به‌ژنێن وان نه‌ هه‌ژی په‌سنانه‌!؟

محسن عه‌بدولره‌حمان


د رۆژنامه‌یا ئه‌ڤرۆ یا ژماره‌ (1182) ل به‌روارا 19/5/2013ێ‌ دا، ل گوشه‌یا (گڤانده‌) نڤیسه‌ر (محه‌مه‌د چه‌لكی) بابه‌ته‌ك لژێر ناڤێ‌ (نڤیسین) به‌لاڤكرییه‌، تێدا ئاماژه‌كرییه‌ ماموستایه‌كێ‌ زانكۆیا دهوك- پشكا مێژویێ‌ كو لپێش خویندكاران كۆتییه‌ (ملله‌تێ‌ كورد قه‌ردارێ‌ جاشانه‌) هه‌روه‌سا د ژماره‌یا (1185) یا هه‌مان رۆژنامه‌ سه‌یدایێ‌ (ئاشتی گه‌رماڤی) لسه‌ر هه‌مان بابه‌ت نڤیسییه‌، بدیتنا من نه‌ ماموستایه‌كێ‌ زانكۆیێ‌ و نه‌ ساده‌ترین مرۆڤ، نه‌ چ هوشمه‌ند و خۆدان ژیر و نه‌ چ گه‌مشو.. روناهی و تاریێ‌، زانین و نه‌زانینێ‌، خۆگوریكرن و خۆ فرۆشتنێ‌...

ل هه‌ڤبه‌ر ئێك نابینن و هه‌ڤته‌ریب نابن، چنكو چ جار باشی و خرابی، نیشتمانپه‌روه‌ری و خیانه‌ت هه‌ڤناگرن، د ئه‌زه‌ل دا ئاهورامازدا و ئه‌هریمه‌ن هه‌ڤڕكی و شه‌ره‌نیخا خۆ تا داویا ژیانێ‌ بداوی نائینن، كورد دبێژن (یێ‌ ب كێر خۆ نه‌هێت، بكێر كه‌سێ‌ ناهێت) لێ‌ مخابن ئه‌وێن بكێر ملله‌تێ‌ خۆ نه‌هاتین بۆ داگیركه‌ری گه‌له‌ك دفادار و بكێرهاتی بون، به‌رۆڤاژی سونه‌تا ژیانێ‌ كو تاكو كرۆپێن گیانه‌وه‌ران ژ بۆ مان و به‌رده‌وامیێ‌ به‌رامبه‌ر هه‌ر مه‌ترسییه‌كێ‌ هه‌ڤدگرن، تنێ‌ خائین نه‌بن، هه‌ر خائینه‌ك بیت، گه‌نگی و ل كیده‌ری و ژ چ توخم و نڤش بیت، هه‌ر شكه‌ستی و شه‌رمزار و بێ‌ رومه‌ته‌، چنكو ل نه‌خۆشترین بار و به‌رته‌نگترین ده‌لیڤه‌دا دبیته‌ دارده‌ستی دوژمنی، ل جهێ‌ هنده‌ك كه‌س به‌هانه‌یان بۆ كریارا خیانه‌تێ‌ دگه‌ڕن، بلا ل هه‌لویستێ‌ ملله‌تان بنێرین، هه‌مو ملله‌ت خائینان سزادده‌ن و نه‌فره‌تبار دكه‌ن و بورینا ب سه‌دان و هزاران سالان ئه‌و شه‌رمزاری بۆ دمینیت، ل بیرا منه‌ ده‌مێ‌ ئه‌م خویندكارێن سه‌ره‌تایێ‌ ب فه‌رمان ئه‌م ب رێپیڤان ژ خواندنگه‌هێ‌ به‌ره‌ڤ ئاڤاهیێ‌ پارێزگه‌ها موسل ده‌رئێخستین، دروشم گه‌له‌ك بون لێ‌ دروشمێ‌ (ابو رغال یا جبان یا عمیل الامریكان) یێ‌ سه‌ره‌كی بو، ئه‌ڤه‌ ل وی ده‌مێ‌ سه‌رۆكێ‌ میسری (ئه‌نوه‌ر سادات) ئه‌وێ‌ ئێكه‌مین و داوی نیمچه‌ سه‌ركه‌فتن ل سه‌ر ئیسرائیل ئینای و له‌شكرێ‌ وی شیای ژ هێلا (بارلیف) به‌ره‌ڤ بیابانا سینایێ ده‌ربازببیت، ئه‌ڤی سه‌رۆكی پشتی سه‌ركه‌فتنێ‌ په‌یمانا ئاشتیێ‌ ل گه‌ل ئیسرائیل موهركر، لێ‌ چنكو ب سه‌ره‌دانه‌كێ‌ چو ئیسرائیل ب (ئه‌بو ریغال) هاته‌ ناڤكرن، ئه‌ز ب گومانم كو ماموستایه‌كێ‌ زانكۆیێ‌ په‌سنا جاشاتیێ‌ بكه‌ت و بزانیت ئه‌بو ریغال كییه‌، خوینده‌ڤان ژی دبیت بپرسیت ئه‌ڤێ‌ چ گرێدان ب بابه‌تێ‌ جاشاتیێ‌ ڤه‌ هه‌یه‌!؟

لدوڤ ژێده‌رێن مێژویا ئه‌ره‌بی ئه‌بو ریغال ئه‌و ده‌شته‌كیێ‌ ئه‌ره‌به‌ یێ‌ ل پێشییا له‌شكرێ‌ ئه‌بره‌هه‌ی بویه‌ رێنیشانده‌ر، ئه‌وێ‌ ب مه‌ره‌ما ژناڤبرنا كه‌عبی دایه‌ رێ‌، هوسا و پشتی بورینا (1500) سالان و هێژ ئه‌بو ریغال هیمایێ‌ خیانه‌تێ‌ و ره‌جماندنێ‌ مایه‌، له‌ورا ژ ماموستای دپرسم ئه‌رێ‌ به‌رهۆشه‌ كه‌سه‌ك پێش تنێ‌ (25) سالان كه‌فتبیته‌ پێشییا له‌شكره‌كی ژ له‌شكرێ‌ ئه‌بره‌هه‌ی ب هژمارێ‌ پتر و دوڕنده‌تر، ب چه‌كی پێشكه‌ڤتیتر و لبه‌ر ده‌ستی شیانێن مه‌زنتر، هێرش كربیته‌ كوردستانێ‌ ب نیازه‌ك ژ یا ئه‌بره‌هه‌ی پیسه‌كتر، ئه‌وژی ژناڤبرنا ملله‌تێ‌ كورده‌ و وێرانكرنا كوردستانێ‌ یه‌، و ئه‌ڤرۆ و هێش قوربانیێن ره‌شه‌ ئه‌نفالان د ناڤ مه‌ دا و ل جهێ‌ شه‌رمزاركرن و سزادانا وان هنده‌ك خۆ ب زانا و ره‌وشه‌نبیر بزانن و په‌سنا كرێتییا وان بكه‌ن، ئه‌رێ‌ كه‌سه‌ك خۆدان ژیر ڤێ‌ قه‌بول بكه‌ت!؟ لێ‌ من ئێك به‌هانه‌ بۆ ته‌ هه‌یه‌، ئه‌وژی ئه‌گه‌ر ده‌ستهه‌لاتا كوردی خه‌لات نه‌كربان، ئه‌ڤرۆ ته‌ ژی په‌سنا وان نه‌دكر.

ناپلیون پوناپه‌رت ده‌ستێ‌ خۆ ناكه‌ته‌ دده‌ستێ‌ ئه‌فسه‌ركێ‌ خیانه‌ت ل ملله‌تێ‌ خۆ كری، تنێ‌ ژ هه‌ژی مسته‌كا دراڤی دبینیت. و چاوا سه‌رانێن جاشاتیێ‌ خه‌لاتێ‌ خۆ ل سه‌ر ده‌مێ‌ داگیركه‌ری وه‌رگرت وه‌سا ل سه‌ر ده‌مێ‌  كوردینیێ‌ ژی وه‌رگرت، لێ‌ نه‌ عه‌لی كیمیایی و نه‌ حزبێن كوردی په‌سنا جاشان نه‌كرییه‌ و به‌ژنێن وان یێن كورت هه‌ژی په‌سنا نه‌ دیتینه‌، چنكو ئه‌وان خۆ هێژایی مسته‌ك پاره‌ی نه‌ په‌سنان دیتیه.
31/05/2013 بینین: 2604
وتاره‌کانی تری نوسه‌ر
ئیراق و ئێكگرتنا پێتی‌ ...
كوربه‌ندی‌ زانستی‌ و هیڤیێن ئێك رێزیا ناڤمالا كوردی‌...
سونبولا به‌رخۆدانێ‌...
دره‌وا پێكڤه‌ژیانا كورد و ئه‌ره‌بان ل موسلێ‌...
ته‌لیێن عه‌شیره‌تگه‌ریێ‌ ...
ژ داڤێن داگیركرنێ‌ به‌ره‌ڤ ته‌لییێن عه‌شیره‌تگه‌ریێ‌...
پیڤه‌رێ‌ دیموكراسیێ‌...
بێباوه‌ری د كابینا هه‌شتێ‌ دا ...
ره‌وشته‌كێ‌ كوردینی‌ نیشانبده‌!...
پێكڤه‌ژیان بێ‌ ژییاتی نابه‌...
نه‌ساخیێن جڤاكێن رۆژهه‌لاتا ناڤین...
نیازپاكی‌... خوزیكه‌ك دورده‌سته‌...
دیكه‌...
هه‌لبژارتن...
دوزه‌ك مه‌زن و خونه‌ك بچوك...
گرێیا زمانێ‌ گه‌نگی دێ‌ ڤه‌بیت!؟...
حه‌زا گوهۆرینێ‌...
عێراق وه‌لاتێ‌ هه‌مو كه‌س تێدا خۆ قوربان دبینن!...
خوزیكێن هه‌وه‌...
گرانى به‌رى ره‌مه‌زانێ گه‌هشت!...
خواندنگه‌هان پێویستی‌ ب به‌رده‌ستك نه‌ نڤیسه‌ران هه‌یه‌...
بازنه‌...
قاره‌مان نامرن...
رۆل و كاریگه‌رى...
بهارا ملله‌تان... پاییزا دكتاتورانه‌...
راگەهاندنەك شەرمینانە...
د بیست سالان دا...! ...
نوێترین هه‌واڵ...
(سبەى) خۆى نوێ دەکاتەوە ...
ئه‌مڕۆ مه‌كته‌بی‌ سیاسی‌ و سه‌ركردایه‌تی‌ و ئه‌میری‌ كۆمه‌ڵ هەڵدەبژێردرێن...
به‌رشه‌لۆنه‌ دوه‌م نازناوی ئه‌م وه‌رزه‌ی به‌ده‌ستهێنا...
داعش زیندانی تەدمور دەتەقێنێتەوە...
سەرۆكی پەرلەمانی كوردستان: دەستور دەبێت سەقامگیری بەدیبهێنێت...
لیژنەی دەستور هەفتەی چوارجار كۆدەبێتەوە...
بان كی مۆن: 25 هەزار بیانی چونەتەناو گروپە تیرۆرستییەكانەوە...
یەپەگە ئۆپەراسیۆنی دابڕینی داعش لە تورکیا و بەستنەوەی جزیرە و کۆبانی پێکەوە جێبە...
بەڤیدیۆ؛ زەمینلەرزەیەک ژاپۆن دەهەژێنێت .. مەترسی تسۆنامییەکی دیکە دەکرێت...
گۆڕێکی بە کۆمەڵی ئێزیدییەکان دەدۆزرێتەوە .. تەرمی (20) ژن و (33) منداڵ و پیری تێ...
بەڤیدیۆ؛ سیناریۆکانی دابەش بونی عێراق...
داعش هێرش دەکاتە سەر شاری حەسەکە...
عه‌بادی: جیاوازی له‌ نێوان کەوتنی رومادی و موسڵدا هه‌یه‌ ...
عەلی باپیر لە کۆنگرەی حیزبەکەیدا رەخنەی توند لە حکومەت دەگرێت...
(20) سه‌ركرده‌ی داعش لە ئەنبار کوژران...
پێشمەرگە شكست بە هێرشێكی داعش دەهێنێت...
هەرێم و بیلاروسیا پرۆتۆکۆڵێکیان واژۆ کرد...
بیرلسكۆنی: میلان نافرۆشین...
باندێکی (10) کەسى دەستگیر دەکرێن...
شاندێکى گۆڕان بۆ پشتیوانی کورد دەچێتە باکور ...
''لە ساڵێکدا بیانیه‌كانی ناو داعش بەرێژەى (70%) زیادیان کردوە''...
یەک ملیۆن نەمام لە بەردەم مەترسیی وشکبوندان...
بریمه‌ر داوا دەکات چەک بە کورد بدرێت ...
حوسیەکان پارێزگارى سەنعایان کوشت ...
ئێران دەستگیرکردنى چه‌ند تۆڕێكی‌ سه‌ر به‌ داعش رادەگەیەنێت ...