نەوت سەرچاوەی کێشە بەردەوامەکان

ئامانج هەرتەلی


لەسەرەتاوە تا ئەمڕۆ سوڕانەوەی وڵاتانی زلهێز بەدەوری خۆرهەڵاتی ناویندا مەسەلەی نەوت بوە، ئەو نەوتەی بوەتە جێگای بایەخی جیهان و وڵاتانی سەرمایەداری، سەرجەم شەرەکانی ناوچەکە لەمیسرەوە بگرە تا عێراق و کەنداوی عەرەبی، هەموی لەپێناوی بەدەستهێنان و دەست بەسەرداگرتنی نەوتە، ئەم شەڕە بەردەوامەی لەدوای جەنگی جیهانی یەکەمەوە تا ئەمڕۆ، لەناوچەکە بەردەوام لەگەرم بون دایە، لەپێناوی رێگا خۆشکردنە بە دەست بەسەرداگرتنی کێڵگە نەوتیەکان، هەر لەم پێناوەشدا چەندین شۆڕش کراون چەندین رژێمیش روخێنراون .

هەر لەدوای جەنگی جیهانی یەکەم و هاتنی وڵاتانی ئیمریالستی بۆ خۆرهەڵاتی ناوین و رەنگڕێژکردنی سنورەکان و دروستکردنی وڵاتان، بەیەکەوە بەستنەوەی چەندین نەتەوەی جیاجیا بەیەکەوە، کە خاکەکەیان پڕە لەکانزای جۆراوجۆر، لەناویشیاندا بەستنەوەی گەلی کورد بەچەندین نەتەوەی جیا، دور لە یەک لەڕوی کلتوری و زمانەوە، خاکی کوردستان یەکێکە لەدەوڵەمەنترین خاکە بەپیتەکانی جیهان، پرە لەزێڕی رەش. لەدوای ئەوەی گەلی کورد دابەشکرا بەسەر وڵاتاندا، گەلی کورد هەستی بەمەترسیەکی گەورەکرد .

ئامانجی دابەشکردنی کوردستان، بەسەر وڵاتانی ناوچەکەو دورخستنەوەی گەلی کورد لەمافی سەرەتای بەدەوڵەت بون، لکاندنی گەلی کورد بەنەتەوە جیاجیا لەخۆی، بۆ درێژەدان بە ئاشوب و هەرا بوە لەخۆرهەڵاتی ناوین، بۆ ئەوەی بتوانن بەئاسانی بگەن بە نەوت و بەنرخێکی هەرزان بەدەستی بخەن، هەر لەوکاتەوە شۆڕشەکانی کورد لەهەڵکشان و داکشانی بەردەوام دابونە، وڵاتانی ئیمپریالستی بەردەوام هاوکارو هەماهەنگیان لەگەڵ شۆڕشێکی کوردی کردبێ سەرەتا، ئامانجیان بەدەستهێنانی بەرژەوەندیەکانیان بوە، دوای ئەوەی دەستیان گەشتوە بەبەرژەوەندیەکانیان و تێربونە، کۆتاییان بەو بەرخودانە هێناوە، شۆڕشەکەیان کۆتایی پێهێناوە .

ئەگەر بەوردی بروانیە رودواەکانی ٢٥ ساڵ لەمەوبەر، کاتێک عێراق پەلاماری کوێتیدا، کێشەکە نەوت بو، دوای داگیرکردنی کوێت، عێراق بوە مەترسی بۆ سەر وڵاتانی تری کەنداو، کە دەوڵەمەندن بەنەوت، ئەوەش وای لە دەولەتانی پرسی نەوت کرد جنگێکی درێژ بۆ زیاتر لە 13 لەگەڵ بەغدا بکەن و دەستبگرن بەسەر سامانی تەواوی وڵاتانی کەنداو و جێگیرکردنی بنکەی سەربازی گەورە لەژێر ناوی پاراستنی ناوچەکە، هەر ئەوکاتە کورد توانی بەشێکی گەورەی کوردستان ئازاد بکات، حکومەت و پەرلەمان دابمەزرێنی .

دوای دامەزراندنی حکومەتی خۆجێی کوردی، لەلایەن وڵاتانی داگیرکاری کوردستان و بەرژەوەندیخوازی جیهانی، رێگایان نەدا کورد دوای ئەو هەمو ماندوبونە زۆرە کە جەستەی شەکەت بوە، پشویەک بدات، شەڕێکی نەگریسیان خستە نێو ماڵی کورد، کردیان بە دو بەش بەئێستاشەوە .

دوای پرۆسەی ئازادی عێراق، دامەزراندنەوەی دەوڵەتی تازە شەراکەتی لە عێراق کورد بەشداری تێداکرد، بەڵام ئەم شەراکەتیە زۆری نەخایاند، جارێکی تر وەک هەمو جارەکانی تر نەوت بوەوە ناکۆکیەکی گەورە و قوڵ لەنێوان کورد و عەرەب، تا ئەم جارە کار گەیشتە ئەوەی بوجەی هەرێم ببڕن، سەرەڕای چارەنەکردنی کێشەکان، هەمو جارێکیش بۆ ئەوەی عێراق بە بەردەوامی لەکێشەدابێت کورد بەزۆر دەخەنەوە ناو هاوکێشەی عێراق، بە چەند بەڵێنێک لەدوایدا بەڵێنی وڵاتانی زلهێز دەبێتە بڵقی سەر ئاو، کێشەکانیش چارە ناکرێن هەمو ئامانجیان لەم گەمەیە، دروستکردنی ئاشوبە بۆ ئەوەی خۆیان بەردەوام لەنوچەکە بمێنەوە، گەلی عێراقیش لە جوغزی بەرژەوەندیەکانی خۆیاندا بهێڵنەوە.

شەڕی نێوان هەرێم و بەغدا شەڕی بەرژەوەندیە باڵاکانی زلهێزەکانە، نەوەک شەڕی بەرژەوەندی گەلەکانیان، پرسیارەکە ئەوەیە، ئەگەر شەڕی بەرژەوەندیەکانی ئەمەریکاو هاوپەیمانانیان نیە، بۆ بەردەوام تەنەزول بەگەلی کورد دەکەن؟ بۆ رێگریشن لەجێبەجێکردنی مافەکان گەلی کورد؟ ئەگەر وڵاتانی زلهێز ئامانجیان ئاشوبی بەردەوام نیە، بۆ کاتێ داوایان دەکرد کورد بەشداری حکومەتی عەبادی بکات؟ بۆ داواشیان لە عەبادی نەکرد فەوری بوجەی هەرێم بنێرە؟ دەردەکەوێت وڵاتانی زلهێز لەعێراق بەدوای بەرژەوەندیەکانیانەوەن، بەردەوامیشن لەدروستکردنی گرژی بۆ بەدەستهێنانی بەرژەوەندی زیاتر، هەرێم و بەغدادیش ئامانجەکانی ئەوان دەپێکن، هەرێمیش خەڵکەکەی خۆی دەکاتە قوربانی ئەجندای زلهێزان، بۆ دز تا شەو تاریکتر بێت خۆشترە، بۆ وڵاتانی زلهێزیش تا دۆخەکە ئاڵۆزتربێت بەرژەوەندیان گەز گەز باڵاتر دەبێت.


15/11/2014 بینین: 6425
وتاره‌کانی تری نوسه‌ر
یادێک لەنێوان چەپکێک گوڵدا...
ویژدانی رەش ...
حکومەت لەنێوان موچە و بێباکیدا ...
دۆخەکە وەک خۆی!...
لە سیڤەرەو تا ئەمڕۆ ...
کورد چی دەستکەوت دوای مالیکی؟...
یاریەکە مەدۆڕێنن...
کۆبانێ سیمای گەلێکی قارەمان...
کۆبانێ لەبازاڕی سیاسیدا ...
کوبانێ ئەگەر کوردستان نەدەبوی!...
خەونی تورکیا لە داعشدا...
کوردستان ناوەندی یەکلاکردنەوەی ململانێ...
کورد وەک هەمیشە ...
لەپێناو کورسیدا...
نوێترین هه‌واڵ...
(سبەى) خۆى نوێ دەکاتەوە ...
ئه‌مڕۆ مه‌كته‌بی‌ سیاسی‌ و سه‌ركردایه‌تی‌ و ئه‌میری‌ كۆمه‌ڵ هەڵدەبژێردرێن...
به‌رشه‌لۆنه‌ دوه‌م نازناوی ئه‌م وه‌رزه‌ی به‌ده‌ستهێنا...
داعش زیندانی تەدمور دەتەقێنێتەوە...
سەرۆكی پەرلەمانی كوردستان: دەستور دەبێت سەقامگیری بەدیبهێنێت...
لیژنەی دەستور هەفتەی چوارجار كۆدەبێتەوە...
بان كی مۆن: 25 هەزار بیانی چونەتەناو گروپە تیرۆرستییەكانەوە...
یەپەگە ئۆپەراسیۆنی دابڕینی داعش لە تورکیا و بەستنەوەی جزیرە و کۆبانی پێکەوە جێبە...
بەڤیدیۆ؛ زەمینلەرزەیەک ژاپۆن دەهەژێنێت .. مەترسی تسۆنامییەکی دیکە دەکرێت...
گۆڕێکی بە کۆمەڵی ئێزیدییەکان دەدۆزرێتەوە .. تەرمی (20) ژن و (33) منداڵ و پیری تێ...
بەڤیدیۆ؛ سیناریۆکانی دابەش بونی عێراق...
داعش هێرش دەکاتە سەر شاری حەسەکە...
عه‌بادی: جیاوازی له‌ نێوان کەوتنی رومادی و موسڵدا هه‌یه‌ ...
عەلی باپیر لە کۆنگرەی حیزبەکەیدا رەخنەی توند لە حکومەت دەگرێت...
(20) سه‌ركرده‌ی داعش لە ئەنبار کوژران...
پێشمەرگە شكست بە هێرشێكی داعش دەهێنێت...
هەرێم و بیلاروسیا پرۆتۆکۆڵێکیان واژۆ کرد...
بیرلسكۆنی: میلان نافرۆشین...
باندێکی (10) کەسى دەستگیر دەکرێن...
شاندێکى گۆڕان بۆ پشتیوانی کورد دەچێتە باکور ...
''لە ساڵێکدا بیانیه‌كانی ناو داعش بەرێژەى (70%) زیادیان کردوە''...
یەک ملیۆن نەمام لە بەردەم مەترسیی وشکبوندان...
بریمه‌ر داوا دەکات چەک بە کورد بدرێت ...
حوسیەکان پارێزگارى سەنعایان کوشت ...
ئێران دەستگیرکردنى چه‌ند تۆڕێكی‌ سه‌ر به‌ داعش رادەگەیەنێت ...