دوزه‌ك مه‌زن و خونه‌ك بچوك

محسن عه‌بدولره‌حمان

هه‌ڤسویێ‌ خراب نابیته‌ برا...
ده‌مێ‌ مرۆڤ ل روبه‌رێ‌ به‌رفره‌هێ‌ كوردستانێ‌ یا ب نیڤ ملیون كیلومه‌ترێن چارگۆشه‌ و ملله‌تێ‌ ب چل ملیونان دهێته‌ ته‌خمینكرن دنێریت، ئه‌ڤ ئاخا ده‌وله‌مه‌ند و جهێ‌ ستراتیژی و ملله‌تێ‌ خۆگوریكه‌ر و مێژویا دێرین و زمانێ‌ زیندی و...، كو كورد هنده‌ك قۆناغان دا جهه‌ك هێژا و گرنگ د مێژویێ‌ دا ڤه‌گرتیه‌ و ژ زانا و سه‌ركردان جچار ڤالا نه‌بویه‌...، مخابن ئه‌ڤه‌ ماوه‌یه‌ك په‌ژییه‌ك كوشنده‌ ڤه‌گرتیه‌، كو دبیت كورد ئێكه‌م ملله‌تێ‌ ب ڤی هژمارێ‌ و بێ‌ ده‌وله‌ت بیت و یا ژ هه‌میێ‌ كمباختر ئه‌وه‌ دبیت كورد ئێكه‌م ملله‌ت بیت دبێژیته‌ دوژمن و داكیرگه‌رێ‌ وه‌لاتێ‌ خو برا!؟ چاوا ئه‌وێن خوین و ناموس و مالێ‌ مرۆڤی ل زك و بن زكێ‌ خۆ حه‌لال دكه‌ت برایه‌!؟ ئه‌رێ‌ پشتی ڤان هه‌می كاره‌سات و مه‌رگه‌سات و مالوێرانیێ‌ گه‌نگی دێ‌ جوداهیێ‌ د ناڤبه‌را برایینی و هه‌ڤسه‌یاتییێ‌ دا كه‌ین؟ ئه‌ڤ هزر و سه‌ره‌ده‌ری و كریارا نیكه‌تیف د ئه‌قلێ‌ كوردی دا به‌رهه‌مێ‌ گه‌له‌ك ئه‌گه‌ر و هوكارانه‌ وه‌كو:

١- یێ‌ بیردانكبون (فقدان الذاكره‌) باوه‌رناكه‌م ملله‌ته‌ك وه‌كو كوردان بێ‌ بیردانك بیت و زو تشتان ژبیردكه‌ت، ئه‌وا ل سه‌رده‌ستێ‌ برایێن دوژمن ب سه‌رێ‌ كوردان هاتی دگه‌ل ئه‌وا ب سه‌رێ‌ جوهییان هاتی، ناهێته‌ به‌راوردكرن...، لێ‌ جوهیان زمان و مێژویا خۆ یا خویینا ژبیرنه‌كه‌ن و هه‌ر گۆتنه‌ خۆ (ملله‌تێ‌ خودێ‌ یێ‌ بژاره‌) و ل به‌رانبه‌ر كورد ژ خۆ نه‌پرسینه‌ (خودێ‌ ل پیروزترین جه من په‌یا بكه‌) و ده‌مێ‌ ئاخفتن لدور ئه‌نفالان بیت په‌یڤا (هه‌تا گه‌نگی؟) دبهیسین، برینه‌ك هیش هه‌ودای، پاشمایێن قوربانان هێژ د ناڤ مه‌ دا ئازاران دكێژن، هێش دیمه‌نێن خوین و ئه‌شكه‌نجه‌دانێ‌ د خه‌ونێن وان دانه‌، روندك هێش ژ چاڤێن دایكان زوها نه‌بوینه‌، ئاخینك و په‌رۆشی بۆ مێران د دلێ‌ ژنان دا نه‌مرینه‌، تنێ‌ ئه‌گه‌ر كورد ئاماره‌كێ‌ بۆ وان خرابیێن ئه‌ره‌بێن ئیراقێ‌ كرین، چ قه‌له‌م نه‌شێن بدروستی بنڤێسن، چه‌رخه‌ك ژ گوشتن و تالانكرن و سێداره‌دان...، ژ هه‌ژاری و نه‌زانكرنێ‌ ژ ئه‌ره‌بكرنا ئه‌رد و مرۆڤی و كرێتكرنا ناڤ و زمان و مێژویێ‌...، هه‌ر ده‌ستهه‌لاته‌كێ‌ ل گوره‌ی ده‌م و جه و رێژه‌یا هێز و شیان و هۆیێن به‌رده‌ست بۆ چه‌وساند و ژناڤبرن و حه‌لاندنێ‌ د كوفكا عروبه‌تێ‌ دا درێغی نه‌كرییه‌.

٢- ئولدارییا شاش:ئۆل، ئایین، دین چ ناڤ ل سه‌ر دانین و بێ‌ بنیاسین، هه‌ر دمینیت بزاڤه‌ك چاگساز ل ده‌م و جهه‌ك ده‌ستنیشانكری لژێر كاودانه‌ك تایبه‌ت وه‌كو پێدڤییه‌ك په‌یدابوینه‌، زانایێ‌ فره‌نسی (پۆل لاڤارچ) دبێژیت (دینی ساخله‌تیێن ساده‌ هه‌نه‌) لێ‌ هه‌مان دین لگه‌ل بورینا ده‌می ئالۆز دبیت و پتر ژ ناڤه‌رۆكێ‌ گرنگیێ‌ ب ئاییرده‌یان دده‌ت، ئه‌ڤ پێگریا زێده‌ ب ئاییرده‌یان تاكو وه‌ك دیارده‌ بشێوه‌كێ‌ زیق ژ كار و كوكا موسلمانان دیاردبیت، دڤان سالێن داویێ‌ دا بشێوه‌كێ‌ روهن و ئاشكرا ل جادا كوردی به‌رچاڤ دبیت، بتایبه‌ت به‌رهه‌ڤبون ل نڤێژا ئه‌ینی كو جه ل مزگه‌فتان نامینیت و ل به‌ركرنا ژنان بۆ عه‌بایێ‌ خه‌لیجی و بكارئینان مالپه‌رێن ئه‌نترنێت و فیسبوكی بۆ پرۆپاكندا دینی... ئه‌گه‌ر ئه‌ڤ هه‌می موسلمان ب په‌یام و رێنمایێن ئیسلامێ‌ د پێكیربن، پا.. كی خرابكاره‌!؟ ئه‌م هه‌می گازندان ژ گه‌نده‌لییا كارگێری و دارایی و بێ‌ وژدانییا بازاری و خه‌مساریێ‌ د كاركرنا فه‌رمانبه‌رێن ده‌وله‌تێ‌ دا...دكه‌ین، ئێك ژ ئه‌گه‌رێن گرنگ ئه‌گه‌ر نه‌ گرنگترین بیت نه‌رێ‌ و نیگه‌تیڤیا ئه‌قلێ‌ كوردی یێ‌ مرۆڤینی و نه‌ته‌وه‌یێ‌ ئولدارییا شاشه‌، شاش تێگه‌هشتن و شرۆڤه‌كرنا تێكستێ‌ دینی یه‌ ژ ته‌ئویلكرنا ئایه‌ت و فه‌رموده‌یان لدویڤ حه‌ز و به‌رژه‌وه‌ندیا تایبه‌ت چ یا كه‌س یان ده‌ستهه‌لات بیت، كو عه‌ره‌با و خه‌لكه‌كێ‌َ دی مفا ژێ‌ وه‌رگرتییه‌ وه‌كو تركێن تورانیێن ژ ده‌شتێن سارێن ناڤه‌راستا ئاسیا هاتین و ده‌وله‌تا ئوسمانی بناڤێ‌ ئیسلامێ‌ دامه‌زراندی و بۆ ماوێ‌ پێنچ چه‌رخان ل ستویێ‌ ملله‌تان سواربوین.

٣- ساده‌یی: ژ ساده‌یا عه‌قلێ‌ مرۆڤێ‌ كورد ئه‌وه‌ كو پتر ژ دیتنێ‌ باوه‌ر ژ بهیستنێ‌ دكه‌ت، بۆ نمونه‌ سیاسه‌تڤانه‌ك گوتاره‌كێ‌ و ره‌وشه‌نبیره‌ك سمیناره‌كێ‌ و مه‌لایه‌ك خۆتبه‌كێ‌ پێشكێش بكه‌ن، عه‌جێبییا دێ‌ بینی ده‌مێ‌ ل رێژه‌یا به‌رهه‌ڤبویان و گوهداریێ‌ بۆ هه‌ر ئێكی ژ ڤان به‌رێزان رۆل و كارتێكرن و ئاستێ‌ هزریێ‌ خه‌لكی دیاردكه‌ت، هه‌لبه‌ت ده‌نگێ‌ مه‌لای ده‌نگێ‌ هه‌ره‌ بلنده‌، لێ‌ مخابن ئاستێ‌ وان یێ‌ هزری و ره‌وشه‌نبیری و جڤاكی و هه‌لویستێ‌ وان ل به‌رانبه‌ر كێشه‌یێن مرۆڤینی و نه‌ته‌وه‌یی ل گه‌ل مه‌لایه‌كێ‌ ئه‌ره‌ب چ ئاستێن هه‌ڤبه‌ركرنێ‌ نینه‌، ئولدارێن ملله‌تان ژییاتی بۆ ئاخ و وه‌لاتێ‌ خۆ پاشی بۆ مرۆڤینی و دینی هه‌یه‌، به‌رۆڤاژی ئولدارێن كورد كو موسلمانه‌ و موسلمانه‌ و موسلمانه‌! ئه‌ڤه‌ گه‌هشتییه‌ وێ‌ راددی كو به‌هه‌شت و ئیمان هه‌مو كوبیتكا ئومێدا مرۆڤێ‌ كورد بیت و بێژته‌ داگیركه‌رێ‌ وه‌لاتێ‌ خۆ برا.
10/12/2012 بینین: 1550
وتاره‌کانی تری نوسه‌ر
ئیراق و ئێكگرتنا پێتی‌ ...
كوربه‌ندی‌ زانستی‌ و هیڤیێن ئێك رێزیا ناڤمالا كوردی‌...
سونبولا به‌رخۆدانێ‌...
دره‌وا پێكڤه‌ژیانا كورد و ئه‌ره‌بان ل موسلێ‌...
ته‌لیێن عه‌شیره‌تگه‌ریێ‌ ...
ژ داڤێن داگیركرنێ‌ به‌ره‌ڤ ته‌لییێن عه‌شیره‌تگه‌ریێ‌...
پیڤه‌رێ‌ دیموكراسیێ‌...
بێباوه‌ری د كابینا هه‌شتێ‌ دا ...
ره‌وشته‌كێ‌ كوردینی‌ نیشانبده‌!...
به‌ژنێن وان نه‌ هه‌ژی په‌سنانه‌!؟...
پێكڤه‌ژیان بێ‌ ژییاتی نابه‌...
نه‌ساخیێن جڤاكێن رۆژهه‌لاتا ناڤین...
نیازپاكی‌... خوزیكه‌ك دورده‌سته‌...
دیكه‌...
هه‌لبژارتن...
گرێیا زمانێ‌ گه‌نگی دێ‌ ڤه‌بیت!؟...
حه‌زا گوهۆرینێ‌...
عێراق وه‌لاتێ‌ هه‌مو كه‌س تێدا خۆ قوربان دبینن!...
خوزیكێن هه‌وه‌...
گرانى به‌رى ره‌مه‌زانێ گه‌هشت!...
خواندنگه‌هان پێویستی‌ ب به‌رده‌ستك نه‌ نڤیسه‌ران هه‌یه‌...
بازنه‌...
قاره‌مان نامرن...
رۆل و كاریگه‌رى...
بهارا ملله‌تان... پاییزا دكتاتورانه‌...
راگەهاندنەك شەرمینانە...
د بیست سالان دا...! ...
نوێترین هه‌واڵ...
(سبەى) خۆى نوێ دەکاتەوە ...
ئه‌مڕۆ مه‌كته‌بی‌ سیاسی‌ و سه‌ركردایه‌تی‌ و ئه‌میری‌ كۆمه‌ڵ هەڵدەبژێردرێن...
به‌رشه‌لۆنه‌ دوه‌م نازناوی ئه‌م وه‌رزه‌ی به‌ده‌ستهێنا...
داعش زیندانی تەدمور دەتەقێنێتەوە...
سەرۆكی پەرلەمانی كوردستان: دەستور دەبێت سەقامگیری بەدیبهێنێت...
لیژنەی دەستور هەفتەی چوارجار كۆدەبێتەوە...
بان كی مۆن: 25 هەزار بیانی چونەتەناو گروپە تیرۆرستییەكانەوە...
یەپەگە ئۆپەراسیۆنی دابڕینی داعش لە تورکیا و بەستنەوەی جزیرە و کۆبانی پێکەوە جێبە...
بەڤیدیۆ؛ زەمینلەرزەیەک ژاپۆن دەهەژێنێت .. مەترسی تسۆنامییەکی دیکە دەکرێت...
گۆڕێکی بە کۆمەڵی ئێزیدییەکان دەدۆزرێتەوە .. تەرمی (20) ژن و (33) منداڵ و پیری تێ...
بەڤیدیۆ؛ سیناریۆکانی دابەش بونی عێراق...
داعش هێرش دەکاتە سەر شاری حەسەکە...
عه‌بادی: جیاوازی له‌ نێوان کەوتنی رومادی و موسڵدا هه‌یه‌ ...
عەلی باپیر لە کۆنگرەی حیزبەکەیدا رەخنەی توند لە حکومەت دەگرێت...
(20) سه‌ركرده‌ی داعش لە ئەنبار کوژران...
پێشمەرگە شكست بە هێرشێكی داعش دەهێنێت...
هەرێم و بیلاروسیا پرۆتۆکۆڵێکیان واژۆ کرد...
بیرلسكۆنی: میلان نافرۆشین...
باندێکی (10) کەسى دەستگیر دەکرێن...
شاندێکى گۆڕان بۆ پشتیوانی کورد دەچێتە باکور ...
''لە ساڵێکدا بیانیه‌كانی ناو داعش بەرێژەى (70%) زیادیان کردوە''...
یەک ملیۆن نەمام لە بەردەم مەترسیی وشکبوندان...
بریمه‌ر داوا دەکات چەک بە کورد بدرێت ...
حوسیەکان پارێزگارى سەنعایان کوشت ...
ئێران دەستگیرکردنى چه‌ند تۆڕێكی‌ سه‌ر به‌ داعش رادەگەیەنێت ...