نه‌ ئێمه‌ وه‌ك بزوتنه‌وه‌ی‌ گۆڕان، نه‌هیچ تاقم ولایه‌ن حیزبێكی‌ تر به‌دیلی‌ حكومه‌ت نین به‌هه‌رسێ‌ ده‌سه‌ڵاته‌كه‌وه‌، بۆیه‌ پێمان باشه‌ له‌ڕێی‌ ئه‌ندام په‌رله‌مانه‌كانه‌وه‌ ده‌رچه‌ی‌ كۆنگره‌كه ‌بكرێت به‌پرۆژه‌ بۆ هاوڵاتی‌ و حكومه‌تی‌ هه‌رێمی‌ كوردستان.

23/12/2013 بینین: 2361
وتاره‌کانی تری نوسه‌ر
پرۆژه‌ یاسای‌ بیمه‌ی‌ ته‌ندروستی‌ (2)...
پرۆژه‌ یاسای‌ بیمه‌ی‌ ته‌ندروستی‌ له‌ هه‌رێمی‌ كوردستان ...
پارێزگاری‌ سلێمانی‌ خه‌ونێكی‌ له‌باربراو...
به‌ده‌ستی‌ پۆڵاین له‌بازرگانه‌ چاوچنۆكه‌كان ده‌ده‌ین...
پێویستمان به‌نه‌خۆشخانه‌یه‌كی‌ سه‌ربازییه‌...
خه‌ڵكینه به‌ چ زمان و پێوه‌رێك پیتان بڵێم؛ ته‌ندروستی‌ له‌مه‌ترسیدایه‌!...
كاریگه‌ری‌ تارمایی‌ عه‌قڵیه‌تی‌ فیفتی‌ به‌فیفتی‌ له‌سه‌ر كۆنگره‌ی‌ سه‌ندیكای‌ پزیشكانی‌ كوردستان...
تیرۆركردنی‌ كه‌سایه‌تی‌ نوخبه ‌و سوككردنی‌ زیره‌كییه‌ یاخود گه‌مژه‌یی‌؟!...
سه‌ندیكای‌ پزیشكانی‌ كوردستان لقی‌ سلێمانی‌ یاخود فه‌رمانگه‌ی‌ ته‌ندروستی‌ سلێمانی‌ دوه‌م...
کێ وەزارەتی تەندروستی وەربگرێت؟ -٢- ...
کێ وەزارەتی تەندروستی وەربگرێت؟ -١-...
وه‌همی‌ دیموكراسی‌ و سازانی‌ بازرگانی‌...
سیاسه‌تمه‌دار و سیاسه‌تباز یاخود كۆتر و هه‌ڵۆ سیاسییه‌كان...
كێ‌ به‌رپرسه‌ له‌مردنی‌ ئه‌و گه‌نجه؟...
بۆ دانوستان، دوای دانوستان چی؟!...
متمانه‌ی‌ نه‌خۆش و گارگه‌ی‌ ده‌رمانسازی‌ مۆدێرنی‌ سلێمانی‌...
ئۆپۆزسیۆن و میدیای‌ كوردی‌ له‌به‌رده‌م......
ده‌سه‌ڵاتی‌ سیاسی‌ و ته‌ندروستی‌...
چاوەڕێ بوم سەرۆكەكانی وڵاتەكەم بێنەدەنگ ...
پاراستنی‌ پیشه‌ پێش ئینتمای‌ حیزبی‌...
كه‌لتوری‌ هاوسه‌رگیریی‌ ده‌سه‌ڵات ‌و سامان ‌و خزمایه‌تی‌...
مافی‌ نه‌خۆش......
نا بۆ تێكدانی‌ بۆندی‌ نێوان پیشه‌‌و خاوه‌ن پیشه‌ جیاوازه‌كان ...
ده‌سه‌ڵات‌و سامانی‌ مرۆیی‌
2-2...
ده‌سه‌ڵات‌و سامانی‌ مرۆیی‌
1-2...
پیشه‌ پیرۆزه‌كان و پیرۆزی‌ پیشه‌كان له‌ ئازاد كردن و پاراستنی‌ كه‌رامه‌ت و ژیانی‌ تاك ...
عه‌قڵانیه‌تی‌ سیاسی‌ ده‌سه‌ڵات و گه‌مه‌ی‌ دوای‌ پڕۆسه‌ی‌ هه‌ڵبژاردن...
فۆبیای‌ و په‌تای‌ گۆڕان...
له‌بری‌ راوێژكاره‌ ته‌ندروستیه‌كان ده‌دوێم...
ریفورمی‌ ته‌ندروستی‌ یان ریفۆرمی‌ سیاسی‌...
نوێترین هه‌واڵ...
(سبەى) خۆى نوێ دەکاتەوە ...
ئه‌مڕۆ مه‌كته‌بی‌ سیاسی‌ و سه‌ركردایه‌تی‌ و ئه‌میری‌ كۆمه‌ڵ هەڵدەبژێردرێن...
به‌رشه‌لۆنه‌ دوه‌م نازناوی ئه‌م وه‌رزه‌ی به‌ده‌ستهێنا...
داعش زیندانی تەدمور دەتەقێنێتەوە...
سەرۆكی پەرلەمانی كوردستان: دەستور دەبێت سەقامگیری بەدیبهێنێت...
لیژنەی دەستور هەفتەی چوارجار كۆدەبێتەوە...
بان كی مۆن: 25 هەزار بیانی چونەتەناو گروپە تیرۆرستییەكانەوە...
یەپەگە ئۆپەراسیۆنی دابڕینی داعش لە تورکیا و بەستنەوەی جزیرە و کۆبانی پێکەوە جێبە...
بەڤیدیۆ؛ زەمینلەرزەیەک ژاپۆن دەهەژێنێت .. مەترسی تسۆنامییەکی دیکە دەکرێت...
گۆڕێکی بە کۆمەڵی ئێزیدییەکان دەدۆزرێتەوە .. تەرمی (20) ژن و (33) منداڵ و پیری تێ...
بەڤیدیۆ؛ سیناریۆکانی دابەش بونی عێراق...
داعش هێرش دەکاتە سەر شاری حەسەکە...
عه‌بادی: جیاوازی له‌ نێوان کەوتنی رومادی و موسڵدا هه‌یه‌ ...
عەلی باپیر لە کۆنگرەی حیزبەکەیدا رەخنەی توند لە حکومەت دەگرێت...
(20) سه‌ركرده‌ی داعش لە ئەنبار کوژران...
پێشمەرگە شكست بە هێرشێكی داعش دەهێنێت...
هەرێم و بیلاروسیا پرۆتۆکۆڵێکیان واژۆ کرد...
بیرلسكۆنی: میلان نافرۆشین...
باندێکی (10) کەسى دەستگیر دەکرێن...
شاندێکى گۆڕان بۆ پشتیوانی کورد دەچێتە باکور ...
''لە ساڵێکدا بیانیه‌كانی ناو داعش بەرێژەى (70%) زیادیان کردوە''...
یەک ملیۆن نەمام لە بەردەم مەترسیی وشکبوندان...
بریمه‌ر داوا دەکات چەک بە کورد بدرێت ...
حوسیەکان پارێزگارى سەنعایان کوشت ...
ئێران دەستگیرکردنى چه‌ند تۆڕێكی‌ سه‌ر به‌ داعش رادەگەیەنێت ...