کۆبانێ لەبازاڕی سیاسیدا

ئامانج هەرتەلی


کۆبانێ بۆتە کاڵایەک لەبازاڕی مامەڵەی سیاسیدا، ئەوانەی رۆژێک باسی مافی مرۆڤیان دەکردو خۆیان بەخاوەنی ئازادی و داکۆکیکاری سەرسەختی مرۆڤ دەزانی، ئەمڕۆ لەبەردەم کۆمەڵکوژی کۆبانێ قڕوقەپ دانیشتون لەبەرامبەر بەکاڵاکردنی مرۆڤی کۆبانێ و هەراجکردنی لە بازاڕی بێ ویژدانی جیهاندا بێدەنگن.

کۆبانێ ئەمڕۆ بۆتە کاڵایەک، بۆ بەدەستهێنانی بەرژەوەندیەکانی وڵاتانی زلهێزی جیهان، ساغ کردنەوەی کاڵاکانی خۆیان لەدنیای عەرەبی و ناوچەکەدا، چونکە بێدەنگی وڵاتان لەبەرامبەر ئەو رێکخراوە تیرۆرستیە و هاوکاری کردنی چەند وڵاتێک بەم رێکخراوە چەپەڵە، ئامانجی ئەو وڵاتانە دەردەخات لەبەرامبەر بەرژەوەندیەکانیان بۆ پاراستنی بەرژەوەندیەکانیان لەناوچەکەدا.

دوای گەمارۆدانی زۆر لەلایەن تیرۆرستانی داعش و بەرگری راستەقینەی شەڕڤانان، جیهان چاوەڕێی کەوتنیەتی، کەوتنی کۆبانێ ئەو راستیە دەسەلمێنێ کە خۆرئاوا بەهیچ شێوەیەک نایەوێت لەخۆرهەڵاتی ناوەڕاست دیموکراسی دروست ببێت، ببێتە نوێنەری راستەقینەی دیموکراسی، بەڵکو دەیەوێت ئەو مرۆڤانە نوێنەری راستەقینەی گەلیان بن کە خەڵکانێکی گەنیوبن و بەردەوام لە خزمەت بێگانەدابن.

بێدەنگیان لەئاست کۆبانێ وڵاتانی زلهێزی دونیا، گەیشتنە ئەو راستیەی کە حکومەتی رۆژئاوای کوردستان، نوێنەری راستەقینەی دیموکراسین و بونە بەچاوی دونیای خۆرهەڵاتی ناوەراست، دەتوانن ببن بە هەوێنی شۆرشەکان دژ بەبەرژەوەندی وڵاتە زلهێزەکان. مانەوەی خۆرئاوای کوردستان بەلای وڵاتانی خۆرئاوا و هەندێک وڵاتی خۆرهەڵاتی ناوەراست، بۆتە پارچەیەک لەشێر پەنجەیە بۆیان .

لەگەڵ دەرکەوتنی کۆبانێ، وەک پارچەیەکی شێرپەنجە بۆسەر جەستەی دونیای بەرژەوەندی خواز، داعش بەم دژە شێرپەنجەیە دەزانن، بۆیە چاوەڕێی کەوتنی کۆبانێن و دوایش دەست بکەن بەفرمێسکی تیمساحی، لەیەکەم کاردانەوەی حکومەتی کانتۆنی خۆرئاوای کوردستان بەدرێژایی چەندساڵی رابردو، هەمو داواکاریەکانی وڵاتانی ناوچەکانیان رەتکردۆتەوە لەبەرامبەر لایەنەکانیتری ئەم پارچەیە کە هێزی سەربازی تایبەت بەخۆیان هەبێت، خەونی ئەوڵاتانەیان لەگۆڕنا کەچاوەڕێی ئەوەیان دەکرد وەک باشور هەرلایەنەو هێزی خۆی هەبێت، کە بیانەوێت بۆ بەدەستهێنانی بەرژەوەندی خۆیان شەڕی براکوژی پێدروست بکەن و بۆ پاراستنی لایەنێکیش وڵاتان هێزی بۆ بجوڵێنن و بنکەی سەربازی لەم شوێنانە جێگیر بکەن .

بەڵام دەرەنجامی کەوتنی کۆبانێ زۆر سەخت و قورس دەکەوێتەوە، لەسەر تەواوی وڵاتانی پارێزەری مافی مرۆڤ و وڵاتانی ناوچەکەش. کەوتنی کۆبانێ بۆ ئەو وڵاتانەی خۆیان بەپارێزەری مافی مرۆڤ دەزانن و سەرکردەی شەڕی دژی تیرۆریزم دەکەم، مایەپوچ دەردەچن، چونکە هیچیان بۆ نامێنێتەوە، لەکاتێکدا بە بەرچاوی ئەوان شەری جەپهەی هەیەو بەرەی شەڕ دیارە و پێگەی تیرۆرستان ئاشکرایە بۆ لێدانیان، بەڵام وڵاتانی هاوپەیمانی دژە تیرۆر خەمساردانە لێ دەڕوانن و هێرشەکانیان وەک پێویست نین، بەڵام ئەوەی لەکۆبانێ دەستیان دەکەوێ بەروتی و دارندراو لەهەمو بەهاکانی مافی مرۆڤ، تەنیا ساغ کردنەوەی مەرجەبی چەکەکانیان بەوڵاتانی ناوچەکەو سەپاندنی هەژمونی خۆیان و لەبەرام بەرقرکردنی گەلی کورد .

بۆ وڵاتانی ناوچەکەش کەوتنی کۆبانێ و بەتایبەتی بۆ ئەو وڵاتانەی پشتی داعش دەگرن دەبێت بە تۆپەڵە ئاگرێک و دەیان سوتێنێ، بەمەش ئەم ئاسودەیەی بەدوایدا دەگەڕان لەڕێی تیرۆریستانی داعش دەبێتە گڕکان لەناو جەستەیاندا، بۆیە با ئەوەندە دڵخۆشی دایان نەگرێت بە کەوتنی کۆبانێ، چونکە ئەمڕۆ کۆبانێ جەرگەی ململانێکانی جیهانە.

کۆبانێ ئەمڕۆ بەرخودانی هەمو کوردستانە، کورد ئەو کاڵا سحریەیە لەهەر دانیشتنێکی وڵاتانی بەرژەوەندی خواز بیخەنە سەرمێز بۆ پاراستنی خۆیان، بێ سێ ودو نەک هەر بەرژەوەندیەکانیان بەپارێز راوی دەمێنێتەوە، بەڵکو زیادیش دەکات، ئەم یاریە لەبیستەکانی سەدەی رابردو لەبەرامبەر بەکورد بەردەوامە، گرنگترین کاری گەلی کورد ئەوەیە لەسەرتاسەری کوردستان بڕژێنە سەر جادەکان و حکومەتی هەرێمیش واز لەم شەرمنیە بێنێت، کە وەک بوکی یەک شەوە لەبەرامبەر دوژمنانمان، چونکە دوای کۆبانێ، هەرێمی کوردستانەو دڵ بەوە خۆش مەکەن کە جیهان پشگیرتانە، لەکوێ بەرژەوەندیەکیان گیربێت بەگران دەستیان کەوێت ئەوا بێگومان ئێمەی کورد لەبری دەدەن و پشتمان تێدەکەن .
09/10/2014 بینین: 2771
وتاره‌کانی تری نوسه‌ر
یادێک لەنێوان چەپکێک گوڵدا...
ویژدانی رەش ...
حکومەت لەنێوان موچە و بێباکیدا ...
دۆخەکە وەک خۆی!...
نەوت سەرچاوەی کێشە بەردەوامەکان ...
لە سیڤەرەو تا ئەمڕۆ ...
کورد چی دەستکەوت دوای مالیکی؟...
یاریەکە مەدۆڕێنن...
کۆبانێ سیمای گەلێکی قارەمان...
کوبانێ ئەگەر کوردستان نەدەبوی!...
خەونی تورکیا لە داعشدا...
کوردستان ناوەندی یەکلاکردنەوەی ململانێ...
کورد وەک هەمیشە ...
لەپێناو کورسیدا...
نوێترین هه‌واڵ...
(سبەى) خۆى نوێ دەکاتەوە ...
ئه‌مڕۆ مه‌كته‌بی‌ سیاسی‌ و سه‌ركردایه‌تی‌ و ئه‌میری‌ كۆمه‌ڵ هەڵدەبژێردرێن...
به‌رشه‌لۆنه‌ دوه‌م نازناوی ئه‌م وه‌رزه‌ی به‌ده‌ستهێنا...
داعش زیندانی تەدمور دەتەقێنێتەوە...
سەرۆكی پەرلەمانی كوردستان: دەستور دەبێت سەقامگیری بەدیبهێنێت...
لیژنەی دەستور هەفتەی چوارجار كۆدەبێتەوە...
بان كی مۆن: 25 هەزار بیانی چونەتەناو گروپە تیرۆرستییەكانەوە...
یەپەگە ئۆپەراسیۆنی دابڕینی داعش لە تورکیا و بەستنەوەی جزیرە و کۆبانی پێکەوە جێبە...
بەڤیدیۆ؛ زەمینلەرزەیەک ژاپۆن دەهەژێنێت .. مەترسی تسۆنامییەکی دیکە دەکرێت...
گۆڕێکی بە کۆمەڵی ئێزیدییەکان دەدۆزرێتەوە .. تەرمی (20) ژن و (33) منداڵ و پیری تێ...
بەڤیدیۆ؛ سیناریۆکانی دابەش بونی عێراق...
داعش هێرش دەکاتە سەر شاری حەسەکە...
عه‌بادی: جیاوازی له‌ نێوان کەوتنی رومادی و موسڵدا هه‌یه‌ ...
عەلی باپیر لە کۆنگرەی حیزبەکەیدا رەخنەی توند لە حکومەت دەگرێت...
(20) سه‌ركرده‌ی داعش لە ئەنبار کوژران...
پێشمەرگە شكست بە هێرشێكی داعش دەهێنێت...
هەرێم و بیلاروسیا پرۆتۆکۆڵێکیان واژۆ کرد...
بیرلسكۆنی: میلان نافرۆشین...
باندێکی (10) کەسى دەستگیر دەکرێن...
شاندێکى گۆڕان بۆ پشتیوانی کورد دەچێتە باکور ...
''لە ساڵێکدا بیانیه‌كانی ناو داعش بەرێژەى (70%) زیادیان کردوە''...
یەک ملیۆن نەمام لە بەردەم مەترسیی وشکبوندان...
بریمه‌ر داوا دەکات چەک بە کورد بدرێت ...
حوسیەکان پارێزگارى سەنعایان کوشت ...
ئێران دەستگیرکردنى چه‌ند تۆڕێكی‌ سه‌ر به‌ داعش رادەگەیەنێت ...