حه‌زا گوهۆرینێ‌

محسن عه‌بدولره‌حمان

بۆ جارا دویێ‌ باراك ئوباما یێ‌ پیستره‌شێ‌ بنیات ئه‌فریكی بۆ سه‌رۆكاتییا مه‌زنترین ده‌وله‌ت و بهێزترین له‌شكر و خۆرستیترین ئابوری ل جیهانێ‌ هاته‌ هه‌لبژارتن، خه‌لكێ‌ رۆژهه‌لاتێ‌ ژی ب چاڤێن زل و دلێ‌ كه‌سه‌ردار ل سه‌ر شاشه‌یان ل كه‌رنه‌ڤالا هه‌ڤڕكییا هه‌لبژارتنان و لێكگوهاتنا پیرۆزیێن سه‌ركه‌فتنێ‌ دنێرین و تفا خۆ یا ژ ژێوارێ‌ وان تالتر دادعویرن.

ئه‌وێن بێ‌ ره‌وشت (ژه‌نه‌رال پاتریوس سۆپاسالار و رێڤه‌به‌رێ‌ هه‌والگێرییا ئه‌مریكی دانپێدان ب په‌یوه‌ندییه‌كا سیكسی ده‌رڤه‌ی هه‌ڤژینیێ‌ كر و ده‌ست ژ كاركێشا)، بێ‌ مێژو، بێ‌ باوه‌ر... ل به‌رانبه‌ر ئه‌مێن ئولدار و خۆدان باوه‌رییه‌ك ره‌هایی و ره‌وشتێ‌ هه‌ره‌بلند و مێژویا دێرین و به‌لگه‌ ژی چیایێن جودی، سه‌هیون، ئوحود، ئه‌و ب كه‌رنه‌ڤال و باوه‌ری ب خۆ بون بۆ خزمه‌تا گه‌ل و وه‌لاتی هه‌ر چار سالان سه‌رۆكی د هه‌لبژێرن، ئه‌و سه‌رۆكێ‌ لدویڤ ده‌ستوری ماف هه‌ی تنێ‌ بۆ دو خۆلان كاندیدبیت، ئه‌م ب گازنده‌ و گۆمان و گه‌فێن پێشوه‌خت سه‌رۆكێ‌ پاشه‌رۆژێ‌ و حیزبا وی ب سه‌خته‌كاریا ده‌نگدانێ‌ دده‌ینه‌ نیاسین و تاوانباردكه‌ین، ده‌مێ‌ ئه‌نجامێن هه‌لبژارتنان ره‌تدكه‌ین و هه‌لبژارتنێ‌ ژ بیاڤێ‌ پرۆسه‌ك دیموكراسی ده‌ربازدكه‌ینه‌ به‌یعه‌یه‌ك پیرۆز بۆ هه‌لبژارتنا سه‌رۆكه‌ك هه‌مو شیانێن ده‌وله‌تێ‌ نه‌ تنێ‌ بۆ مان و به‌رده‌وامییا حوكمێ‌ خۆ ته‌رخاندكه‌ت، به‌لكو كار بۆ به‌رهه‌ڤكرنا كوڕێن خۆ بۆ ده‌ستهه‌لاتێ‌ ل پاشه‌رۆژێ‌ دكه‌ت، ئانكو ب حوكمرانیێ‌ د ژیانا خۆ دا ده‌مێ‌ یێ‌ زیندی بتنێ‌ رازی نابیت، له‌ورا هه‌مو هه‌ول و بزاڤان دكه‌ت د گۆڕی ژی دا هه‌ر فه‌رمانره‌وا و سه‌روه‌ربیت، ئه‌ڤ سیسته‌م و ئه‌قلییه‌تا پاشڤه‌ڕو ژ سه‌رێ‌ كۆچێ‌ به‌ره‌ڤ ژێره‌، تاكو د هنده‌ك رێكخستن و سه‌ندیكایێن پیشه‌یی دا د زیق و به‌رچاڤن، ئه‌ڤ سیسته‌مه‌ خه‌لكی و ته‌خێن جڤاكی دكه‌نه‌ دو پشك، پشكا یه‌كێ‌ بهژمارێ‌ كێمینه‌ لێ‌ ژ گه‌له‌كییا مفاداریێ‌ تنێ‌ په‌سه‌ندكار و داهولقوتێن ده‌نگ بلندن، هوسا ده‌ست ل سه‌ر ده‌ستی ژ جادێ‌ تا ته‌ختێ‌ سه‌رۆكاتیێ‌ مه‌لاقیێ‌ بۆ یه‌كتر دكه‌ن و كێتره‌ و كرێتییا یه‌كتر دادپۆشن و ڤه‌دشێرن، پشكا دویێ‌ د بازنه‌یا گۆمانێ‌ دانه‌ و هه‌مو گۆتن و كریار سه‌ره‌ده‌ری و په‌یوه‌ندیێن وان جهێ‌ گۆمانێنه‌!

رۆژهه‌لاتا خۆدان كه‌لتوره‌ك پیرۆز و ئه‌قلییه‌ته‌ك هاریكار بۆ حوكمێ‌ ره‌هایی سیسته‌مه‌ك دكتاتور و دیموكراسییه‌ك كارتونی به‌رهه‌مدئینیت، هۆسا هه‌ر كار و بزاڤه‌ك چاكساز نه‌تنێ‌ ب گونه‌ه و بیدعه‌ و ره‌خنه‌یێ‌ ب بێ‌ بهاكرنا نه‌ریت و پیرۆزیێن گه‌ل، به‌لكو ب مه‌ترسی ل سه‌ر پاشه‌رۆژ و ئاسائیشا نه‌ته‌وه‌یی دده‌ته‌ نیاسین، هێزا ئوپۆزوسیونێ‌ ب تێكده‌ر و نۆكه‌ر ب گه‌ڤ و گرتن و نانبڕین... سه‌ره‌ده‌ریێ‌ دگه‌لدا دكه‌ت، هێزا حاكمێ‌ رۆژئاڤا ژ هێز و پێشكه‌فتنا ملله‌تییه‌، سته‌مكارییا حاكمێ‌ رۆژهه‌لاتی ژ لاوازی و پاشڤه‌مانا ملله‌تییه‌، بلندیا وی ژ نزمییا وانه‌، ده‌وله‌مه‌ندییا وی ژ هه‌ژارییا وانه‌، هێزا وی ژ ترسا وانه‌...، سه‌ركردێ‌ رۆژئاڤا فه‌رمانبه‌ره‌ و به‌رامبه‌ر كار و ئه‌ركه‌كی موچه‌ی ژ ده‌وله‌تێ‌ وه‌ردگریت و لدور هه‌ر تشته‌كی پڕس ژێ‌ دهێته‌كرن، حاكمێ‌ رۆژهه‌لاتی خۆدان و سه‌روه‌رێ‌ ره‌هایی یه‌، هه‌مو ملله‌ت ژێ وه‌ردگریت و پرسیار ژێ‌ ناهێته‌كرن، بودجا ده‌وله‌تێ‌ مولك و وه‌لات پاوانێ‌ وی یه‌، هوسا ده‌ستهه‌لات ده‌ست ل سه‌ر ده‌ستی یا پیرۆزه‌ و ژ شاشی و گۆنه‌هان د پاراستینه‌، ئه‌و بۆ ملله‌تێ‌ به‌لگاز هنارتیێن چاڤدێرییا ئاسمانینه‌، له‌ورا هه‌ر كه‌سێ‌ نه‌تنێ‌ ژ كاروان و رێبازا وان ڤه‌مینیت یان ژ بازنه‌یا هزركرنا وان لابده‌ت و ده‌ركه‌ڤیت یێ‌ به‌رزه‌یه‌ و هه‌ژی سزا و نه‌فره‌تێ‌ یه‌، باوه‌ری بۆ خۆ چێكرینه‌ كو ئه‌و هه‌نه‌ دا سه‌روه‌ریێ‌ ل سه‌ر خه‌لكی بكه‌ن و بهاژون، هه‌ر ل رێزا پێشیێ‌ بن و ژ بیرا خۆ دبه‌ن كو ئه‌وان جهێ‌ هنده‌ك سه‌روه‌رێن ب ره‌زیلی چوینه‌ گرتینه‌، ‌ئه‌وان ئه‌و ڤالاهی ڤه‌گرتینه‌ یا ئه‌وێن به‌ری وان ب هه‌تكچون و شه‌رمزاری هێلاین...

رێبه‌ر و سه‌روه‌رێ‌ باش ب خزمه‌تا ملله‌تی ژیێ‌ خۆ درێژدكه‌ت، لاپه‌ره‌ك شاناز و وێنه‌یه‌ك جوان لدویڤ خۆ دهێلیت، شكه‌ستن و هه‌لوه‌شیان و خه‌موكی و بێ ئۆمێدییه‌ ده‌مێ‌ مرۆڤێ‌ رۆژهه‌لاتی هه‌لبژارتنێن وه‌لاتێن رۆژئاڤایی دبینیت، ده‌مێ‌ سه‌رۆك و رێبه‌رێن رۆژئاڤا دبنه‌ هێما و چه‌ڤه‌نگ و خاله‌كێ‌ د مێژویا ملله‌تێ‌ توماردكه‌ن، به‌رانبه‌ر ل رۆژهه‌لاتێ‌ ره‌شه‌ چاره‌نڤیسێ‌ قه‌سابێن خۆ دبینیت!

بۆ ئه‌و كه‌سێن دبێژن ئه‌ڤه‌ رۆژهه‌لاته‌ و ئه‌م ناهێینه‌ گوهارتن، ب كریار ئه‌ڤه‌ كوریا دیموكراسی و پێشكه‌فتی وه‌ك نمونه‌یا حه‌زا گوهارتنێ‌ و ئه‌ڤه‌ میسرا دكتاتور و پاشڤه‌مای؟ ئه‌وا ل سه‌ر ده‌مێ‌ لورد گرومه‌رێ‌ ئینگلیز په‌ناگه‌ه بۆ ئازادیخوازێن رۆژهه‌لاتێ‌ و ژ وانا سه‌ركرده‌ و ره‌وشه‌نبیرێن كورد و لدویڤدا بۆ كوڕێن خۆ یێن زانا و هزرمه‌ند بویه‌ گرتیگه‌ه و گه‌له‌ك جاران كوڕستان...، دگه‌ل حه‌زا مرۆڤی بۆ گوهۆرینێ‌ به‌ره‌ڤ پێش كوسپ و ئاسته‌نگ و زه‌حمه‌تی هه‌نه‌، لێ‌ موسته‌حیل نینه.
17/11/2012 بینین: 1618
وتاره‌کانی تری نوسه‌ر
ئیراق و ئێكگرتنا پێتی‌ ...
كوربه‌ندی‌ زانستی‌ و هیڤیێن ئێك رێزیا ناڤمالا كوردی‌...
سونبولا به‌رخۆدانێ‌...
دره‌وا پێكڤه‌ژیانا كورد و ئه‌ره‌بان ل موسلێ‌...
ته‌لیێن عه‌شیره‌تگه‌ریێ‌ ...
ژ داڤێن داگیركرنێ‌ به‌ره‌ڤ ته‌لییێن عه‌شیره‌تگه‌ریێ‌...
پیڤه‌رێ‌ دیموكراسیێ‌...
بێباوه‌ری د كابینا هه‌شتێ‌ دا ...
ره‌وشته‌كێ‌ كوردینی‌ نیشانبده‌!...
به‌ژنێن وان نه‌ هه‌ژی په‌سنانه‌!؟...
پێكڤه‌ژیان بێ‌ ژییاتی نابه‌...
نه‌ساخیێن جڤاكێن رۆژهه‌لاتا ناڤین...
نیازپاكی‌... خوزیكه‌ك دورده‌سته‌...
دیكه‌...
هه‌لبژارتن...
دوزه‌ك مه‌زن و خونه‌ك بچوك...
گرێیا زمانێ‌ گه‌نگی دێ‌ ڤه‌بیت!؟...
عێراق وه‌لاتێ‌ هه‌مو كه‌س تێدا خۆ قوربان دبینن!...
خوزیكێن هه‌وه‌...
گرانى به‌رى ره‌مه‌زانێ گه‌هشت!...
خواندنگه‌هان پێویستی‌ ب به‌رده‌ستك نه‌ نڤیسه‌ران هه‌یه‌...
بازنه‌...
قاره‌مان نامرن...
رۆل و كاریگه‌رى...
بهارا ملله‌تان... پاییزا دكتاتورانه‌...
راگەهاندنەك شەرمینانە...
د بیست سالان دا...! ...
نوێترین هه‌واڵ...
(سبەى) خۆى نوێ دەکاتەوە ...
ئه‌مڕۆ مه‌كته‌بی‌ سیاسی‌ و سه‌ركردایه‌تی‌ و ئه‌میری‌ كۆمه‌ڵ هەڵدەبژێردرێن...
به‌رشه‌لۆنه‌ دوه‌م نازناوی ئه‌م وه‌رزه‌ی به‌ده‌ستهێنا...
داعش زیندانی تەدمور دەتەقێنێتەوە...
سەرۆكی پەرلەمانی كوردستان: دەستور دەبێت سەقامگیری بەدیبهێنێت...
لیژنەی دەستور هەفتەی چوارجار كۆدەبێتەوە...
بان كی مۆن: 25 هەزار بیانی چونەتەناو گروپە تیرۆرستییەكانەوە...
یەپەگە ئۆپەراسیۆنی دابڕینی داعش لە تورکیا و بەستنەوەی جزیرە و کۆبانی پێکەوە جێبە...
بەڤیدیۆ؛ زەمینلەرزەیەک ژاپۆن دەهەژێنێت .. مەترسی تسۆنامییەکی دیکە دەکرێت...
گۆڕێکی بە کۆمەڵی ئێزیدییەکان دەدۆزرێتەوە .. تەرمی (20) ژن و (33) منداڵ و پیری تێ...
بەڤیدیۆ؛ سیناریۆکانی دابەش بونی عێراق...
داعش هێرش دەکاتە سەر شاری حەسەکە...
عه‌بادی: جیاوازی له‌ نێوان کەوتنی رومادی و موسڵدا هه‌یه‌ ...
عەلی باپیر لە کۆنگرەی حیزبەکەیدا رەخنەی توند لە حکومەت دەگرێت...
(20) سه‌ركرده‌ی داعش لە ئەنبار کوژران...
پێشمەرگە شكست بە هێرشێكی داعش دەهێنێت...
هەرێم و بیلاروسیا پرۆتۆکۆڵێکیان واژۆ کرد...
بیرلسكۆنی: میلان نافرۆشین...
باندێکی (10) کەسى دەستگیر دەکرێن...
شاندێکى گۆڕان بۆ پشتیوانی کورد دەچێتە باکور ...
''لە ساڵێکدا بیانیه‌كانی ناو داعش بەرێژەى (70%) زیادیان کردوە''...
یەک ملیۆن نەمام لە بەردەم مەترسیی وشکبوندان...
بریمه‌ر داوا دەکات چەک بە کورد بدرێت ...
حوسیەکان پارێزگارى سەنعایان کوشت ...
ئێران دەستگیرکردنى چه‌ند تۆڕێكی‌ سه‌ر به‌ داعش رادەگەیەنێت ...