کورد چی دەستکەوت دوای مالیکی؟

ئامانج هەرتەلی


ئەوەی سەدەیەکە کورد کاری لەسەردەکات و خوێنی بۆ دەڕێژێ دۆڕاندمان، هەموی بو بەخەون، ئەوەی سیاسیەکان لەسەردەمی خەباتی شۆڕشگێڕی لەشاخ، لەدەمی حکومڕانی لەشار دەیاندا بەگوێی هاوڵاتیان، هەموی لەخزمەکردنی داگیرکەرانی کوردو چەوساندنەوەی نەتەوەی گەلی ستەمدیدەی کوردستان هیچیتر نەبو. ئەگەر دوێنێ رژێمی بەعس دوژمنی گەلی کوردبو، ئەم حکومەتە ئێوە بنیاتناو شانازیتان پێوەدەکرد .

دوێنێ لابردنی مالیکیتان کردبو بەدروشم، هەمو خەونی گەلی کوردتان، لەچارەسەرکردنی تەواوی کێشەکان لەلابردنی مالیکی دەتان دیتەوە، ئەوەی جێگای پرسیارە دوای مالیکی چی گۆڕا؟ هیچ شتکی لەدۆخەکە نەگۆڕی، ئەوەی گۆڕدرا تەنیا کەسی سەر کورسیەکان بون، لەدوای لادانی مالیکی جگە لەسڕکردنی دۆخەکە، کورد هیچی دەستنەکەوتوە، بەڵکو ئەگەر هەردولا لەسەر سڕکردنی کێشەکان بەردەوام بن، دۆخەکە بۆ هەردولا خراپ دەتەقێتەوە، ئەمجارە هەرێم لەچارەنەکردنی کێشەکانی لەگەڵ بەغدا، عەبادیش دەکات بەقوربانی کورسیەکەی، یان عەبادی هەرێم دەکات بەقوربانی کورسیەکەی .

نزیکەی ساڵیکە هەرێمی کوردستان لەئەنجامی سیاسەتە هەڵەکانی هەردولا، توشی قەیرانێکی گەورەی ئابوری بوە، تەواوی کایەکانی ژیان پەکیان کەوتوە، بەڵام ئەوەی دڵی گەلی خۆشکردبو، دروشمی گۆڕینی مالیکی دیکتاتۆر بو بە عەبادی، هەمو رۆژێ بۆ خۆ دەرخستن لەم و لەو دەهاتنە سەرشاشە لەبری ئەوەی بڵێن بوجە هات بچوک کرابۆوە بوجەی هەرێم تەنیا بۆ موچە، کورد لەهەر گەڕێکی دانوستان لەبری چارەکردنی کێشەکانی سەرای چارەکردنی کێشەی پێشو کۆمەڵێک شتی تر لەدەستداوە .

سیاسیەکانی کورد دەبێت چیان دۆزیبێتەوە لەبەغدا؟ بونیان لەبەغدا ترسە یان بۆ مانەوەی عێراقە بەیەکگرتوی، ئەگەر سیاسیەکانی کورد لەترسان لەبەغدان، لەترسی لەدەستدانی سەروەت و سامان و بەرژەوەندیەکانیان چونەتەوە بەغدا، یان لەژێر گوشاری ئەم دەوڵەت و ئەو دەوڵەت ناچار بەتەنەزولات کراون، کەوتونەتە خزمەتکردنی بەرژەوەندی دەوڵەتانی هەرێمی و جیهانی، فەرمون لەسایەی خزمەتکردن بەگەلەکەشتان تۆزێک تەنەزول بکەن، باچیتر گەلەکەتان لەوە زیاتر نەبێتە قوربانی .
 
ئەگەر مانەتەوەشتان لەبەغدا بۆ یەکڕیزی خاکی عێراق و ئارەزومەندانەیە، هەر ئەو کەسانەی ئەمڕۆ لەبەغدا نوێنەرایەتی هەرێم دەکەن، ئەو ئارزومەندانەیە نایگرێتەوە لەبەغدا، بەڵکو تاکبەتاکی ئەم هەرێمە بە بەغدا دەمان بەستێتەوە، ئەرک و مافمان هەیە بەیەکەوە، ئەگەر سیاسیەکانی ئەم هەرێمە ئەو مافە لەتاکی کورد زەوت دەکەن، ئەرکەکەشی لەسەر بێت، ئەوا لەپێناوی پاوانخوازی دەسەڵاتی ئەوان گەل دەکەنە قوربانی .

گەلێک وڵاتی هەرێمی دۆخی نێوان هەرێم و بەغدایان پێخۆشە، چونکە هەرێمی کوردستان لەهەمو رویەکەوە بەرەو سستی هەنگاودەنێ، نازانم سیاسیەکانی کورد لەهەرێم لەخەودان بەرامبەر بەگەلەکەیان، یان سەردارێتی و خۆبەزلزانی وایلێکردون، دوای چەندین مانگ ئامادەنەبن بچن لەگەڵ بەغدا بکەونە گفتوگۆ، یان نوێنەرانی کورد لەبەغدا، لەخۆیان نەپرسیوە بۆ لێرەن؟ لەکاتێکدا گەلی کورد نزیکەی ساڵێکە برسیە.

سیاسیەکانی کورد ئەگەر تەمسیلی سیاسەتی هەندێک وڵاتی هەرێمی دەکەن لەعێراق، ئەوا نزیکەی سەدەیەکە ئەم وڵاتانە گەلی کورد قڕدەکەن، لەبری ئەوەی مافی گەلی کورد بدەن، ئەوانەی سیاسیەکانی هەرێم دڵیان پێیان خۆشە، ئەوان چاویان بەم هەرێمە خۆبەڕێوەبەریە کوردیە هەڵنایەت، ئەو گەمەیەی ئەمرۆ لەگەڵ حکومەتی هەرێم دەیکەن لەناچاریە، هەروەها بۆ تێکدانی دۆخی کوردستانە، ئەم وڵاتانەی سیاسیەکانی هەرێم گەمەی بەرژەوەندیەکانیان بۆ دەکەن، ئەوان نەناردنی بوجەیان لەلایەن بەغداوە زۆر پێخۆشە، لەبەر ئەوەی ئەوان هەرێم بەدوژمنی خۆیان دەزانن، لاوازبونی دوژمنیشیان سەرکەوتنیانە.

ئەمجارە هەرێمی کوردستان بەرپرسی سەرەکی ئەم قەیرانەی هەرێمە، هەرێمی کوردستان ئەگەر رازی نیە بە بەغدا، بۆ بەشداری پرۆسەی سیاسیە لەجومگە گرنگەکانی عێراقە، بەشداریکردنی واتا رازیبون، کە رازیە کاتی هەنگاونانە بۆ چارەسەرکردنی کێشەکان، ئەگەر هەنگاویش نانێن چیتر ملی کەس مەگرن و فەرمون یان کورسی بۆ خەڵکی شارەزاو بەتوانا لەسیاسەت جێبێڵن، یان کۆتایی بەم دۆخە بێنن .

29/10/2014 بینین: 2337
وتاره‌کانی تری نوسه‌ر
یادێک لەنێوان چەپکێک گوڵدا...
ویژدانی رەش ...
حکومەت لەنێوان موچە و بێباکیدا ...
دۆخەکە وەک خۆی!...
نەوت سەرچاوەی کێشە بەردەوامەکان ...
لە سیڤەرەو تا ئەمڕۆ ...
یاریەکە مەدۆڕێنن...
کۆبانێ سیمای گەلێکی قارەمان...
کۆبانێ لەبازاڕی سیاسیدا ...
کوبانێ ئەگەر کوردستان نەدەبوی!...
خەونی تورکیا لە داعشدا...
کوردستان ناوەندی یەکلاکردنەوەی ململانێ...
کورد وەک هەمیشە ...
لەپێناو کورسیدا...
نوێترین هه‌واڵ...
(سبەى) خۆى نوێ دەکاتەوە ...
ئه‌مڕۆ مه‌كته‌بی‌ سیاسی‌ و سه‌ركردایه‌تی‌ و ئه‌میری‌ كۆمه‌ڵ هەڵدەبژێردرێن...
به‌رشه‌لۆنه‌ دوه‌م نازناوی ئه‌م وه‌رزه‌ی به‌ده‌ستهێنا...
داعش زیندانی تەدمور دەتەقێنێتەوە...
سەرۆكی پەرلەمانی كوردستان: دەستور دەبێت سەقامگیری بەدیبهێنێت...
لیژنەی دەستور هەفتەی چوارجار كۆدەبێتەوە...
بان كی مۆن: 25 هەزار بیانی چونەتەناو گروپە تیرۆرستییەكانەوە...
یەپەگە ئۆپەراسیۆنی دابڕینی داعش لە تورکیا و بەستنەوەی جزیرە و کۆبانی پێکەوە جێبە...
بەڤیدیۆ؛ زەمینلەرزەیەک ژاپۆن دەهەژێنێت .. مەترسی تسۆنامییەکی دیکە دەکرێت...
گۆڕێکی بە کۆمەڵی ئێزیدییەکان دەدۆزرێتەوە .. تەرمی (20) ژن و (33) منداڵ و پیری تێ...
بەڤیدیۆ؛ سیناریۆکانی دابەش بونی عێراق...
داعش هێرش دەکاتە سەر شاری حەسەکە...
عه‌بادی: جیاوازی له‌ نێوان کەوتنی رومادی و موسڵدا هه‌یه‌ ...
عەلی باپیر لە کۆنگرەی حیزبەکەیدا رەخنەی توند لە حکومەت دەگرێت...
(20) سه‌ركرده‌ی داعش لە ئەنبار کوژران...
پێشمەرگە شكست بە هێرشێكی داعش دەهێنێت...
هەرێم و بیلاروسیا پرۆتۆکۆڵێکیان واژۆ کرد...
بیرلسكۆنی: میلان نافرۆشین...
باندێکی (10) کەسى دەستگیر دەکرێن...
شاندێکى گۆڕان بۆ پشتیوانی کورد دەچێتە باکور ...
''لە ساڵێکدا بیانیه‌كانی ناو داعش بەرێژەى (70%) زیادیان کردوە''...
یەک ملیۆن نەمام لە بەردەم مەترسیی وشکبوندان...
بریمه‌ر داوا دەکات چەک بە کورد بدرێت ...
حوسیەکان پارێزگارى سەنعایان کوشت ...
ئێران دەستگیرکردنى چه‌ند تۆڕێكی‌ سه‌ر به‌ داعش رادەگەیەنێت ...