سونبولا به‌رخۆدانێ‌

محسن عه‌بدولره‌حمان


بدرێژییا جادێ‌ ژ هه‌ولێرا پایته‌خت تا كۆبانا به‌رخۆدانا برومه‌ت، بده‌هان و سه‌دان هزار كه‌س ژ ده‌ڤه‌رێن جودایێن سه‌رانسه‌ری‌ كوردستانێ‌ وه‌كو پیرۆزكرن ل وێ‌ هێزا پێشمه‌رگان یێن بۆ هه‌ڤكاری‌ و پشته‌ڤانیكرنا شه‌رڤانێن كۆبانی‌ دچون پپێشوازیكرن، ئه‌ڤی‌ خه‌لكی‌ ب نونه‌راتییا هه‌ر كورده‌كی‌ پشته‌ڤانییا خۆ بۆ هاریكاریكرنا كۆبانێ‌ دیاركر و شاندنا پێشمه‌رگه‌ی‌ ب فه‌رمانا سه‌رۆكێ‌ هه‌رێمێ‌ و په‌رله‌مانێ‌ كوردستانێ‌ په‌سه‌ندكرن، ئه‌و گه‌رمی‌ و ئه‌ڤینی‌، په‌رۆشی‌ و ئومێد روندك و بشكوڕین ده‌ربڕین ژ هه‌ستا یه‌كبونا نه‌ته‌وه‌یی‌ و حه‌زا ئازادی‌ ملله‌تی‌ و سه‌رخۆبونا وه‌لاتی‌ بو، د هه‌لچونێن ده‌رونی‌ یێن دیمه‌نێن كه‌رنه‌ڤالا پێشوازیكرنێ‌ دا؛ هه‌لویسته‌ك ده‌ربڕینكه‌ر من دیت و داخوازییه‌ك نه‌گۆتی‌ و رانه‌گه‌هاندی‌ من خواند، یا ئێكێ‌ ژییاتیا ڤه‌بڕ بۆ وه‌لاتی‌ یا چجار جهێ‌ گۆمانێ‌ نه‌بویه‌ و یا دویێ‌ و گرنگ و فه‌رتر په‌یامه‌ك ڤه‌كری‌ بو یه‌كرێزیه‌كا حیزبێن سیاسی‌ یێن/هه‌ر ب شقاقن/ كو ناكوكیێن خۆ بداوی‌ بینن، ل سه‌ر ته‌رزێ‌ یه‌كرێزی‌ و هه‌لویستییا ملله‌تی‌! ئه‌ڤه‌ ملله‌ته‌ك بنده‌ست دئێكه‌م ده‌رفه‌تدا عه‌شقا خۆ بۆ ئازادیێ‌، عه‌شقا كۆبانییا بۆ ژیانێ‌ بگۆتن و كریار ده‌ربڕین و سه‌لماندن.

ئه‌گه‌ر دوهی‌ هه‌له‌بجه‌یا شه‌هید ناسنامه‌یا مه‌زلومییه‌تا مێژویی‌ یا گه‌لێ‌ كورد و زۆرداری‌ و سته‌ما داگیركه‌ران ل كومبوندێن جیهانێ‌ به‌رجه‌سته‌كربیت، ئه‌ڤرۆ كۆبانێ‌ ب شیان و هێژایی‌ ناسنامه‌یا به‌رخۆدانا گه‌لێ‌ كورد گه‌هانده‌ ته‌ڤایا مرۆڤاتیێ‌، ئه‌و به‌رخۆدانا كوردان/ كۆبانێ‌/ ب قوربانیێن خۆیێن هه‌ره‌ مه‌زن ژ بیاڤێ‌ باژاروكه‌ك ژبیركری‌ و كانتونه‌ك ڤه‌ده‌ر و نه‌دانپێدانكری‌ تێپه‌ربویه‌ و د سونبولبونێ‌ دا ل مه‌زنه‌ باژێرێن جیهانێ‌ دا جهێ‌ خۆ گرتی‌ و پشته‌ڤانی‌ لێهاتییه‌كرن، د هۆندر به‌رخۆدانا كۆبانێ‌ دا شه‌رڤان نه‌تنێ‌ هه‌ڤڕكیا هۆڤاتییا رێكخستنه‌ك كاوركه‌ر دكه‌ن، به‌لكو داگیركرن و دابه‌شبونا وه‌لاتێ‌ خۆ ره‌تدكه‌ن و ناسنامه‌ و یه‌كبونا وه‌لات و ملله‌تێ‌ خۆ دسه‌پینن، ب هه‌مان روحییه‌تا خه‌باتا سه‌دسالا بورییه‌، ئه‌وژی‌ قوربانیدان ب بهاترین تشت و خۆشتڤیترین كه‌س/ ل كۆبانێ‌ وه‌لاتێ‌ ئێكێ‌/ دایك/ جگه‌را خۆ د زكێ‌ وه‌لاتێ‌ دویێ‌ دا ڤه‌دشێریت.

لڤێره‌ پرس ئه‌ڤه‌یه‌، ئه‌گه‌ر كورد ئه‌ڤ ملله‌تێ‌ گوهدار و خۆگوریكه‌رێ‌ تێهنیێ‌ سه‌ربه‌ستیێ‌ یه‌، گه‌لو؛ پا... د سه‌د سالا بوری‌ دا /1914- 2014/ چ ئه‌گه‌ر و هۆكار لژێر سۆلا داگیركه‌ری‌ هێلا، شاشی‌ لكیده‌رێ‌ بویه‌!؟

بدیتنا من ئه‌وژی‌ دو ئه‌گه‌رن، یا ئێكێ‌ قۆناغ و كاودانێن وی‌ سه‌رده‌می‌ و به‌رژه‌وه‌ندیێن سیاسی‌ و ئابوری‌ یێن نێڤده‌وله‌تی‌، لێ‌ یا دویێ‌ و گرنگتر نه‌بونا سه‌ركرده‌كی‌ دوربین و ل ئاست رودان و گوهۆرینێن رودای‌ بو.

ژ سه‌ربۆرێن ملله‌تان دیاردبیت/ ملله‌ت سه‌ركرده‌ی‌ چێدكه‌ت و سه‌ركرده‌ سه‌ركه‌فتنێ‌ بده‌ستڤه‌دئینیت/ د ڤێ‌ هه‌ڤكێشێ‌ دا كوردان چه‌سپاندییه‌ كو ملله‌ته‌ك زیندی‌ و چالاك و ب ڤه‌ژه‌نن، خۆراگریا به‌رخۆدانا كۆبانێ‌ ب هژماره‌كا شه‌رڤانان و چه‌كه‌كێ‌ كێم خۆ ل هه‌مبه‌ر دوژمنه‌كی‌ راگرتییه‌، كو هێزێن له‌شكری‌ یێن رێكخستی‌ ل دو ده‌وله‌تان بساناهی‌ ده‌ست ژ چه‌كی‌ خۆ به‌ردان و بازدان هه‌مبه‌ر هه‌مان دوژمن، ئه‌ڤه‌ كارتێكرن و سێهربه‌ندیا هه‌بونا باوه‌ریێ‌ دناڤبه‌را گه‌ل و سه‌ركردایه‌تیێ‌ دا، پلان و ستراتیژیا له‌شكری‌ یا ژه‌نه‌رال و مارشالێن دو ده‌وله‌تا به‌رامبه‌ر سه‌ركێشییا / نارین عه‌فرینی‌/ شكه‌ستن و شه‌رمزاربون، داكه‌فتن و سه‌رنه‌گرتنا حوكمرانییه‌ك سه‌ركه‌فتی‌ و دادوه‌ر/ بێ‌ تفاقیا حیزبان/ ل هه‌رێما كوردستانێ‌ د بیست و دو سالان دا ڤێ‌ راستیێ‌ خۆیادكه‌ت، ئه‌وژی‌ ئه‌ڤ راستیا تاله‌ هه‌ڤڕكیا حیزبی‌ یا پتریا جاران دگه‌هشته‌ ئاستی‌ دوژمناهیا و بكارئینانا هێزی‌ و تا له‌شكركێشیێ‌ ئه‌وا لپێش پێشڤه‌چونێ‌ به‌ره‌ڤ رزگاربونێ‌ بویه‌ ئاسته‌نگ و به‌ربه‌ست، ئانكو كه‌سێن سه‌ركرده‌ و سه‌ركردایه‌تی‌ پتر ژ زه‌لامێن دامه‌زراندنا ده‌وله‌تێ‌ بازرگانێن /سیاسی‌ – ئابوری‌/ هه‌روه‌سا ناوچه‌گه‌ر و عه‌شیره‌تگه‌ربونه‌، پڕسا نها و سۆبه‌هی‌ كۆبانێ‌ ئینایه‌ رۆژه‌ڤێ‌ ژبلی‌ به‌رخۆدانا شه‌رڤانان و پشته‌ڤانیكرنا پێشمه‌رگان ئه‌وه‌ كه‌نگی‌ بكریار ته‌ڤایا سه‌ركرده‌ و حیزبێن كوردی‌ دێ‌ ژ سه‌ر ته‌خت و عه‌رشێن خۆ یێن وه‌همی‌ و ئاشۆپی‌ پایه‌كی‌ په‌یابن و داكه‌ڤن ناڤا ملله‌تی‌، و دێ‌ خۆ ب خزمه‌تكارێن ملله‌تی‌، نه‌ ملله‌تی‌ ب سه‌پانێن خۆ زانن!؟

ئه‌و سه‌ركردێن بۆ ملله‌تێن خۆ مرین، ل ژیانێ‌ هه‌ر نه‌مر ماینه‌؛ و ئه‌و سه‌ركردێن ملله‌ت بۆ وان ژیانن، ئه‌و د ژیانێ‌ ب خۆ دا دمری‌ بونه‌.
13/11/2014 بینین: 6497
وتاره‌کانی تری نوسه‌ر
ئیراق و ئێكگرتنا پێتی‌ ...
كوربه‌ندی‌ زانستی‌ و هیڤیێن ئێك رێزیا ناڤمالا كوردی‌...
دره‌وا پێكڤه‌ژیانا كورد و ئه‌ره‌بان ل موسلێ‌...
ته‌لیێن عه‌شیره‌تگه‌ریێ‌ ...
ژ داڤێن داگیركرنێ‌ به‌ره‌ڤ ته‌لییێن عه‌شیره‌تگه‌ریێ‌...
پیڤه‌رێ‌ دیموكراسیێ‌...
بێباوه‌ری د كابینا هه‌شتێ‌ دا ...
ره‌وشته‌كێ‌ كوردینی‌ نیشانبده‌!...
به‌ژنێن وان نه‌ هه‌ژی په‌سنانه‌!؟...
پێكڤه‌ژیان بێ‌ ژییاتی نابه‌...
نه‌ساخیێن جڤاكێن رۆژهه‌لاتا ناڤین...
نیازپاكی‌... خوزیكه‌ك دورده‌سته‌...
دیكه‌...
هه‌لبژارتن...
دوزه‌ك مه‌زن و خونه‌ك بچوك...
گرێیا زمانێ‌ گه‌نگی دێ‌ ڤه‌بیت!؟...
حه‌زا گوهۆرینێ‌...
عێراق وه‌لاتێ‌ هه‌مو كه‌س تێدا خۆ قوربان دبینن!...
خوزیكێن هه‌وه‌...
گرانى به‌رى ره‌مه‌زانێ گه‌هشت!...
خواندنگه‌هان پێویستی‌ ب به‌رده‌ستك نه‌ نڤیسه‌ران هه‌یه‌...
بازنه‌...
قاره‌مان نامرن...
رۆل و كاریگه‌رى...
بهارا ملله‌تان... پاییزا دكتاتورانه‌...
راگەهاندنەك شەرمینانە...
د بیست سالان دا...! ...
نوێترین هه‌واڵ...
(سبەى) خۆى نوێ دەکاتەوە ...
ئه‌مڕۆ مه‌كته‌بی‌ سیاسی‌ و سه‌ركردایه‌تی‌ و ئه‌میری‌ كۆمه‌ڵ هەڵدەبژێردرێن...
به‌رشه‌لۆنه‌ دوه‌م نازناوی ئه‌م وه‌رزه‌ی به‌ده‌ستهێنا...
داعش زیندانی تەدمور دەتەقێنێتەوە...
سەرۆكی پەرلەمانی كوردستان: دەستور دەبێت سەقامگیری بەدیبهێنێت...
لیژنەی دەستور هەفتەی چوارجار كۆدەبێتەوە...
بان كی مۆن: 25 هەزار بیانی چونەتەناو گروپە تیرۆرستییەكانەوە...
یەپەگە ئۆپەراسیۆنی دابڕینی داعش لە تورکیا و بەستنەوەی جزیرە و کۆبانی پێکەوە جێبە...
بەڤیدیۆ؛ زەمینلەرزەیەک ژاپۆن دەهەژێنێت .. مەترسی تسۆنامییەکی دیکە دەکرێت...
گۆڕێکی بە کۆمەڵی ئێزیدییەکان دەدۆزرێتەوە .. تەرمی (20) ژن و (33) منداڵ و پیری تێ...
بەڤیدیۆ؛ سیناریۆکانی دابەش بونی عێراق...
داعش هێرش دەکاتە سەر شاری حەسەکە...
عه‌بادی: جیاوازی له‌ نێوان کەوتنی رومادی و موسڵدا هه‌یه‌ ...
عەلی باپیر لە کۆنگرەی حیزبەکەیدا رەخنەی توند لە حکومەت دەگرێت...
(20) سه‌ركرده‌ی داعش لە ئەنبار کوژران...
پێشمەرگە شكست بە هێرشێكی داعش دەهێنێت...
هەرێم و بیلاروسیا پرۆتۆکۆڵێکیان واژۆ کرد...
بیرلسكۆنی: میلان نافرۆشین...
باندێکی (10) کەسى دەستگیر دەکرێن...
شاندێکى گۆڕان بۆ پشتیوانی کورد دەچێتە باکور ...
''لە ساڵێکدا بیانیه‌كانی ناو داعش بەرێژەى (70%) زیادیان کردوە''...
یەک ملیۆن نەمام لە بەردەم مەترسیی وشکبوندان...
بریمه‌ر داوا دەکات چەک بە کورد بدرێت ...
حوسیەکان پارێزگارى سەنعایان کوشت ...
ئێران دەستگیرکردنى چه‌ند تۆڕێكی‌ سه‌ر به‌ داعش رادەگەیەنێت ...